IMAMAT 21:23 - Allah Wene Fano Wene Hupla Inane

²³ Hineisena Tuhan nebe Anat hilingi'more, ap andi ebeba agap pale'ma aren su kain o senggelek hore'ma hulirogo kologo pelabek mene a'nogo inom mezbah inom era'lu horokhogo andoma laga logoinogo. Nen, yi mene ti mene o elonggoma warogo nolhi logolik hilingitu mene andoma An nen enogo fakhasigimo re, ap andi nen An nangge enogo werek engge andomaba emetfeinogo, ikhe ino,” iluk yagatikhe.

IMAMAT 21:23 ပူးပေါင်းရင်းမြစ်များ

NEHEMIA 13:29

A'nogo hilingitigisik an nen samban ikhi logolik he, ”Neisena Allah, afuni andoma nen yabu inunggulenu imam mene a'nogo seramet figik, nen Haren it imam mene inom ap Lewi mene inom wene warek mene a'nogo weagerogo figik, hilingigu mene andi faget wenggel han, neisena,” iluk samban igi.

IMAMAT 15:31

Tuhan nen Musa mimingiti logolik, afuni inunggulenu Israel mene nen Tuhan Awi Sabu salek mene a'nogo emetfeinogo re, ki huli nen it emerek logogun nen ningginik sambul halok we logogun, iluk futfikhi logouwakhogo yagaisa lan. Nen, iren Tuhan Awi Sabu andi emetfogoin halok he it inebe wa'lasugun.

IMAMAT 19:2

”Afuni Israel mene Allah nen mel ikhe, iluk yagaisano: An hineisena Tuhan Allah nebe horek welagirek andi hak, hirogo An nobaget horegat logoni o.

IMAMAT 20:7

An hineisena Tuhan Allah nobabut fano horek welagi hak, hirogo a'nogo logobagaigen he, hinonggwaregen ogal fakhikhi logoni o.

IMAMAT 21:22

Andiba nen he, iren nunggu mene mondok hihorek mene inom, we horek mene enogo fugu mene inom, An nobaget waganogo fei wagu mene andoma ninggi logogun fano.

IMAMAT 21:24

Wene melalek yi'nogo ti'nogo hilingiti logogun iluk mene andi at Musa nen Harun inom at amlogomi inom it afuni Israel mene inom yagaisasikhe menere andi.

IMAMAT 21:6

At he An nobaget nunggu mene warogo wo'nesi waga logoginmo re, ebe fano tegelek logolik hilingiti logogin. At ebere An nonggwarek nangge eneksek mene were'ma An nenu sebelogo feinogo.

IMAMAT 22:16

Hineisena Tuhan nebe Anat, An enek wo'nesi wagu mene andoma enogo figimo re ap we hesangge mene nen noageluk herak fisa fuk. Herak fisikhi logogin halok he wene at oba hilinglaga logogin,” isikhe.

MATIUS 23:17

Hinendawinggen mondok lek logolik hineilenggen mum yoma ri! Ki mene esin anggegep? Emas andi mene esin anggegeba? Allah awi wurik andi emas Allah faget fesukwa mene, iluk, awi wurik andiat esin anggegeba.