IMAMAT 21:1 - Allah Wene Fano Wene Hupla Inane

^1-2 Tuhan nen wene melalek yi it Harun inom at ambisangma mene inomen hilingiti logogun mene yagaisoageluk Musa yagatikhe. Yagati logolik, it imam halok he at agaisa, eisena inom inomalik inom, are inom wa'lagu halok enek he, aren afuni salinafuba andoma laga logogin oba nen he at agaila'lak erugwi amu mene salinafunem halok he, ebe emetlasinogo re laga logogin lek,

IMAMAT 21:1 ပူးပေါင်းရင်းမြစ်များ

YEHEZKIEL 44:25

Ap imam mene re ap warek senesigin oba ebe emerogo fakhikhe hanogo. Meneba nen at eisena agaisa ebe tasigin mene inom, athe at onggwarek omalik inom, at erei hele mene ogo ap mene ogo oan lombolinafi'lek mene halok enek he aren senisagain halok fano.

HOSEA 5:1

Tuhan nen ikhi logolik, ”Hit ap an eisewerek welagep mene yi inom, hit afuni Israel mene mondogat inom, hit afuni ap inenupogoren tagomangge mene yi inom, hinesanggo fanorogo holini o, hiren he it ekhe wene inoba figik, kotik, higithogo u werek kwelegat he, o Mizpa nen paik ke'noguageluk hele figik, o tom Tabor oba nen ikan kwalasuageluk su webet figik, o Sitim kweang uanhogo habuli'mo puageluk fougetik, egepma werek andi hak, it ekhe weak asuageluk hilingiti lagep andi nen he, An nen wene hit mondogat hinoba fagain o.

IMAMAT 19:28

Hineisena Tuhan he, Anat andi nen he, afuni wa'lagunem, hinendawimo ouen hinagap paligik ugun lego, lisuba hinebene enegengge palhik, ugun mondok lego.

IMAMAT 21:11

Ap warek mene andi re, at onggwarek eisena agaisa oba nen he, aren An Nawi Sabu wuri'mo herakfuluk wulibi lagain oba, o emetlasinogore o An naiba andoma nen wulibi laluk ap warek were'ma andoma kwilanogo. At ebere An nonggwarek faget logouwageluk wo'netama re aren ebe emerogo fakhikhe hanogo.

MALEAKHI 2:1

At Tuhan Omame Hokho mene a'nogo nen it ap imam omanogo inoba yagaisikhi logolik he, ”An nen Nawene melalek hit hinobaget he, yi yagahisikhi lagi o:

MALEAKHI 2:4

Andiba re it imam Lewi ambisangma mene inoba wene warisasigi mene a'nogo re, mondok-mondok logouwageluk, ”Wene melalek yi re, mondogat wo'nisasikhemo nen o,” iluk hinelu asugun.

BILANGAN 19:11

Ap ekhe nen ap warek mene ekhe enggi fakhagain halok he, ap andi ebe emerek werek kwelek enek he linggene 7 huli nen logogin.

BILANGAN 19:14

Afuni ekhe o sabu elonggoma wa'lagu halok, afuni o sabu andi elonggoma logogun mene inom, o andiba kugun mene inom andi waregen sebelinabiginmo re linggene sabiren inebe emerek logogun.

BILANGAN 19:16

Ap ogo hemi ogo afuni nen pinggi inoatunem warek halok ogo, amu yabumo nen wa'lasigin halok ogo, andomaba fagisogoin halok he at ebe emerek werek kwelek enek linggene 7 nen logogin. Andi hak he ap wa'lagu mene inoak fagisogoin mene ogo, warek salegoba fagisogoin mene ogore emerek enek logogun.

BILANGAN 5:2

”Wene melalek yi afuni Israel mene inoba yagaisano: Afuni inebe mondogat andoma ou inagap ebene purak weak mene hikhi logolik halok ogo, athe inagap inenggalimo mene andoma inoumo logolik halok ogo, nen ap warek fakhogoin halok ogo re, it afuni andi mene mondogat he it Israel mene inawi sabu sale'ma omanogo nen enda'ma wulak fisikhi logogun.

BILANGAN 6:6

Esi andiba re at ebe Allah faget enogo fikhe mene iluk eneksek logogin. Aren ane igin mene andi oan asi lagi'lek werek kwelek he at ebe emetfakhagain mondok lek. At ebe afuni ware'ma inera'lu horokhogo lagain legat, nen ap warek andi at onggwarek eisena, agaisa ogo nen oe agot meneba nen ogore horokhogo logogin legat.