IMAMAT 20:8 - Allah Wene Fano Wene Hupla Inane

⁸ Hineisena Tuhan he, Anat logolik hit hinebe An nonggwarek faget enogo fakhigimo re, An nawene melalek lisu palek andi fifurogo hilingiti logoni,” iluk isikhe.

IMAMAT 20:8 ပူးပေါင်းရင်းမြစ်များ

KELUARAN 31:13

wene menfei loageluk Musa mimingiti logolik he, mel isikhe: ”Linggene Sabit andi sambul set walikhi logogun iluk An nen menfesigimo re, hiren linggene andi sambul he esin anggogoin. Hinenggi 7 andiba re hundik-handik hit inom, An ninom ninendawinggen eberek logolik, hiren he we An enek Tuhan welagi mene inom, nen hit hinebe An nonggwarek nagainafuri horek logouwageluk hinobagasigi mene inom inelu asugun.

YEHEZKIEL 20:12

An nen it linggene sabat andi re An inom it inom wene wat-wat agagu mene enegenggerogo were'ma legeisogo figik, nen An Tuhan nen it andi An nobaget iluk enogo fakhigik isigi mene a'nogo eberisikhi logouwageluk yagaisigik, isigi.

YEHEZKIEL 37:28

An nawi andi ambi inenggi mondok-mondok faget it inanggele'ma andoma were'ma re, it yi afuni ti afuni inunggulenu amu-amu mene nen he, it Israel mene An Tuhan nonggwarek nagainafuri mene asuageluk wenagaisogo fisasigi mene a'nogo inelu asugun,” iluk ikhe yagaisano yaganete.

IMAMAT 19:19

An nen, yi'nogo hilingiti logoino, ti'nogo hilingiti logoino, iluk yagahisigi mene andi hologo hilingiti logoino o. Wam unggulenu hunogo meneba ai huniti logogun lego. Nen, yabu wen misigat meneba awi hunogo tomok yasugun lego. Nen, yo eil pire meneba ugu menere labesugun lego.

IMAMAT 19:37

Hineisena Tuhan, Anat andi nen he, An nen, yi'nogo hilingiti logoino, ti'nogo hilingiti logoino, iluk yagahisigi mene andi mondogat higithogo hilingiti logoino o, iluk ikhe yagaisano o,” iluk yagatikhe.

IMAMAT 20:26

Hineisena Tuhan Allah re An nebeat hilingi'mo, An nebe fano horek welagi hak hirogo An nobaget fano horegat logogun. Hit he afuni inunggulenu amu meneba nen An nonggwarek nangge mene logobagaigeluk enogo hinobagasigi.

IMAMAT 21:8

Hineisena Tuhan nebe Anat hilingi'mo An nebe horek welagi hak An nagainafuri inom horegat logoubagaigeluk enogo fakhasigimo, it afuni Israel mene nen he imam andi re An nobaget nunggu mene warogo nolnetunem At onggwarek faget enogo fakhikhe mene iluk fageti logogun fano.

IMAMAT 22:32

Hineisena Tuhan he Anaro. Annenat hit enogo horogo hinobagasigimo, hit afuni Israel mene mondogaren he, An Hineisena Nobabut Mondok fano horek mene iluk anggikhi logolik Nenu weagerogo fugubo.

MATIUS 12:50

Sa nen an Neisena pogoroba mene endawimo anggikherek mene higithogo hilingiterek halok, at andi an nagot, nerei, nagaisa werego,” iluk yagatikhe.

MATIUS 23:17

Hinendawinggen mondok lek logolik hineilenggen mum yoma ri! Ki mene esin anggegep? Emas andi mene esin anggegeba? Allah awi wurik andi emas Allah faget fesukwa mene, iluk, awi wurik andiat esin anggegeba.

MATIUS 5:19

Halok he, sa nen Allah nen isikhe wene endep mene misigat halok sebelogo fuluk, it ekhe nen a'nogo hilingiti logouwageluk yagaisugu halok he, Allah awe a'ma fisikherek oba andoma, at andi enu yenggerugwi hak inendawimo seramet fikhi logogun o. Mene re, sa nen Allah ane andi higithogo hilingiti logolik, it afuni ekhe nen a'nogoat hilingiti logouwageluk yagaisikhi logogin halok he, Allah awe a'ma fisikherek oba andoma, at andi enu weregat were'ma esinet fikhi logogun o.

MATIUS 7:24

A'nogo yagaisasikhesik ekhe mel yagaisasikhe: ”Halok he, sa nen, an nane andi esanggo hologo higithogo hilingite halok, aren yi higit hilingisigin o. Ap ekhe endawinggen werek mene nen o helep oba loukhogo wutikhemo,

YOHANES 13:17

An nen wene yagahisigi andi hinelu asimbik hilingiti logogun halok he, hinendwimo hinagaiyek hikhi logogun o.

1 KORINTUS 1:30

At Allah nenat hit Kristus Yesus hinom hundik logobagaigeluk hinobagaikhemo welagep andi. Wene ninendawimo kagalogo logou hak he, Yesus ebeat wo'nisasikhe. A'nogo wo'nisasikhemo, aren he, Allah ninom hobuk ninambotkwe lambulogo ninobagagik, ninebe Allah faget ninobagagik, telninafik, ikherek.

1 TESALONIKA 5:23

A'nogo were'ma, at Allah nen ninendawinggen hambuget ninobagaikherek mene a'nogo nen, hinebe abirengge onggwarek faget fakhaluk logouwago. Were'ma, ninoe Enupogot ebe wagunem, hinendawinggen inom, hinebe inom, hinobabut inom, wene hinoba figi'lek tegelek mondok were'ma wesuagen he, arenat fethinarek logouwago.

2 TESALONIKA 2:13

Nerugwi nagaila'lak. Hinebe ninoe Enupogoren endawi werego. Eroba Allah nen hinebe telhinabigeluk wenak hinafikhemo, hiren ebe wene andi eberogoat iluk wanhik, nen, hinebe Allah Areagun en Allah onggwarek faget fakhaluk tegelogo hinobagagik ikhi logogun andiba telhinabigin andi nen, nit Allah hai wasugun higithogoat hit faget hai watu mondok welago.

YAKOBUS 1:22

Wene Allah ane andi hinesanggo nek holfuluk kamo umo re, hinonggwaregen lalogoin andi nen he, hinesanggo holfuluk higithogo hilingiti logoino o.

WAHYU 22:14

Nen, it ekhe inasu fanorogo sobalogo fakhaluk logogun mene halok enek he, Allah nen fanorinafunem inendawimo inagaiyek a'luk, e enggen nunggunem inelugerinaferek mene a'nogo enggen ninggik, nen o kota andoma kwe ambe palekwe nen wulifik-kwigik, ikhi logouwogeluk eisewerek asimbik logogun.