IMAMAT 20:5 - Allah Wene Fano Wene Hupla Inane

⁵ An namunegen ap andi ebe inom, agwe againafuri inom lambulogo, afuni at inom seberogo An heraknobagaluk kembu Molokh fogerasugun mene inom wene inoba fagain. Nen, it andi re An nagainafuri mene werek anggagain lek.

IMAMAT 20:5 ပူးပေါင်းရင်းမြစ်များ

2 TAWARIKH 21:11

At Yehoram en he it Yehuda inap werekwe tomkwe omanogo tugwi kembu fogerati logogun kwe wurik lagaikhe andiba re, it afuni Yehuda mene inom Yerusalem mene inom Tuhan elokhoma weak hilingiti lagaukwa.

MAZMUR 106:39

Iren a'nogo hilingiti lagaukwa andiba re it inebe mondogat emetlaga logolik, It inebe Allah ba tiphogo welagi'lek hilingiti lagaukwa.

KELUARAN 20:5

An hineisena Tuhan Allah nebe Anatma re, hiren he, yi mene ti mene ekhe at emberek higit, iluk anggogoin mondok nabit andi nen he, tugwi kembu a'nogo ekhe alik waganogo wurogo fembik fogerasugun mondok lego. Afuni an nebe inapsiri mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.

YEREMIA 3:2

Punu unggulkwe andoma heilenggen liakhan! Haren pailak hilingirageluk lagalagen lekwe re koma nogo? Ap Arab mene lei pirim se'ma welagaikharek higit, haren ebekhalem inendawi nunggunem hilingitarek engge a'nogo hilingisugun iluk ap nenangorinafu welagen. Haren he o kweang yi re babi lagik, hanini mene hilingitik, hilingitu logolik he mondogat emetfikhi lagen.

YEREMIA 32:39

Iren An foge'nabuogeluk inebe misik inobabut misigat a'luk hilingiti logouwageluk wogisagain mene andi re, inenggi mondok-mondok andoma faget An noba inailorogo hilingiti logouwageluk hilingfisagain. Andiba re it inebe inom iren tagomangge mene inom fanorogo nek logogun.

YEREMIA 44:11

Andiba re, An Tuhan Nomame Mondok Hokho mene, Israel mene ineisena Allah a'nogo nen he hit eil hinabimbik he, Yehuda mene mondogat alperelogo fisagain o.

HOSEA 2:13

Aren An noba onggorasimbik, ninhup-nanhup amben fano mene tugwi kembu Baal andi faget enek noletik, alilingge fano mene waganogo ap inom nikharek mene andi heraginabi lagik, ikherek andi nen he, An nen wene at oba fagain o, iluk An Tuhan nen nane arat igi,” iluk ikhe.

HOSEA 2:5

Hinagaisa enggali mondok lek yanani nilik nikhi logolik, mel ikherek: An ap ninom nikhi lago mene nen namburu inom, nagai inom, yosi wol mene inom, kain linen su eil puselek weak fano mene inom, e zaitun enggen amusu inom, anggur enggen amusu inom, wo'netarek mene heraginabik inoba lagain o, iluk ikherek andi.

IMAMAT 17:10

Nen, afuni Israel mene ogo, it pok meneba nen afuni Israel mene inanggelekwe femhoho werek mene nen ogo wam kurik meberengge nunggu halok he Tuhan nen wene oba fagain, nen at ebe faget An namlogo mene werek he anggagain lek.

IMAMAT 17:7

It afuni Israel mene halok he hundik-handik Tuhan oba himbirik logolik enek logogun. Nen, hiren we misigam iluk ogo ekhe yi wam ti wam nen yi mene ti mene yabumo warek mene munggwat jin-jin inafe hebelek logolik inanini mondok weak mene iluk inobaget wam warogo fisa fuk. Wene melalek yire fanorogo holfuluk higithogo hilingiti logolik enek logogun.

IMAMAT 20:4

Ap andi nen ambi a'nogo hilingisigin oba nen afuni nen ineil humun lagaikharek hakhogo hilingiti logolik, onggo wene oba figi'legengge werek halok he,

IMAMAT 20:6

Ap ekhe nen it heinogengge afuni wa'lagaikha mene inaheime inom sebeti logolik inane matu meneba komo wene yaganisoageluk inambit lagu halok he, An nen ap andi oba wene fembik at andi An nagainafuri mene werek anggagain lek.