IMAMAT 20:22 - Allah Wene Fano Wene Hupla Inane

²² Tuhan nen ikhi logolik, ”An nen wokhinarek lagain oba o Kanaan andoma nen mugusogo wulak hinabi nogore, An nen nawene melalek inom yi'nogo hilingiti logoino ti'nogo hilingiti logoino iluk yagahisikhi lagi mene andi furogo holfuluk hilingiti logoino.

IMAMAT 20:22 ပူးပေါင်းရင်းမြစ်များ

MAZMUR 119:106

An nen Hat hawene melalek inom, wene katokhogo hilingitu awene faget inom andoma mondogat pukhogo fisogo logogin, iluk nane hombuk palogo wene watigi mene andi re nane isigi higithogoat tibet fagain o.

MAZMUR 119:145

Tuhan neisena, an he nendawinggenma nen Hat henu hombuk palhi lagimo re, hane onggo yaganomo, an he Hat hawene melalek hologo hilingiti logogin andi namolo welagi.

MAZMUR 119:160

Hat hane andi mondogat he eberogo mene nek, Hat hawene melalek mondok higit mene andoma re mondok-mondok logogin mene.

MAZMUR 119:164

Hat hawene melalek andi re higit mondok hilingi'mo re, an nen hundik-handik Hat hoba hai wathafu welagi.

MAZMUR 119:171

Haren wene menfesigin mene omanogo yanggulneti lagen andiba re, an nen Hat hundik-hundik fogethafi lagi.

MAZMUR 119:175

Hat fogethafi logogin nen an neluk logogin fano, Wene Haren menfegen mene andomaba an lebetniikhi logogin logouwak.

MAZMUR 119:20

Hat hawene melalek andi linggene hundik-handik kumuthugu mene faget he, an noba liongorogo nendawimo mondok fulung hugunem welagi.

MAZMUR 119:80

An nenggali asi nogoluk, Haren wene menfegen mene andiba nen an nen taganhogo hilingiti logogin lego.

KELUARAN 21:1

It afuni miminginafu mene andi faget Tuhan nen Musa oba ikhi logolik, ”Afuni Israel mene inoba wene melalek yi yagaisan:

YEHEZKIEL 36:27

An nareagun he hit hinendawinggenma hambuget hinafu mene logouwageluk wokhisagain, nen hiren An Nawene melalek higithogo hilingiti logolik, An Nawene yi'nogo ti'nogo hilngiti logoino iluk yagahisasigi mene omanogo hologo higithogo hilingiti logouwageluk An nen hit halogo hinobagagin.

IMAMAT 19:37

Hineisena Tuhan, Anat andi nen he, An nen, yi'nogo hilingiti logoino, ti'nogo hilingiti logoino, iluk yagahisigi mene andi mondogat higithogo hilingiti logoino o, iluk ikhe yagaisano o,” iluk yagatikhe.

IMAMAT 26:33

Hineabu helikhi legep kwe andoma hesangge linisikhi logogun, nen hinawi wurik he we meisalegenek kabok lagakhi logogin. An nen hit hinaiba eroma andoma weim liabumo hit hinailo nen linggi longgo ugun.

ULANGAN 4:45

Wene andi a'nogo hilingitukwa andi re, it inebe o Mesir en mondogat wulibi wagaukwasik i Yordan abel fena mo liabi wagarek fikhit tonggoma o kota Bet-Peor amik higithogo asi wagaukwasik wogisasikhe. O andoma re o attak hun Sihon it Amori mene inobaget inoe raja logolik attak at o kota Hesybon halogo fisikhi logolik, sebelinarek welagaikhe kwe. At Musa inom it afuni Israel mene inom o Mesir en wulibi waga logolik mabenet fisasukwa kwe omanogo.

ULANGAN 5:1

At Musa nen afuni Israel mene felelenghogo kaboget fisasikhesik he it yagaisikhi logolik, ”Nerugwi nagaila'lak wene melalek An nen yogondak yagahisagain mene yi hinesanggo fanorogo holinio. Wene andi fi-furogo yanggul fuluk higithogo hilingiti logolik oba tiphogo nek hilingitu nogo.