IMAMAT 20:16 - Allah Wene Fano Wene Hupla Inane

¹⁶ Hele misik ekhe nen wam inom a, athe mene inom a sebetu halok he, wam andi ogo nen hele andi ogo pinggi inoasugun. Nen, it wa'lasugun mene andi re inonggwarek inaweagen wa'lasugun.

IMAMAT 20:16 ပူးပေါင်းရင်းမြစ်များ

KELUARAN 19:13

Unggum a'nogo oba fembik he, ebe inenggi fakfigi'lek, helep oba hea? Sikheba hea wasino. Afuni ogo, wam ogo, huli warek mene andi afane wagu halok, unggum inoba fembik inoa'no nek. A'nogo meneat he, pinggong ane hundik ugu mondok werek halok enek he, afuni andi inebe tom oba weak-weagat lagai wesuago,” iluk yagatikhe.

KELUARAN 21:28

”Wam sapi ai mene ekhe nen ap ogo, he ogo ekhe andimuk oba talogo watemo wa'lagu halok sapi andi helep oba tamukhogo wasugun. Wasimbik he, eino re nogoin lek oba nen, at anggo eisewerek a'nogo re unggum wogosugun lek.

KELUARAN 21:32

Wam sapi nen wasigin mene andi ambi, inamingmingengge ogo, he ogo, wasigin halok he, ap anggo eisewerek mene andi nen onggo uang perak mene 30 nen ap inamingmingengge ineisena andi oba onggo wogosigin, nen anggo sapi ai mene andi ogo ebe helep oba pinggi wasugun.

KELUARAN 22:19

Ap ekhe nen hali'lagongge, ap ekhe inom sebetu halok he ebe pinggi wasugun.

IMAMAT 18:23

Aben ogo hemi nen ogo wam, mene, yi mene ti meneba hinom sebe su fuk. A'nogo hilingisugun halok he hit hinebe emerogo fakhegep hanogo.

IMAMAT 20:15

Ap misik ekhe wam inom a, athe mene inom a, sebetu halok he ap andi inom wam a'nogo inomat pinggi inoasugun.

IMAMAT 20:17

Ap mene misik ekhe nen at onggwarek erei inom ogo, nen ineisena misik oba nen inagaisa amu-amu mene halok ogo, inom sebetu halok he it andi hilingisu mondok elo'lek mene hilingitama iluk inonggwaregen hilingisugun onggo saburogoin andi. Nen, it andi re An nagainafuri mene werek he anggagain lek.