IMAMAT 2:11 - Allah Wene Fano Wene Hupla Inane

¹¹ Kin amusu inom, fiterek mene inom he Tuhan obaget noletu legengge hilingi'mo re, Tuhan obaget enu warek mene halok he kin amusu inom fiterek mene inom he mangot fikhi logogun lek.

IMAMAT 2:11 ပူးပေါင်းရင်းမြစ်များ

KELUARAN 23:18

Hiren An nobaget wam warogo fei waga logolik he roti fitungge werek mene re, An nobaget fei waga logou fuk. Wam An nobaget hiren seni henagan aremnogoba isati logolik warogo fei wesugun mene asei andoma re foumo o hubet asinogo.

KELUARAN 29:25

A'nogo hilingfuluk he roti a'nogo it inenggimo nen waluk he, mezbah amboloba An nobaget yi mene ti mene nol fogoin oba andoma nol feino. Noligin mene andi amben he An nendawimo healigin.

KELUARAN 34:25

Seni a'nogo hilingisuogeluk wam An faget nobagagun mene senggelhi logolik, yi mene ti mene sumburu roti enggen fisuageluk pelafarek mene inom pelagaisogo weragongge An faget ekhe nobagagun mondok lego. Nen, linggene wam seni Paskah andi faget nouwogeluk wera'luk he, ekhe ohealek mene faget figi'lek o hubanggo andi sambul felelenghogo ninggi logoino o.

AMSAL 24:13

Namlogo e, kin amusu nagain halok he fano, andi re nunggungge. Kin amusu andiba nen waluk nunggunem enduk mitsek andi higit ninggi logoino.

AMSAL 25:16

Hat hobuk hebak hafe asigin enggere kin amusu nek hokhorogo na fuk.

AMSAL 25:27

Kin amusu hokhorogo nenggarek andi re mondok weak, andi hakhogo re afuni hokhorogo nen foget fisagarek andi re mondok weagat.

IMAMAT 1:13

A'nogo hilingfuluk ap a'nogo nen he elonggomangge inom, eisok sanoksek inom sobalhi logogin. A'nogo nek hilingfilik laluk he, it imam omanogo nen abirengge Tuhan obaget, mezbah amboloba nolfikhi logogun. Nol fugunem amben nen he Tuhan endawimo agaiyeget fikhi logogun.

IMAMAT 6:10

Nen, warogo nolhu mene a'nogo mondogat wul agunem he, it imam en su celana horok mene inom su jubah mondok fano mene kain lenan oba selebensek mene inom laberaluk he, wam amusu wul oba pugunem yalelogo re mezbah wurik mene a'nogo erokwe andoma fikhi logogun.

MATIUS 16:6

at Yesus nen mel yagaisasikhe: ”It ap Farisi mene inom, ap Saduki mene inom, enggen sumburu roti fisuageluk anggelekwe pelafarek andi hangge mene fisogo werek andiba weagethinabinogo iluk, hinebe hebelogo logoino o,” iluk yagaisasikhe.

MARKUS 8:15

Wulifukwasik he, Yesus nen komorinafi logolik mel yagaisasikhe: ”It ap Farisi mene inom, at Herodes inom, enggen sumburu roti fisuageluk elonggoma pelafarek a'nogo hangge werek andiba weagethinabinogo iluk, hinebe hebelogo logoino,” iluk komorinafikhe.

LUKAS 12:1

Wene a'nogo ugu kwelek, afuni mondok hokhorogoat inera'lu andogosi wagaukwama re, inebe mondok esa hokhorogo andi nen he, it ekhe nen it ekhe ineisok ungguren al perelogo fisilik lagaukwa. A'nogo hilingfisilik lagaukwama, at Yesus nen agoromi ane wanhi lagaukwa mene omanogo wene mel tak yagaisasikhe: ”Ap Farisi mene inobabut he, enggen sumburu roti mene fisuageluk, anggele'ma pelafarek mene andi hangge logolik he, inagap oba nek fano hangge, inendawinggen pire andi nen, weaget hinabinogo iluk hinebe hebelogo logoino.

LUKAS 21:34

At Yesus nen wene a'nogo yagaisasikhesik he, ekhe mel yagaisasikhe: ”Yi mene ti mene isago werago hinalabut ninghogo ninggik, i lugulugwi paluogeluk nenggarek mene ninggik, yi mene ti mene kweangma mene faget menenei uan horok ebetik, a'nogo hilingirik nikhi logolik hinebe hebelek lek hesanggeat were'ma,

KISAH PARA RASUL 14:22

Attak kwi laga logolik, afuni Yesus ane yagaisilik kwi lagaukwama wanhukwa mene hobuk inoba fa'larik wulibi waga logolik, inendawinggen ago watfisigik, komorinafik, ilik wulibi waga logolik, mel yagaisasukwa: ”Wene eberogoat iluk hinendawinggen Yesus oba himbiret fesigip mene andi, ninghogoat himbirik logoino o. Nit hobuk Allah awe a'ma mondok logouwogeluk he, ninoba yi enggin ti enggin hikhi logombigenat kugun o,” iluk yagaisaluk wulibi wagaukwa.

GALATIA 5:9

Roti fisuageluk enggen fiterek mene endebat anggele'ma pelafunem mondogat firik wuliferek hak, wene weak mene andi nen hinebe mondogat weagethinabik lanogo iluk igi.

1 PETRUS 4:2

Andi nen hiren he, afuni yi mene ti mene inamolo nen inendawinggen en ninggerek andi mene herakfisaluk, huli yogondak huli nen he, hineluk logolik Allah endawimo amolo anggikherek mene andi higithogo hilingiti logoino o.