IMAMAT 2:10 - Allah Wene Fano Wene Hupla Inane

¹⁰ Tindel agu mene re, it ap imam mene aga logogun. Roti andi re Tuhan faget fei wagu mene hilingi'mo mondok horek mene logogin.

IMAMAT 2:10 ပူးပေါင်းရင်းမြစ်များ

2 TAWARIKH 31:14

It afuni nen waluk Tuhan obaget fei waga lagaukwa mene omanogo waluk sumburinafi logouwageluk he, Kore, hun Yimna amlogo awi Lewi agun a'nogo o Tuhan Awi wuri'mo Kwe Ambe Hokho mene timur fikhit a'nogoba kagalek werek mene faget kepala welagaikhe agun a'nogo fesikhe.

EZRA 2:63

It afuni a'nogo re at gubernur en yagaisikhi logolik he, ”Ap imam misik ekhe nen Tuhan endawimo anggikherek mene inelu asuageluk kino ugu mene Urim inom Tumim inom aremnogo inoba oan kino igi'lek logolik he, yi mene ti mene Allah faget iluk fei wagungge andoma ninggi logogun lek,” iluk ane silo fesikhe.

YEHEZKIEL 44:29

It andi re An nobaget gandum inom wam inaweak horogo leget fisoageluk warogo fugu mene inom, afuni inangge obali'mo fugu mene inom andomaba ineluk logogun, nen yi mene ti mene An nobaget iluk enogo nobagakhi logogun engge andoma re it enek wogisikhi logogun.

YEHEZKIEL 46:20

mel yaganete, ”O senggelek andoma re, imam en inaweak horinafu mene inom, onggo ambotkwe wogisugu mene inom, gandum mene inom, omanogo nolhuba logogin. Obaget fugu mene andoma endebengge tindelek iluk ogo ekhe waluk enda'ma hu'laguba andoma wilifi logogun mondok lek. A'nogo hilingisugun halok he afuni At againafuri weagerinabinogo,” ikhe.

IMAMAT 10:12

A'nogo yagatikhemo, at Musa nen Harun inom amlogomi inebe pire Eleazar inom Itamar inom yagaisikhi logolik, ”Nunggu mene Tuhan faget fugu mene gandum andoma waluk he, tepung andi mene oba nen he roti fiterek lek meneba wera'luk, werago fugu mene andi re ebe mondok horek mene hilingi'mo mezbah era'lu horokhogo andemen nano.

IMAMAT 14:13

Domba andi re inaweak lek hilingisogo fouwageluk inom, Tuhan endawimo agaiyeget fouwogeluk nolesugun mene inom omanogo re, obalik wam watuba tegele'ma omanogo nen wati logogun. Wam warogo obali'mo iluk watu mene inom afuni inaweak leget fisugu mene inom andem he, mondok horek mene it imam omanogo nen helugu mene hilingi'mo, domba andi re andemenat wati logogun.

IMAMAT 2:3

Enu warogo fei wagu mene omanogo re, fena minggilogo it imam nunggu mene faget. Nen nunggu mene andi ebe re Tuhan faget fugu mene hilingi'mo re mondok fano horek mene logogin.

IMAMAT 21:22

Andiba nen he, iren nunggu mene mondok hihorek mene inom, we horek mene enogo fugu mene inom, An nobaget waganogo fei wagu mene andoma ninggi logogun fano.

IMAMAT 5:13

Ap a'nogo aweak faget Tuhan nen lek hilingisogo fouwageluk he, it imam en warogo nolhi logogun. Oba nen he tepung fena tindel agu mene omanogo re gandum amep lek mene iluk nolhi logolik hilingitarek hakhogo it imam mene inobaget fikhi logogun,” iluk yagatikhe.

IMAMAT 6:16

Nen, tepung fena abirengge andi re roti fiterek lek mene werak fuluk, it imam omanogo nen o Tuhan Awi Sabu sale'ma solombonma obalik Mondok Hore'ma andoma nen ninggi logogun. Amep werek lek mene nunggu mene andi re inaweak legabesuageluk warogo fugu mene inom, hilingitu onggo obali'mo fugu mene inom, hilingik hakhogo hilingi'more mondok horek mene logogin. Nen, andi re at Tuhan nen it imam ninggi logogun mene iluk wogisasikhe mene re ebe andi.

IMAMAT 6:23

Amep werek lek mene weragaisogo noli waga logogun mene andi re endebengge iluk ogo ekhe it ninggi'legengge mondogat it imam en nolhi logogun,” iluk isikhe.

IMAMAT 7:7

Wam afuni inaweak legaphogo fouwageluk mene inom hilingitu onggo ambisangma mene inom awene re we misik andiat logogin. Nen wam warogo nolhu mene a'nogo eino re at imam warogo noligin agun a'nogo aga logogin.

BILANGAN 18:9

An nobaget fugu mene andoma mondogat he ebe horek mene mezbah amboloba nolhi'lek mene andoma re hat mene aga logogin. Andoma ebere An nobaget amep lek mene wo'netu mene inom, ninaweak lek hilingisogo ninobagauwageluk fugu mene inom, ap inangge alomat fuluk obali'mo fugu mene inom. andoma mondogat he horek mene iluk fikhi logogun oba nen hat inom it hagainafuri inom hinobaget logogin.

1 SAMUEL 2:28

Nen, afuni inunggulenu Israel mene mondogat inanggele'ma nen hat homba andi againafuri inom wenaginafigimo, inebe An eisewerek logolik, wam yi mene ti mene nolneti logogun oba yabu hilingitik, amben fano mene nolnetik, ikhi logolik, An ninom weneane uogoluk halok inunggulkwe efod su mene pukhogo nen igik, ikhi logouwageluk, inayonggo fesigi andi. A'nogo inayonggo fesigisi'mo re, it inebe inom, iren tagomangge mene inom. wam yi mene ti mene nolneti logolik, fenakwe it helikhi logouwageluk eisewerek fisasigi andi.