IMAMAT 19:4 - Allah Wene Fano Wene Hupla Inane

⁴ Hineisena Tuhan Allah re, Anat andi nen he, An heraknobagaluk hinendawinggen tugwi kembu oba himbiret fouwogeluk wulibugun mondok lego. Emas mene inom, perak mene inom, posie mene inom, tugwi kembu wurogo fuluk fogerati logou fuk.

IMAMAT 19:4 ပူးပေါင်းရင်းမြစ်များ

1RAJA-RAJA 14:9

Oba nen, hat he it hat hebe oan raja menlagi'lek werek kwelek melalinafi lagaukwa mene andoma nen weak hilingiti lagaukwa mene re mondok sebelek hangge werek kwelek, hat enek he mondok weak kwanirek mene hokhorogo hilingiti lagen o. Haren An nebe herak nobaluk kembu logam meneba wutfuluk apne wanhi lagen andiba re An na'mage kwelafi lagen.

1 TAWARIKH 16:26

It afuni inunggulenu amu mene nen inanggembu dewa andoma re we ilirenggerogo alik hilingik werek, Oba nen he Tuhan enek he pogot honggolek kweang honggolek werek mene oma elalhe agun.

2 TAWARIKH 28:2

At he it afuni Israel mene faget inogogwi raja mendek welagaukwa mene andoma hakhogo logolik he, aren kembu Baal a'nogo alik hilingik logam meneba wusuageluk yagaisigik,

MAZMUR 96:5

It afuni amu mene inandugwi kembu andoma re we fogeratarek mene faget werek, Oba nen At Tuhan enek he o pogot kweang talek mene ari elalhikhe agun werek.

KELUARAN 20:23

Halok he hiren, emas mene ogo, perak mene ogo, An Tuhan nebe werek kwelek, amu mene hit hinonggwarek faget alik-alik hilingfuluk, apne wanhik, fogeratik, hilingisu fuk.

KELUARAN 32:4

Wogosi wagaukwama, wanhikhesik he, weragaisogo lebelek agaikhemo obalik ekhe anggwe folele'ma kweisalogo kwelakfesikhemo re, tugwi kembu ebe sapi hangge hilingitikhe. A'nogo hilingitikhemo, it afuni Israel mene nen he, mel isukwa: ”Kwelakhani, nineisena allah o Mesir en nit wo'ninarek waga mene re, ebe yi o,” iluk isukwa.

KELUARAN 34:17

Hiren he, tugwi kembu posie mene hilingitik, emas mene hilingitik, perak mene hilingitik, hilingisogo fuluk fogeratubo.

IMAMAT 11:44

An hineisena Tuhan Allah nebe An namuat welagimo, An nebe mondok horek welagi andi hakhogo hirogo mondok horek meneat logoni.

IMAMAT 19:25

Tahun fuap meneba re, enggen hit elok ninggi logogun o. Hineisena Tuhan he, Anat andi nen, An nen, yi'nogo hilingiti logoino, iluk yagahisigi mene andi higithogo hilingitep halok he, e andoma enggen hokhorogo iti logogin o.

IMAMAT 19:5

Hiren An ninom lambuluogeluk, wam An nobaget warogo fugunem, An wanigen he, An nen, yi'nogo hilingiti logoino, iluk yagahisasigi mene andi higithogoat hilingiti logoino o.

IMAMAT 26:1

Tuhan nen ikhi logolik, ”Hineisena Tuhan Allah re An namuat welagimo re, hiren kembu wutik, e meneba inom, helep meneba inom alik waganogo menfuluk apne wanhik, hilingisu fuk.

HAGAI 2:18

O yogondak linggene yi re, tanggal dua puluh empat tugi sogo meneba werek kwelek, An nawi ubule fugu mene mondogat fegep! Enggere yogondak huli yi nen hilinglaga logogin mene andi futfikhi logoino o.

1 KORINTUS 10:14

Andi nen he, nerugwi nagaila'lak. Hinebe nendawi e. Tugwi kembu andi wutfuluk inendawinggen oba himbiret fuluk fogeratarek andi mene herakfisaluk heise wulibi we'ni o.

ULANGAN 27:15

Ap Lewi inaben inane hokhoba ikhi logolik: ’Aben inanggembu e meneba inom, helep meneba inom logam oak meneba inom, wutfuluk hinak-hinak apne wanharek mene andoma; At Tuhan he tugwi kembu fogeratu mene andi faget he a'mage lagali lagoma re, ap andi homan ugu logouwak!’ ugunem. It afuni mondogaren: ’Amin!’ ikhi logogun.

ULANGAN 4:16

Hit hinonggwarek faget, tugwi kembu ebe ap mene hea, he mene hea, ikan mene hea, kisu mene hea, wam sue paik ekhe mene hea, fogerati logouwogeluk alik hilingisogo fakhugunem weak hilingitep hanogo iluk ekhe wutubo.

ULANGAN 7:25

It inangge tugwi kembu alik hilingisogo fuluk fogeratarek mene andi endu nolfisano o. Tugwi kembu oba perak mene, emas mene, werek halok namolo iluk anggaluk hugulengge hinonggwarek faget helagubo. Nineisena Tuhan Allah nen enolino, iluk yagahisikhe mene andi ane sagalogo hilingitep halok he, hinebe wa'lasugun o.

1 YOHANES 5:21

Halok nagainafuri e. Hiren tugwi kembu fogeratarek mene andomaba nen agaiserati logolik, hinobabut hebelogo logoino o.