IMAMAT 19:32 - Allah Wene Fano Wene Hupla Inane

³² Hineisena Tuhan he, Anat andi nen he, inaluendek helel wulibik mene agaugwerinafik, An nebe hinailorogo welagik, ikhi logoino o.

IMAMAT 19:32 ပူးပေါင်းရင်းမြစ်များ

1 TIMOTIUS 5:1

Haren, ap inaluendek mene halok he, hane uare'ma yagaisigi'lek, we, heisugwi yagaisageluk hakhogo hane liokhogoat komorinafi logoino. Nen, ap souge mene andi re, hagaila'lak higit hinom welagik,

RATAPAN 5:12

Nit ninogogwi kaindek omanogo re aben fakfisagasik he e ba porogo fisaga, ap yaman agaikha mene omanogo re afuni nen ekhe agaugwet fisili'lagwi lek.

AMSAL 16:31

Ap higithogo hilingitarek mene andi re we endawi hundigen wogotarek oba eluk uanhogo welagarek, inesi helel wiliferek andi onggore makota habul habalengge mene helogoin.

AMSAL 20:29

Ap alage mene re omame werek oba a'luk afuni nen fogerinafarek, nen ap yaman mene legeisogo fisagarek andi re it inesi helel wiliferek andi nen.

AYUB 32:6

A'mage inoba fesikhesik aren ikhi logolik he yi'nogo isikhe, ”An he nebe sougerek welagi, nen hit he ap hinalue mene welagep, andiba re an nendawimo anggigi mene yagahisa re, nailo nabi'lago.

AYUB 32:4

It ap inebe welagaukwa mene aremnogo nen he at Elihu re it inagot mene hilingik welagaikhemo re it fenakwe tak umo nen aren igin iluk nenangot isikhi lagaikhe.

1 PETRUS 2:17

Afuni mondogat hinendawi nek logolik hinane agaukhogo yagaisikhi logoino o. A'nogo yagaisikhi logolik, hinerugwi hinagaila'lak Allah againafuri mene ekhe hinendawinggen hundik logoino o. Logolik he, Allah ebe hinailorogo welagik, nen, at Kaisar pemerintah mene inoe kain andi agaugweratik ikhi logoino o.

ROMA 13:7

Halok, it wogisogoin meneat wogisikhi logoino o. Uang pemerintah nen yi mene ti mene faget kino ugunem wogisogoin higithogoat wogisigik, it inebe hinailorogo logogun higithogoat hinailorogo welagik, hinane agaukhogo yagaisogoin higithogoat agaukhogo yagaisigik, ikhi logoino o.

YESAYA 3:5

Iren he inenggi omameba ekhe sebelfisigik, nen ekhe weagetfisigik hilinginafi logogun. Ap souge mene nen he inaluendek mene sebelogo fisigik, nen ap sebelek mene nen he ap lego mene sebelogo fisigik hilinginafi logogun.

IMAMAT 19:14

Hineisena Tuhan Allah re, Anat andi nen he, An noba hinailorogo fogetnafi logolik he, afuni inesanggo tagum mene homan fisigik, ineilenggen mum mene ineisok temukhogo waroageluk helep oba inanggwe palogo figik, ugun mondok lego.

1RAJA-RAJA 2:19

Andi isikhesik at Batsyeba a'nogo re Adonia awene a'nogo faget yagasiogen iluk lagaikhe. Lagaikhemo re, at raja a'nogo agaisa hai warogo iluk menlagaikhesik he eindep awi yagaisogo hai watikhesik nekhengge at hurek oba takhta a'nogoba hu'lagaikhe. Andi nen aren agaisa hu'lasigin oba faget at ebe werek oba nen enggi pikhit fikhit a'nogo hu'lasuageluk obalik fougerasuageluk yagaisasikhe.

KEJADIAN 31:35

Elokhoma agaikhe le'ma at Rahel en eisena yagati logolik, ”Hunai. Hat wagunem an helokhoma menla'luk hebe wokhafi legengge re, an wena'nesi fuk. An namep tugi hundik-hundik weri'logo mene a'nogo wagu nen hurek welagi,” iluk yagatikhe. Nen at Laban a'nogo hera fulongorogo heratikheba nen, elokhoma agaikhe lek.

2 RAJA-RAJA 17:36

Hiren he An Tuhan nomame hokho meneba o Mesir en wokhinarek wulibi wagagi mene a'nogo nalong anggaluk legeisogo nobagakhi logoni. Nen hiren An enek fogetnafi logolik wam he an nobaget enek warogo wo'neti logoni.

AMSAL 23:22

Hit hinebe lombok hineisugwi inebe weregen takhinafukwama welagep andi nen he, it inane ugunem hologo hilingiti logoino o. Nen, hinagaisawi lombok, inebe arat yaman agu halok he, hit hilingisugun mene andi inoba lombuk uageluk he fanorogo agaugwerinafi logoino o.

KEJADIAN 48:12

A'nogo yagatikhemo, at Yusuf againafuri aremnogo Yakub agoumo nen woginafikhesik he, at ebe Yakub awe a'ma eindep awi yagaisogo welagaikhe.