IMAMAT 19:3 - Allah Wene Fano Wene Hupla Inane

³ Hineisena Tuhan Allah, An Nebeat welagimo re, An nen, yi'nogo hilingiti logoino, iluk yagahisasigi andi hak, hinebe lombok hineisugwi hinagaisawi agaugwerinafi logolik, linggene Sabat oba re, An nobaget weat logoino o.

IMAMAT 19:3 ပူးပေါင်းရင်းမြစ်များ

KEJADIAN 48:12

A'nogo yagatikhemo, at Yusuf againafuri aremnogo Yakub agoumo nen woginafikhesik he, at ebe Yakub awe a'ma eindep awi yagaisogo welagaikhe.

NEHEMIA 9:14

A'nogo yagaisikhi logolik, o inenggi 6 en wela'luk ekhe 7 andiba hat honggwarek faget weat logouwagaluk hamingmingengge Musa yagatiginmo, aren yagaisasikhe andi.

KELUARAN 16:29

Hinendawimo eberek logoni. An nen he, hinenggi misik oba set walogo logobagaigeluk wokhisigi andi nen, hinenggi sabit oba hinamburu hinenggi pireba nogoin mene faget higithogo wokhisikhi logogin. Nen, hinenggi sabit oba re, hinebe lombok misigat halok ekhe o silikwe wulifi'lek hinaiba mondok logoino o,” iluk yagatikhe.

KELUARAN 20:12

Hit o an nen wokhisagain oba andoma fano mondok logolik, hinebe umur uanhogo logobagaigen he, hineisugwi hinagaisawi agaugwerinafi logoino o.

KELUARAN 20:8

Hinenggi sabit oba re, An hineisena Tuhan nonggwarek nawi andi nen he, o andiba tegelogo fuluk An nobaget agaukhogo hilingiti logogun o.

KELUARAN 21:15

Ap ekhe nen eisena ogo, agaisa ogo, inoatu halok he, ap andi ebe pinggi wa'no.

KELUARAN 21:17

Ap ekhe nen eisena ogo, agaisa ogo homan fisikhe halok he, pinggi wasugun.

AMSAL 1:8

Nagainafuri e, hit hineisugwi hinagaisawi inomen komothinafu mene andoma fanorogo futfikhi logoino o.

AMSAL 23:22

Hit hinebe lombok hineisugwi inebe weregen takhinafukwama welagep andi nen he, it inane ugunem hologo hilingiti logoino o. Nen, hinagaisawi lombok, inebe arat yaman agu halok he, hit hilingisugun mene andi inoba lombuk uageluk he fanorogo agaugwerinafi logoino o.

AMSAL 30:11

It ekhe nen he ineisugwi homan fisigik, nen inagaisawi aganget fisigi'lek hilingitik, agarek.

AMSAL 30:17

Ap ineisugwi inagaisalak yaman a'luk were'ma puliaphogo fisagarek mene andi re it inebe hambokhogo enda'ma wulak fisa wesumo sue kuri nen ineilenggen hulelogo ninggik, nen sue rajawali nen inebe warek fili omanogo ninggik igin andi re inobabut obaat hilingisigin.

YESAYA 58:13

Tuhan nen ikhi logolik, ”Linggene Sabat sambul andi re, Tuhan awi Horek mene iluk esinet fikhi logoni o. Linggene andiba re, hit hinoggwarek mene faget hilingiti logou fuk. Linggene andi re An nobaget tegelogo fuluk hinagaiyekhogo andogoti logoino. Nen linggene Tuhan nen mene andi legeisogo fikhi logolik he yi kwe ti kwe laga logou fuk, hineabu wanhik, hinane we hesangge matik, ikhi logou fugat.

YEHEZKIEL 20:12

An nen it linggene sabat andi re An inom it inom wene wat-wat agagu mene enegenggerogo were'ma legeisogo figik, nen An Tuhan nen it andi An nobaget iluk enogo fakhigik isigi mene a'nogo eberisikhi logouwageluk yagaisigik, isigi.

IMAMAT 11:44

An hineisena Tuhan Allah nebe An namuat welagimo, An nebe mondok horek welagi andi hakhogo hirogo mondok horek meneat logoni.

IMAMAT 19:25

Tahun fuap meneba re, enggen hit elok ninggi logogun o. Hineisena Tuhan he, Anat andi nen, An nen, yi'nogo hilingiti logoino, iluk yagahisigi mene andi higithogo hilingitep halok he, e andoma enggen hokhorogo iti logogin o.

IMAMAT 19:30

Hineisena Tuhan he, Anat andi nen he, linggene Sabat oba An faget weat welagik, o An fogetnafi logogun oba andoma enekhogo hilingitik, ikhi logoino o.

IMAMAT 19:31

Hineisena Tuhan he, Anat andi nen, heinogengge afuni warek mene inareagun inambotma logolik wene yagaisagarek mene andi nen komothinabuageluk inoba logoin lego. Inoba lagep halok, hinebe weak hilingisogo fakhogoin o.

IMAMAT 19:34

Hineisena Tuhan Anat andi nen he, afuni hit mene faget hilinginafi lagep andi hak, hiren ap pok mene andi faget a'nogoat hilinginafik, hit hinonggwarek hinebe hinendawinggen hundik welagep andi hak, it andi a'nogoat inebe hinendawinggen hundik welagik, ikhi logoino o. It ap pok mene andi werek andi hak, hit ogo re, a'nogoat o Mesir attak welagagip a'nogo hinendawimo ebe'ni o.

IMAMAT 23:3

Hinenggi 6 en pelabek andi re, hiren yi mene ti mene wanhi logombik, hinenggi sabit meneba re, An hineisena Tuhan nonggwarek faget weat set walogo logoino o. O andi sambul he, hinebe we o koma ogo, logogun lombok logolik, hinenggi ekhe wanhi'lek hinebe misi'mo andogorogo An nobaget enek hilingiti logoino o.

IMAMAT 26:2

Hineisena Tuhan Allah Anat welagimo re, hiren hinenggi sabit meneba inom, hinenggi ekhe esin mene An nobaget enekhogo hilingiti logogun oba inom, omanogo legeisogo fikhi logolik, An nebe fogetnafuba obalik hore'ma andoma inom esinet fikhi logoino.

MALEAKHI 1:6

Tuhan yi mene ti mene hilingisu hagenek mene a'nogo nen, ap imam omanogo inoba yagaisikhi logolik he, ”Yenggerugwi nen ineisugwi agaugwerinafik, afuni inamingmingengge mene nen inogogwi agaugwerinafik, agarek. An yi re, hineisena aro, nenahalok hiren An agaukhogo hilingnafi lagep lek nogo? An yi re, hinoe, nenahalok hiren An noba hinailo welagep lek nogo? Hiren An nebe weagerogo noba ikhi lagep meneat he, hiren heinok wo'niikhi logolik, ’Nit ninggi'nogo hilingiti lagoba Hat weagerogo fikhi lago nogo?’ iluk ikhi lagep andi.

ULANGAN 27:16

’Ap ekhe ineisugwi inagaisawi legeisogo fisigi'lek sebelfisili'lagwi mene andi re homan ugu logouwak,’ ugunem. ’Amin!’ ikhi logogun.

ULANGAN 5:16

O kweang hit wokhisigi meneba andoma hineluk uanhogo logolik, hinaiba fanorogo logobagaigen he, hineisugwi hinagaisawi agaugwerinafik, halinafik hilinginafi logoino. Iluk An hineisena Tuhan Allah nawene andiat yagahisigi.

IBRANI 12:9

Nen, nit nineisugwi ninebe ta'ninafa mene nen komotninafunem, inane hologo agaukhogo hilinginaforek andi hak, nineluk logouwageluk nineisena nen ninendawimo ket ta'ninabi'logo mene ane hologo agaukhogo hilingisugun lek nogo? At ane hologo hilingisugun aro.