IMAMAT 19:23 - Allah Wene Fano Wene Hupla Inane

²³ Hit o Kanaan arat kwi lagep halok, yi agayo, ti agayo, enggen nenggarek mene awi yakfembik, tahun henagan wela'lugen enggen attak-attak isigin mene andi re, nogoin lek iluk futfembik ninggi'lek logoino o.

IMAMAT 19:23 ပူးပေါင်းရင်းမြစ်များ

KELUARAN 6:12

Tuhan nen it Musa Harun emberek inayonggo fikhi logolik, ”Hiren mel yagaisa lano: Niren hit afuni Israel mene o Mesir yoma nen wokhinarek wulibuageluk ninayonggo fikhemo wago, iluk yagaisigik, nen, raja Firaun a'nogo yagati logolik, niren afuni Israel mene woginarek wulibuageluk ninayonggo fikhemo wago o, iluk yagatik, i lano o,” iluk lakfisasikhe.

YEREMIA 6:10

A'nogo ikhemo an nen ikhi logolik he, ”Tuhan neisena, an nen ap saba yagasu hak nogo, nen sani inendawinggen wenggelogo logouwageluk yagaisagain, it he inungguloak haro logolik fut fili'lagwi lek. Haren yagaisano ugu mene omanogo an nen it inoba yagaisugunem he iren endo yagaisogo inabit eri'lagwi inap werego.

IMAMAT 12:3

Linggene inenggi 8 meneba nek he, omalik a'nogo agap enggalimo mene palhi logogun.

IMAMAT 14:34

it afuni Israel mene o Kanaan Tuhan nen wokhisasikheba omanogo mondogat kwi lambik o wurik oba fili agu halok hilingiti logogun mene iluk wene melalek yi inoba fesikhe.

IMAMAT 19:22

Fei wagunem, ap weak hilingite mene andi, an nen horogo legetfisoageluk, ap imam mene nen afuni weak hilingita mene horinabuageluk An nobaget hilingiti logolik, wam domba andi wa'nesugun o. A'nogo hilingitunem An nen at aweak hilingite mene andi horogo legetfisagain o.

IMAMAT 19:24

Tahun enggaminogo meneba enggen ite halok, An hineisena Tuhan hai warogo re, An faget nobagagun o.

IMAMAT 23:14

Yi mene ti mene andi An hineisena Tuhan faget oan figi'lek logolik, gandum enggen ket palek mene ekhe eluk ninggik, weat weragaisogo ninggik, roti hilingisogo werago ninggik, ugun mondok lego. An nen hit hilingiti logogun mene wene yagahisigi mene andi re, hit hinagainafuri tagomangge mene inebe mondogaren hologo hilingirik laga logouwageluk igi o,” iluk yagatikhe.

KISAH PARA RASUL 7:51

Hit afuni yoma hinobabut mondok weak hinesanggo holhi'lek hinagap hinenggalimo mene palek logoligat he, hinendawinggen tegele'lek logolik komore'lek hilingiti lagep yi ri! Hinombalagen: Allah Areagun ane andi ninabit, iluk ikhi lagaukwa hagat, hit it inobabut waganogo ikhi lagep yoma ri!