IMAMAT 19:16 - Allah Wene Fano Wene Hupla Inane

¹⁶ Hineisena Tuhan he, Anat andi nen, hit hinobabut hilingisugun oba nen afuni hinom welagep mene ekhe wa'lasinogo iluk, afuni hit mene ineilhanem at ekhe abok weak ilik-ilik wialogo fogoin mondok lego.

IMAMAT 19:16 ပူးပေါင်းရင်းမြစ်များ

AYUB 17:5

Suetninung ekhe ikhi logolik he, ap ekhe an ambisangma helagain anggaluk agailak inom yei liafu halok he, at hilingisigin onggore ambisangma againafuri inoba agunem hogoinat.

MAZMUR 101:5

Ap ekhe nen wene ero le'maat linglong engge are ekhe abok palogo weaget fagain mene andi re, an nen eiloak leget fagain. It ap inendawimo leget fakhikhi logolik wonoget fakhagarek mene re, An nen ekhe fisikhi logogin mondok lek.

MAZMUR 15:3

it inerugi inagaila'lak wene inoba le'maat, ineranen wene inoba fagarek lek mene inom, inerugwi inagaila'lak weagarinafarek lek mene inom, Afuni inom welagaikharek mene inenu weak hilingisogo fisagarek lek mene inom,

MAZMUR 50:20

Hiren he it hinagaila'lak mene omanogo sebelogo fisigik, nen hinagaila'lak hinamep lak mene omanogo inabok palhik, hilingitu welagep.

KELUARAN 20:16

Hineranen wene afuni ekhe inabok palhubo.

KELUARAN 23:1

”Wene ineranhogo wene andi wialhi logou fuk, ap inobabut weak mene nen wene ineranhogo wene fagesugun mene andi leberisa fuk.

KELUARAN 23:7

Ap ekhe weak hilingisigin lek oba nen, hinendawi menenei en oba hikhibet haluk ebe pinggi watuaple andi re, An nen ap weak ariginik mene nen hilingitu mene faget mondogat nabit welagimo re, hiren agaiserati logoino.

AMSAL 10:18

Ap ekhe nen abit anggikherek mene andi endawimo hinago werek halok he, ap lalinaferek menere ebe andi aro, ap ekhe ane nen lalogo sagarik laga halok he ap andi kembu mene werek.

AMSAL 11:13

Ap ekhe wene inane iluk waluk faget fagerik lagaikharek mene nen he wene hinago mene iluk ekhe fisogo welagaikharek lek, oba nen ap ekhe eberogo hilingiterek mene nen halok he wene endawimo hinago logolik werek.

AMSAL 20:19

Ap ekhe nen it ekhe inabok palhu aple inagaiyek werek mene nen he wene ekhe hinago mene sebel fou lek hak, ma re, ap ane hokhorogo yugunat ikherek mene inom he sebesu fuk.

YEREMIA 6:28

It mondogat inobabut he, An nawe a'ma logou inabiren inungguloak mondok helep haroweak andi hangge logolik posiemanggen haro andi hak a'luk hilingitarek. Ina'meilo mene hilingiti logolik, afuni ekhe inenu weagarogo inane tindel weagengge afuni inabok palik nikharek andi.

YEREMIA 9:4

Yakub en hilingitikhe hak he iren ogo inebe lombogen inagaila'lak lalinafunem, inagaila'lak meneba nen ogore inafe hebelogo nek hilingiti logou hak, nen inagaila'lak inamep meneba nen ogore eberogo iluk angga lek hak. Wene ineranhogo wene sagarik lagik, afuni inabok pilip-palaphogo palhik, uogeluk he inebe lombok ekhema-ekhema lili'lagwi.

YEHEZKIEL 22:9

Afuni haren mene oma it ekhe nen he ap amu mene nen inoasuageluk wene inane nen lalogo weagerinabi'lagwi. Nen ekhe re kembu anggo warogo fugu mene eino nouwogeluk inamolorogo hilingitu mene weregat. It fenakwe ekhe re helime tugum hesangge hilinginabuogeluk inamolorogo hilingitu mene weregat.

MATIUS 27:4

”Eige! Ap andi weak hilingiti'le'maat wasubagaigeluk yonggo wagimo o. Halok he, weagat hilingitimo higi o,” iluk, yagaisasikhemo, it omanogo nen he ”Wene andi nit ninoba agama anggegen? Lego. Andi hat hoba lombogaro,” iluk yagatukwama re,

ULANGAN 27:25

’Ap ekhe weak hilingitikhe lek oba nen, it ekhe nen, afuni alek mene inoba ap andi wa'ne'no, iluk uang oba onggo paligin mene andi re homan ugu logouwak,’ ugunem. ’Amin!’ ikhi logogun.

1 TIMOTIUS 3:11

Andi hagat he, it andi inagagwi inoba haro logolik inane yonggo waluk nikharek lek mene halok, weak hilingisuageluk inendawimo kagalhunem sebelhaluk werek mene halok, inobabut lenurek mene halok, inobabut ariginik mene halok, inaguni leberisugu mene logouwageluk menfisogoino.

2 TIMOTIUS 3:3

afuni inebe inendawirogo welagi'lek inabirat welagik, it ekhe inom weak hilingi'luk sebelogo herakfisaluk logou re, inabirat welagik, inabok weak palhik, inobabut lagokhogo hilingitik, inobabut harorogo hilingitik, fano mene hilingisu inabit logolik,

TITUS 2:3

Andi hagat he, it hemi inaluendek mene andi, afuni Allah awe a'ma logolik, inobabut higithogo hilingitarek hak, hilingiti logolik, afuni ekhe inabok weak palhi'legat, inogogwi kaindek inawe a'ma welagaikharek hak, i anggur enggen amusu amingmingengge hak logolik, inabit agi'lek nenggarek a'nogo ninggi'legat logolik, iren it ekhe fanorogo hilingiti logogun mene faget, yagaisikhi logouwageluk komorinafi logoino aro.

1 PETRUS 2:1

Andi nen, hit weak hilingiti lagep mene andi mondogat herakfisaluk logoino o. Afuni ekhe lalinafik, hinendawinggen pire hilingitik, wene palhik, hinera nen afuni ekhe inabok weak palhik, ikhi lagep andi, herakfisikhi logoino o.

1 SAMUEL 24:10

A'nogo yagatikhemo, Saul elokhe hebekhogo yetlasi wagaikhe re, at Daud a'nogo eindep awi yagaisogo Saul agaugwerati logolik mel yagatikhe: ”Afuni ekhe nen he, Daud en weagethabigiluk ili'lago, iluk ineranen wene yagaheta meneat he, eberogoat, iluk inane hesanggo holfegendik hilingiti lagen andi nenahalok?