IMAMAT 19:14 - Allah Wene Fano Wene Hupla Inane

¹⁴ Hineisena Tuhan Allah re, Anat andi nen he, An noba hinailorogo fogetnafi logolik he, afuni inesanggo tagum mene homan fisigik, ineilenggen mum mene ineisok temukhogo waroageluk helep oba inanggwe palogo figik, ugun mondok lego.

IMAMAT 19:14 ပူးပေါင်းရင်းမြစ်များ

ULANGAN 27:18

’Afuni ineil puk mene weaget fisagarek mene andoma homan ugu logouwak,’ ugunem. ’Amin!’ ikhi logogun.

IMAMAT 19:32

Hineisena Tuhan he, Anat andi nen he, inaluendek helel wulibik mene agaugwerinafik, An nebe hinailorogo welagik, ikhi logoino o.

1 PETRUS 2:17

Afuni mondogat hinendawi nek logolik hinane agaukhogo yagaisikhi logoino o. A'nogo yagaisikhi logolik, hinerugwi hinagaila'lak Allah againafuri mene ekhe hinendawinggen hundik logoino o. Logolik he, Allah ebe hinailorogo welagik, nen, at Kaisar pemerintah mene inoe kain andi agaugweratik ikhi logoino o.

ROMA 14:13

Andi nen he, nit-nit ekhe nen, ekhe wene oba figik, ekhe nen, ekhe wene oba figik, ikhi logogun lego. Niren he, ninerugwi ninagaila'lak ninom ninendawinggen Allah oba eberogoat himbiret fikhi lago mene, weagerinafik, inendawimo kwanit fisigik, inogo iluk hinobabut fanorogo hilingiti logoino o.

IMAMAT 25:17

Hiren hinagaila'lak Israel mene inoba hineranen wene lalogo yagaisa fuk. Oba nen he An hineisena Tuhan Allah Noba nek hinailo anggikhi logoni, iluk yagaisano,” isikhe.

WAHYU 2:14

A'nogo meneat he, wene endebat ekhe an nabit mene hilingiti lagep mene andi yagahisago. Fageat afuni Israel mene inebe weak asuageluk, wam tugwi anggo warek mene kurik ninggik, pailak fakfisigik, uageluk, ap Bileam en Balak yagatikhemo, aren inendawimo kagalhi lagaikhe mene andi, hit ekhe at awene andi fisogo welagep higi.

NEHEMIA 5:15

It ap gubernur an menlagi'lek were'ma, welagaukwa mene andoma nen he afuni holhu mene nen, linggene misik meneba at gubernur nunggu mene faget inom, nen anggur inom faget he uang perak mene 40 nen wo'nisani iluk kino yagaisugunem he afuni inoba enggin welagaikhe. Oba nen, an he neisena Allahba nailorogo logolik he, a'nogo hilingiti lagagi lek.

1 PETRUS 1:17

At Allah obabut he, afuni inagap oba nek eilenggen isaluk, ekhe elokhoma fisigik, ekhe ambotma fisigik, ikherek lego. We, inobabut hilingitarek lombok higithogoat wene inoba figik, kotik, ikherek andi nen, hiren he, ”Allah nineisena,” iluk ayonggo fikhi logolik, kweangma yoma elama faget hinebe ap pok hak logolik, at ebe hinailorogo hilingiti logoino o.

ROMA 12:14

It afuni ekhe nen weagethinafunem he, Allah nen it fanorinabuageluk ayonggo fikhi logoino. Weagerinabuageluk homan fisigi'legat, fanorinabuageluk ayonggo fikhi logoino o.

KEJADIAN 42:18

Inenggi henaganek oba at Yusuf en it omanogo yagaisikhi logolik, ”An he Allah oba nailorogo logolik higithogo hilingiti laginggere, hiren wene misik yi higithogo hilingisugun halok enek he hinagap telogo hinobagagin o.

1 KORINTUS 10:32

Afuni Allah againafuri mene inom, nen, it Yahudi mene inom, Yunani mene inom inendawinggen Yesus oba himbiret figi'lek mene inom, weak asinogo iluk hinobabut higithogo hilingiti logoino o.

IMAMAT 19:15

Hiren, it ekhe unggum inoba figik, kotik, ikhi logolik he, wene higithogo halogo nen ikhi logoino o. Afuni inangge lek inelagaik mene inebikhit agik, inangge hokhorogo logolik, ineilmo wulalhak werek mene hinailo welagik, ikhi logogun mondok lego.

MAZMUR 111:10

Ap sa nen obabut hebelek mene logogin amolo halok he, aren Tuhan oba along anggaluk legeisogo fikhi logogin fano. Nen, afuni At ane hologo nek hilingitarek mene inoba re fanorogo wenggelharek mene wogisikherek. Inenggi mondok-mondok andoma re Tuhan nek fogerati logogun.