IMAMAT 19:13 - Allah Wene Fano Wene Hupla Inane

¹³ Hiren afuni hinom welagep mene, hinane ninghogo wo'nom, iluk lalinafik, inangge telogo heligik, ugun mondok lego. Ap ekhe nen onggo wo'nesuageluk yabu hilinghinobagagun mene andi, inenggi onggo wogisigi'lek sebelogo fuluk hinenggi hup misigat halok ekhe nogo ugun mondok lego.

IMAMAT 19:13 ပူးပေါင်းရင်းမြစ်များ

YAKOBUS 5:4

Hinagoromi hineranenat yabu hilingisuageluk inayonggo fuluk athe, inenggi onggo wogisigi'lek munenikhi lagep andi nen, iren he, ”Ninenggi onggo wo'nisawem!” iluk inane hokhorogo ili'lagwi andi holini! A'nogo hilingiti lagepma it inane andi ninoe Enupogot omame hokho a'nogo esanggo holhesik werego.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

YEREMIA 22:13

Ap ekhe awi wurikhi logolik higithogo hilingiti'lek wurikherek mene inom wogolhageluk pikhithogo hilingiterek lek mene inom andi re alomat lakhikhi loguwak. Ap yabu hilingisuageluk yagaisalugen onggo wogisagarek lek mene andi re alomat lakhikhi loguwak.

AMSAL 20:10

Enggin walhugungge inom huli-huli walhugu mene inom taganhogo walhagarek mene andi re, Tuhan nen mondok abit anggikherek.

MARKUS 10:19

Wene aren, ”Yi'nogo hilingi'no, ti'nogo hilingi'no,” iluk komotninafi logolik, mel isikhemo werek: Afuni inebe inoasugun lego. Pailak hilingisugun lego. Yogot wanugun lego. Hineranen inabok palugun lego. Lalinabugun lego. Hineisena hinagaisa inane hologo agaugwerinafi logogun o, iluk komotninafikhe wene a'nogo hat helu aro,” iluk yagatikhemo,

YEHEZKIEL 22:29

Afuni inenggi werek welagaikharek mene nen he ineranhogo wene yagaisikhi logolik afuni inangge telhigik helagarek. Iren ap inenggi lek mene omanogo inendawimo nen anggaluk enek weak peakhogo hilingfisigik, nen ap pok mene inangge ekhe inom manggorogoat telogo heligik, agarek.

YEREMIA 22:3

”Hiren hinobabut higithogo hilingiti logolik katokhogo hilingiti logoni o. Afuni enggin-fenggin inoba fisugunem werek mene andoma it enggin inoba fugu mene inenggimo nen lologo wulakfisikhi logoni. Hiren ap pok mene inoba inom, yenggerugwi suarek mene inoba inom, hemi sogwe mene inoba inom sebelogo fisigik, hinaniniba hilingfisigik, u fuk. Afuni o yi nen weak hilingiti'lek kwelek inebe pinggi inoasu fugat.

KELUARAN 22:21

Hit attak o Mesir ap pok mene higit welagagip aple a'nogo hinendawinggen wenggel haluk he, hiren ap pok mene inoba enggin-fenggin fisigik, nen wene henarogo wene yagaisigik hilinginabu fuk.

KELUARAN 22:15

Mene athe, at eisena anggo eisewerek a'nogo ebe eilhanemen hilinglasigin halok he, at elama faget wanhe agun a'nogo nen onggo fagain mondok lek. Nen wam andi elama faget ap ekhe nen fisogo logogin iluk onggo fembik fisogo were'ma nen weaget lasigin halok he, onggore fisogo logogin iluk onggo fugu mene andiba kwi lagain andi aro,” iluk yagatikhe.

1 TESALONIKA 4:6

Andi mene faget higithogo hilingiti logolik he, hinerugwi hinagaila'lak ineil salogo inagagwi inaguni mene pailak fakfisogoin lego,” iluk Allah endawimo nen a'nogo anggaluk yaganisikherek andi. A'nogo ikherek andi nen, attagat niren ikhi logolik he: ”It afuni pailak a'nogo fakfisagarek mene halok, ninoe Enupogoren wene inoba fagain werego,” iluk, ninghogo komothinafugu andi.

LUKAS 3:13

at Yohanes nen he, mel yagaisasikhe: ”Hiren onggo wanhi logolik, hinendawimo nen kagalogo ekhe oba mangorogo wanhi'lek, we, yi'nogo wanhi logoino iluk yagahisaga mene andiat higithogo wanhi logoino o,” iluk yagaisasikhe.

AMSAL 22:22

Ap enggi lek mene at omame le'ma iluk weagerinabu fuk, nen wene higithogo tegetuba andoma nen ap inenggi lek mene andi inangge nit sebelogoin iluk hilingisu fuk.

AYUB 31:39

afuni awi yari'lagwi mene inamburu lek werek kwelek, sumburu onggo figi'lek an enek helaluk ninggik, igimo halok,

KELUARAN 22:13

Nen iren tari'lagingge andoma mene, mene aik anini weak mene nen warogo senggelambik nagain halok ap hali'lago mene a'nogo nen he, oak lologo waluk anggo eisewerek a'nogo oba enegengge re yi iluk inuk hagain. nen ap halhi logogin agun a'nogo nen anggo eisewerek mene a'nogoba obali'mo onggo wogosigin mondok lek.

MATIUS 20:8

A'nogo inayonggo fesikhemo lagaukwama, o arat hu'mo agaikhemo re, ap eabu eisewerek a'nogo nen, it ap omanogo yabu hilingitu kwelek kwelaginarek welagaikhe mene ekhe mel yagatikhe: Ap yabu hilingiri'lagwi mene omanogo wolisa lan o. Wagaikha halok he, it hobuk kwaga mene andi tak onggo wogisaluk he, it attak kwaga mene andi onggo hobuk wogisanogo, iluk yagatikhe.

KELUARAN 20:15

Yogot wanhubo.

KELUARAN 22:7

Wene walhigik he, ap ekhe nen uang hangge hea, athe afuni inangge onggo hokho mene hea, oba foumo fano imbik fisogo were'ma nen, ap ekhe ahinak weak mene nen hinasigin halok, ap hinasigin agun a'nogo ebe weinam agunem ap andi nen onggo altap pireba fagain.

AYUB 17:5

Suetninung ekhe ikhi logolik he, ap ekhe an ambisangma helagain anggaluk agailak inom yei liafu halok he, at hilingisigin onggore ambisangma againafuri inoba agunem hogoinat.

AMSAL 3:28

Haren yogondak leberisa elok werek kwelek oba nen, it hat hinom logogun mene a'nogo inoba, hobit lebethisagain enggere nenangot hikhi logoni o, iluk yagaisa fuk.

YEHEZKIEL 18:7

Aren he eranhogo wene igik, afuni inangge teligik, ikherek legat. Afuni inangge endawi lirengge fisogo logouwak hobuk onggo fagain iluk wogetu mene omanogo weak-weak ambotkwe wogisikherek. Afuni inamburu nele were'ma inamburu wogisigik, nen afuni inasu laberugu mene le'ma inasu wogisigik, ikherek.

YEHEZKIEL 22:12

It fena ekhe re ap wasuageluk onggo palinafunem inoatu mene agik, muli inamep nunggu mene agik, nen afuni it inunggulenu mene inoba sebelogo fisikhi logolik welagik, hilingitu mene werek. It inebe mondogaren An inonggot agaikha. An Tuhan Lego Mondok welagirek mene a'nogo nane mondogat igi.

IMAMAT 25:14

A'nogo hilingi'mo re kweang hit afuni Israel mene hinanggweang oba hunirogoin halok ogo, hiren onggo palogoin halok ogo, onggo paligik hunirigik ugun mene andi re henarogo ekhe hilingisu fuk.

IMAMAT 25:17

Hiren hinagaila'lak Israel mene inoba hineranen wene lalogo yagaisa fuk. Oba nen he An hineisena Tuhan Allah Noba nek hinailo anggikhi logoni, iluk yagaisano,” isikhe.

AYUB 7:2

It afuni inamingmingengge mene nen nalong palnarek logoilep anggikhi logolik werek higit, nen it ap yabu hilingitu mene nen onggo wo'nesuageluk nenangot hikhi logolik welagarek higit.