IMAMAT 19:10 - Allah Wene Fano Wene Hupla Inane

¹⁰ Andi hagat, hineisena Tuhan Allah Anat andi nen, hineabu anggur yabumo, enggen attak palimbigen, fena herakfogoin mene paluogeluk hobuk hinambotkwe logoin mondok lego. Nen, enggen amu palogo pigin mene wanugun mondok legaro. We, andi mondogat afuni ap pok mene inom, inangge lek mene inom, heloagaluk herakfisano o.

IMAMAT 19:10 ပူးပေါင်းရင်းမြစ်များ

YESAYA 17:6

E zaitun enggen mondogat paliluk enggi mene erumbul we endebat agarek a'nogo hakhogo it Israel mene ogore andi higit hilinglasumo re, endebengge nek inagap telinabigin. An Tuhan, Israel mene ineisena Allah a'nogo nen nane mondogat igi o,” isikhe.

YESAYA 24:13

Andi re o kweangma mondogat inunggulenu lombok inoba asigin mene re a'nogo. Emberek higit he e zaitun enggen wurep kobokhogo taganhu sambul, nen anggur enggen erembulmo mene taganhunem hilinglagarek hak asigin.

YEREMIA 49:9

Aben anggur enggen taganhi logolik he erembul kwe herakfisagarek lek, nen ap hinatarek mene nen o hubanggo hinasi we'luk halok he at endawimo anggikherek mene higithogoat hinakhikherek.

IMAMAT 11:44

An hineisena Tuhan Allah nebe An namuat welagimo, An nebe mondok horek welagi andi hakhogo hirogo mondok horek meneat logoni.

IMAMAT 19:11

Yogot wanhik, lalinafik, hineranen wene yagaisigik, ikhi logogun lego.

IMAMAT 19:25

Tahun fuap meneba re, enggen hit elok ninggi logogun o. Hineisena Tuhan he, Anat andi nen, An nen, yi'nogo hilingiti logoino, iluk yagahisigi mene andi higithogo hilingitep halok he, e andoma enggen hokhorogo iti logogin o.

IMAMAT 19:9

Nen hit hineabumo gandum yago mene enggen palhi logolik, esanggokwe fuleligin mene halok, enggen palugun mondok lego. Nen, gandum enggen arat palimbigen, fena herakfogoin mene andi hobuk palugun mondok legaro.

IMAMAT 23:22

Hineisena Tuhan Anat andi nen he, hiren gandum awi yago mene enggen palhi logolik halok he, esanggokwe fuleligin mene andi palhik, nen, attak-attak palhi logolik ando herakfogoin mene andi hobuk palogo andogotik, ugun mondok lego. We, andi afuni inangge lek mene inom, ap pok mene inom, helikhi logouwagaluk herakfisikhi logoino o,” iluk yagatikhe.

IMAMAT 25:6

Ariginik oba nen he, kweang andi nen hit inom, hit mene hinamingmingengge inom, hiren ap yabu wokhinafi logouwageluk onggo palogo woginafi lagep mene inom, ap pok meneba nen hit hinanggelekwe welagaikharek mene inom, faget enggen ikhinafi logogin.

OBAJA 1:5

Ap inenggi abisak wanharek mene nen ogo, nen hugul helagarek mene nen ogore o hubanggo we'luk he we it inendawimo anggagarek mene aremnogo nek helagarek. Nen, it afuni yabumo nen anggur enggen taganhi logolik ogore fenakwe ekhe herakfisagaregat. Oba nen he, hat he it haselei mene nen mondogat lek hilingisogo hobagagun o.

MIKHA 7:1

An nebeba hilingik welagi re o hibi lagagunem e enggen itu mene omanogo andogosi lagaikharek hak inom, nen anggur enggen attak mene paliluk hobuk mene pali lagaikharek hak inom, hilingik logolik he, alomat lasigiluk welagi o. Nen e anggur enggen nunggu mene inom, ara enggen an namolo mene inom ekhe werek lek.

ULANGAN 24:19

Nen, hit yi mene ti mene yasugun mene ebe palogo waluk we'luk he, gandum enggen hele yelik herakfisogoin mene andi, hobuk wani logoin mondok lego. We, nineisena Tuhan Allah nen hit ekhe mene-ekhe mene hilingitunem fanot hinobagakhi logouwageluk, gandum enggen palek andi, afuni ap pok mene inom, yenggerugwi suarek mene inom, hemi sogwe mene inom, heloageluk herakfisikhi logoino o.

ULANGAN 24:20

Nen, e zaitun enggen inom, anggur enggen inom, palogo waluk waga logolik herakfisaluk wesugun mene andi, it afuni ap pok mene inom, yenggerugwi suarek mene inom, hemi sogwe mene inom, heloagen he, hit hobuk wani lagubo.

HAKIM–HAKIM 8:2

A'nogo wenagatukwa meneat he, at Gideon nen mel yagaisasikhe: ”An nen hilingiti mene andi, hiren hilingitep mene andi emberek walhamo re, an hilingiti mene andi mondok elo'lego. An nagoromi mondogaren hokhorogoat hilingita andi elo'lek meneat he, hit endebat hilingitep andi nek he, mondok esin o.

RUT 2:2

A'nogo were'ma inenggi ekhe sambul at he Rut en Naomi mel yagatikhe: ”Nagaisa. An he yabukwe afuni nen jelai enggen palhunem inenggimo nen pili'lago mene andoma andogesi lagain nen iluk yagaheti o. An nendawimo nen he aben andi mene hilingisuageluk herak nobagagun anggikhi lagi,” iluk yagatikhe. A'nogo yagatikhemo oan Naomi nen he, ”Io, neak, fano. Lan,” iluk yagatikhe.