IMAMAT 18:3 - Allah Wene Fano Wene Hupla Inane

³ Hiren afuni Mesir hit o attak welagagip oba omanogo mene ogo re afuni o Kanaan mene An nen yogondak woginarek lagain oba omanogo mene ogo it inobabut waganogo hilingisu fuk. Andi nen he nawene werek mene wokhisasigi mene andi nek fifurogo hilingiti logoino o.

IMAMAT 18:3 ပူးပေါင်းရင်းမြစ်များ

2 RAJA-RAJA 17:8

it afuni inunggulenu amu mene it Israel inaben inoarik waga lagaukwa sambul Tuhan nen mugusogo wulaginabik wagaikhe mene omanogo nen inetokhogo hilingiti lagaukwa mene omanogo inom hilingiti lagaukwa. It inunggulenu Israel inaben he it inogogwi raja nen wene melalek menfikhi lagaukwa mene omanogo nek hilingiti lagaukwa,

MAZMUR 106:35

it inebe afuni inunggulenu amu mene omanogo inom nanggelek hanggelek asi lagaukwasik, iren he afuni Allah inonggot mene nen hilingitarek mene omanogo inagut walhigik hilingiti lagaukwa.

KELUARAN 23:24

Hiren it inanggembu inalong palogo hilingiri'lagwi mene andoma fogerati logou fuk, nen iren kembu oba fogerati logolik obaget hilingiri'lagwi mene andoma alik-alik wuthigik hilingisu fuk. Iren kembu elele waganogo iluk werek mene andoma mondogat tukhumhogo lakfisambik wolelenggen tagalogo legetfisano.

YEHEZKIEL 23:8

Aren hundik-handik hambenan hilingirik nikhi logolik, o Mesir at ebe ap agap onggot were'ma nen attak-attak ap agap elu agaikheba omanogo nen hilingiti lagaikhe hak hilingiti laga. At ebe yenggerek oba nenat ap inom nogoikhemo re hambenan mene hilingisogo faga.

IMAMAT 20:23

It afuni o andoma werek mene nen he An nendawimo nabit mene nek hilingitu nen hit it inaiba andoma kwi lobagaigeluk it mugusogo wulaginafigi. Enggere hiren it afuni andoma inetokhogo werek aple inom, iren hilingiti lagaikha aple hilingitu mene inom, inobabut waganogo hilingiti logogun lek.

ROMA 12:2

Afuni yoma hilingiri'lagwi mene andi inobabut wanhubo. Hinobabut ket hunogoat hilinglasuageluk, at Allah nenat hinendawimo ket mene hilinghinafi logouwago. A'nogo hilinghinafi logoumo re, at endawimo nen: ”Yi'nogo hilingisuak, ti'nogo hilingisuak,” iluk anggikherek andi ebe hinelu asigin o. Fano mene ebe andi aro. At Allah endawimo fanorogo hilingitik, inendawinggen wurik agik, ikherek he, andi nen aro.

ULANGAN 12:4

Hiren nineisena Tuhan Allah fogerasuogeluk halok he. it afuni andi nen, hunogoat mene faget, Nineisena ebe yiat, iluk andi mene fogerati logolik hilingitarek andi hak hilingiti logogubo.

ULANGAN 29:17

It andoma nen amu mene faget apne wanhi lagaukwa mene helep inom, e inom, perak, emas mene inom mondok hilingisu lek inabit mene omanogo hiren ogo hikhi lagagip aro.

ULANGAN 9:4

At nineisena Tuhan Allah nen hit faget it a'nogo mugisogo wulakfisikhe halok, hit hinendawimo nen he, nit he elogo. Nineisena Tuhan nen endawimo agaiyek mene nek hilingiti lagoba, Aren nit o yoma wo'nisagain higithogo wo'nisikhe higi, iluk anggagubo. A'nogo hilingiti lagep mondok lek mene aro. Nineisena Tuhan nen afuni andi mugisogo wulakfisagain andi re, it inobabut mondok weak hilingitarek andi nen aro. At nineisena Tuhan nen he, nit ninombalak Abraham inom Ishak inom Yakub inom yagaisikhi logolik, yi'nogo wokhisagain, iluk wene warisasikhe mene andi emberek higit asuageluk endawimo anggikhe andi nen he, o andoma hit sebeli kuageluk wokhisagain o.