IMAMAT 18:25 - Allah Wene Fano Wene Hupla Inane

^25-27 Hit afuni Israel mene halok inom nen it pok mene oba nen hit hinanggelek kwe femhogo welagaikharek mene inomen he wene melalek yi'nogo hilingi'no ti'nogo hilingi'no iluk yagaisugu mene andi re fi-furogo tiphogo nek hilingiti logogun. It andi re inobabut mondok weak mene hilingiti lagaukwaba inanggweang emerogo fesukwama, Tuhan nen wene inoba fesikhesik hit yoma logogun lek iluk yagaisasigi. Oba nen he hit he obabut mondogat weak mene andi re hilingisu fuk.

IMAMAT 18:25 ပူးပေါင်းရင်းမြစ်များ

1RAJA-RAJA 21:26

At Ahab he, tugwi kembu inabit mene, afuni Amori mene Tuhan nen it Israel mene o Kanaan woginarek kwi waga logolik, mugusogo wulakfisasikhe mene omanogo nen hilingiti lagaukwa hak, mondok weak hilingiti lagaikhe andi.

EZRA 9:11

it hamingmingengge nabi omanogo bene nen wo'nisegen mene omanogo herak fogosik hilingitu welagoma o. Kweang nit welagoba andi faget he iren yaganisikhi logolik, afuni mondogat unggut fena nen fenaba werek mene andoma weak mondok mene hilingitik, nalek falek mene nek hilingitik, hilingitunem he kweang andi pugun sek lego, iluk yaganisikhi lagaikha.

MAZMUR 106:38

Iren he yenggerugwi weak hilingitu aple inonggot mene omanogo abomalik inom helime yenggerugwi inom inoa'luk inamep he, iren kembu omanogo obaget pelabik laga lagaukwa. Andiba re iren o kweang andiba mondogat emetfikhi lagaukwa.

MAZMUR 89:32

nawene melalek higithogo hilingiti logouwagaluk fesigi mene andi inendawimo seramet figik, higithogo hilingiti logoino, iluk igi mene andi sagalogo figik, hilingiti logogun halok,

YESAYA 24:5

Afuni nen Allah ane sagalogo fagarek andiba inom, nen iren At Tuhan inom wene mondok-mondok logogin mene faget watukwa mene a'nogo taganhogo hilingiri'lagwi andiba inom, andi nen iren wene melalek werek mene a'nogo taganet fili'lagwi andiba inom kweangma amben mondok weak mene sang igin.

YESAYA 26:21

Afuni kweangma mondogat weak hilingitu werek andiba Tuhan ebe pogoroba nen pi wesimbik unggum wogisagain o. Ap hinagaisogo inoari'lagwi mene andoma re mondogat weinam asigin. Ap warogo hinakfisagarek mene andoma re kweang en hinakfisagain mene ekhe werek mondok lego.

YEREMIA 14:10

It inunggulenu andi faget Tuhan nen ikhi logolik, ”An he ap An noba nen heise longgo agarek mene inom, inonggwaregen inebe halfakhagarek lek mene andoma inom inoba re nabit welagi o. An nen it inaweak nonggorasigin lek, nen iren weak hilingiri'lagwi andiba re An nen unggum wogisagain o,” ikhe.

YEREMIA 16:18

It inaweak inom kwanirogo hilingiri'lagwi mene inom andoma nen he An nanggweang a'nogo kembu areagun legenggeba nen emetfagama re An nen altap pireba unggum inoba fagain o,” ikhe.

YEREMIA 2:7

An nen o mondok fano kweang muli fanoma yi mene ti mene yagaisogo ebe fano ninggik, yi mene ti mene fano mene ekhe heligik, ikhi logouwageluk woginarek wagagi meneat he, iren An nanggweang andomaba emetfigik, nanggweang oba weaget figik, ikhi lagaukwa andi.

YEREMIA 5:29

Oba nen An Tuhan nen andoma mondogat he unggum wogisagain. An nen he it inunggulenu ari nen inobabut hilingiri'lagwi mene andoma faget ambisangma hilinginabigin.

YEREMIA 5:9

A'nogo hilingitu kwelek andoma re An nen inunggulenu ariginik mene andi re unggum wogisigik, iren hilingitu onggo inoba figik, hilingisumo re elo'lek nogo a?

YEREMIA 9:9

Yago, ap inunggulenu ariginik mene ari inoba it hilingiri'lagwi onggo An nen it inoba ekhe hilingfisigi'lek logogin nogo a? It hilingiri'lagwi onggo An nen hilinginabigin aro. An Tuhan nen nane mondogat igi,” ikhe.

HOSEA 2:13

Aren An noba onggorasimbik, ninhup-nanhup amben fano mene tugwi kembu Baal andi faget enek noletik, alilingge fano mene waganogo ap inom nikharek mene andi heraginabi lagik, ikherek andi nen he, An nen wene at oba fagain o, iluk An Tuhan nen nane arat igi,” iluk ikhe.

HOSEA 8:13

Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.

HOSEA 9:9

Hiren hinobarogo mondok hokho mene fikhi lagep mene andoma re, afuni o Gibea mene nen hilingiti lagaukwa hakhogo hilingiti lagebo, ma re hit kwanirogo hilingiti lagep mene andoma Allah nen ebethambik he, hinaweak oba unggum wokhisagain.

IMAMAT 18:28

Hit o andoma oan kwi lagi'le'ma, afuni Tuhan inonggot mene o andoma werek mene Tuhan nen mugisogo wilak fisagain andi hak, hirogo Aren wene hinoba fuluk kweang andomaba nen mugusogo wilakhinabi nogo.

ROMA 8:22

Hemi nen, ineagwi taginabuogeluk inambot heinet weakhogo wati logolik inendawi ane agarek hak, pogot kweang yi mene ti mene Allah nen walhasikhe mene yoma mondogat o attagaren heinet wati logolik inendawi ane ili'lagwi aro.

ULANGAN 18:12

Afuni inobabut mondok kwanirogo hilingitarek mene andi re At hineisena Tuhan Allah nen mondok abit anggili'lagoma re, afuni inunggulenu ariginik mene andi hit hinelokhoma nen mugusogo wulaginabi'lago andi.

ULANGAN 21:23

ebe warek engge andiet herakfisamo hup inukhogo logoinogo, we linggene a'nogo sambulat enek sali lano. Ap warek eba logogin mene andiba re At Allah nen hit hinawi hinebe welagep kwe homan fagain enggere, o at hineisena Tuhan Allah nen wokhisikheba andoma weagerogo fegep hanogo re ap warek andi weak-weak salino.