IMAMAT 18:16 - Allah Wene Fano Wene Hupla Inane

^16-17 He haren attak wanigin mene a'nogo eak inom ogo ombalo inom iluk ogore it andi re hat ero mene hilingi'mo hinom sebe su fuk. Nen, a'nogo hilingitu mene andi re mondok kwanirek mene hilingi'mo ariginu fuk.

IMAMAT 18:16 ပူးပေါင်းရင်းမြစ်များ

IMAMAT 20:21

Ap misik ekhe nen are agwe palogo helikhe halok he aren are sebelogo fuluk elo'lek mene hilingisigin andi nen, ineluk logogun huli andoma inomalik taginafi'lek logombik wa'lasugun.

MATIUS 22:24

”Noe. At Musa nen mel iluk yaganisasikhe: Ap ekhe againafuri oan taginafi'le'ma ebe wa'laga halok he, obali'mo omalik ekhe taginabuageluk he, he sogwe andi ap andi agorat wanigin o,” iluk yaganisasikhe.

MARKUS 12:19

”Ninoe at Musa nen yi'nogo yaganisikhi laga: Ap ekhe againafuri le'ma agwe sogwe hebisaluk ebe wa'laga halok, obali'mo omalik ekhe taginabuageluk he, he sogwe andi re ap andi agorat wanuago, iluk yaganisikhi laga mene lisu palogo fikhemo werego.

MARKUS 6:17

A'nogo isikhe andi re, fageat at Herodes nen agot Pilipus agwe enu Herodias andi wanhikhemo re, at Yohanes nen he, mel yagati lagaikhe: ”Haren hagot agwe wanu lek mene wanhen andi waganek logogin elo'lego,” iluk, hobugalep enggali warogo yagati lagaikhe andi nen, aren ap inayonggo fesikhemo Yohanes ebe fakfei lagaukwasik waluk wagaukwasik he, enggi hele warogo o inenggi hele warogo fisagarek oba kwelakfesukwa.

LUKAS 3:19

A'nogo komorinabik nikhi logolik he, at kain enupogot Herodes andi nen agot agwe Herodias andi enggi abisak wanhik, yi weak ti weak hokhorogo hilingitik, hilingirik nikhi lagaikhe mene faget, at inomat komothikhemo re,

ULANGAN 25:5

At Musa nen a'nogo yagaisasikhesik ekhe mel yagaisasikhe: ”Ap ekhe agot emberek misi'mo were'ma, oe a'nogo obulu'mo ap ekhe figi'lek ebe wa'lagu halok, agwe sogwe andi re, it ap ekhe at inom ero misigat lek, we, hunogoat mene wanugun mondok lego. We, ap wa'lasigin mene andi agot a'nogoat wanuago.