A'nogo onggo palhikhesik he at Daud en he Tuhan obaget warogo nolhu mene iluk inom, Allah ninom sebesugun iluk mene inom, warogo nolhikhemo At Tuhan nen Daud samban isikhe mene a'nogo esanggo holhikhesik he, ou amben weagen ap warek enek hilinglaga lagaikhe mene a'nogo re it afuni Israel mene inoba nen palagaikhe.
IMAMAT 17:8 - Allah Wene Fano Wene Hupla Inane8 Afuni Israel mene ekhe nen ogo nen it pok mene oba nen hinom femhogo hinanggele'ma werek mene nen ogo wam warogo nolengge noletu mene iluk ogo nen wam amu mene faget iluk ogo, အခန်းကိုကြည့်ပါ။ |
IMAMAT 17:8
16 ပူးပေါင်းရင်းမြစ်များ
It afuni Israel mene halok he hundik-handik Tuhan oba himbirik logolik enek logogun. Nen, hiren we misigam iluk ogo ekhe yi wam ti wam nen yi mene ti mene yabumo warek mene munggwat jin-jin inafe hebelek logolik inanini mondok weak mene iluk inobaget wam warogo fisa fuk. Wene melalek yire fanorogo holfuluk higithogo hilingiti logolik enek logogun.
Afuni inunggulenu lombok o kweangma yi awi ti awi welagaikharek mene nen An agaukhogo fogetnafarek andi nen he, iren an fogetnafi logolik, o ekhema-ekhema nen dupa amben fano mene Nenuba nolnetik, wam, yi mene ti mene An nobaget nobagaluk nolnesubaat nolnetik, agarek andi. Andi re, yi afuni ti afuni mondogaren An fogetnafu welagaikharek andi nen o.
Afuni Israel mene fenakwe nen inesanggo holhunemen he it inunggulenu mene fenakwe omanogo nen ikhi logolik he, ”Ap inunggulenu Ruben, Gad, Manasye mene i Yordan ima nen mo liabi wagarek fikhit mene nen he o Gelilot i Yordan horokhogo wilayah niren meneba omanogo mezbah ekhe wurogo menfagama werego,” ugunem inesanggo holhukwa. Holhukwasik he it inebe mondogat o Silo kabogetukwasik iren he, it inunggulenu Israel amu mene i Yordan ima mo liabi wagarek fikhit welagaikharek mene andi inoasi logoin iluk hilingiti lagaukwa.
Andi nen he afuni Tuhan againafuri omanogo inenuba re it inunggulenu Ruben, Gad, Manasye inom omanogo inoba ikhi logolik he, ”Nenahalok hiren Allah afuni Israel mene ineisenaba mondok weak mene yi hilingitep? Hiren helep mezbah hinamu wutep andiba re Tuhan awene sagalogo fegep andi o! Hiren he At awene melalek a'nogo higithogo hilingitep lek andi!
A'nogo hilingfuluk he molulukhogo lakfagain mene andem amboloba re mezbah heisena Tuhan Allah nobaget mondok fanorogo wu'no. Wut fembik he wam sapi ai mene a'nogo ebe abirengge Tuhan nobaget nolnetu mene iluk nolne'no, e timuk liabek mene kembu Dewi Asyera alik waganek mene haren mululukhogo lakfisagain mene andi re, e nolhu mene faget wurogo nolino,” iluk yagatikhe.
A'nogo yagatikhemo, at Samuel en he, ”An lambik ninggi'nogo hilingisigin? An nen a'nogo hilingitunem, at Saul esanggo holimbik he, nebe noasigin a?” iluk heinok wokhasikhemo, Tuhan nen he mel isikhe, ”Haren wam sapi eak oan mene waluk lambik he, afuni yi'nogo yagaisano: an wam nineisena Tuhan faget warogo nolesigiluk wagi o, iluk yagaisano.
ကြော်ငြာတွေ