IMAMAT 17:5 - Allah Wene Fano Wene Hupla Inane

⁵ A'nogo hilingitunogo iluk wene melalek yagaisasikhe andi re iren wam Tuhan obaget warogo fei logoin iluk we yabumo nen hesangge warogo waluk fei wagu aple andi faget, it afuni Israel mene nen halok he Tuhan Awi Sabu sale'ma nek waluk waga logouwak, waluk wagunem, iren wam oba lambulogo ninobagauwageluk inetokhogo waluk it imam inambit o Tuhan Awi Sabu Sale'ma solombonma andoma fei wagunem wati logogun.

IMAMAT 17:5 ပူးပေါင်းရင်းမြစ်များ

KEJADIAN 21:33

A'nogo hilingitukwasik aremnogo at Abraham en e enu tamariska misik ekhe sombologo waluk o Bersyeba wagaikhesik yakfesikhe, andi huli nen obalik aremnogo Tuhan Allah Etok Mondok welagarek mene a'nogo fogeratarek oba welagaikhe.

KEJADIAN 22:13

A'nogo yagatikhemo, at Abraham eilenggen era'lukwe yethasikhe re, wam domba ai mene ekhe andimuk oba nen e anggele'ma hobal lagaikhesik were'ma eilenggen hasikhe. Hasikhesik wam a'nogo warogo re amlogo obali'mo eisena Tuhan faget noletikhe.

KEJADIAN 22:2

At Allah nen he, ”Hamlogo Ishak misigat tago hendawinggen hundik mene andi waluk he, o Moria lan o. Andoma lagen halok, an nen punu ekhe yagahesigin oba, andoma hamlogo andi an faget warogo endumo nolne'no o,” iluk yagatikhe.

KEJADIAN 31:54

Hombuk palhikhesik aren anggo domba omanogo misik ekhe Allah faget fesikhesik warogo agaila'lak agoromi omanogo inom nogoin iluk inayonggo fesikhemo, inom nasukwa. Nasukwasik it inebe mondogat punu a'nogoba omanogo nogosukwa.

1RAJA-RAJA 14:23

Iren he punukwe inom, e hokho wilibik mene erokwe inom, inanggembu obaget hilingitukwe iluk wutik, kembu dewi Asyera alik hilingisogo fogerati logogun kwe iluk hilingisogo menfigik, hilingiti lagaukwa.

1RAJA-RAJA 3:2

Andem sambul he, Tuhan Awi a'nogo oan wuti'lek welagaikhe andi nen he, afuni nen wam, yi mene ti mene Allah faget fugu mene re obalik alek-alekwe legokwe andoma nen noleti lagaukwa.

1RAJA-RAJA 3:3

Nen, at Salomo nen eisena Tuhan oba endawinggen hundik logolik he, eisena nen yi'nogo hilingiti logoino iluk melalogo yagatikhe mene omanogo higithogo hilingiti lagaikheba nen he, wam yi mene ti mene Tuhan faget noletu mene re aren obalik we alek-alekwe legokwe andoma nen noleti lagaikhe.

2 RAJA-RAJA 16:4

At Ahas nen he wam warek inom, dupa amben fano mene inom he, tomkwe inom, e hokho wilibik mene enggi talek a'makwe inom, kembu dewa a'nogo apne wanhukwe andoma fei laga lagaukwa.

2 RAJA-RAJA 17:10

Iren punu ebe lombok inom, e engga hikhogo wilibikwe omanogo ero kwe inom, kembu dewi Asyerah a'nogo alik hilingisogo fogeratu mene faget inom wurik lagaukwa.

2 TAWARIKH 28:4

At Ahas nen he nolengge noletungge inom, amben fanongge inom, tomkwe, e hokho enggi talek mene erokwe omanogo, kembu dewa a'nogo apne wanhu kwe andoma fei laga lagaikhe.

KELUARAN 24:5

A'nogo hilingisogo fesikhesik, ap alage Israel mene ekhe nen yi mene ti mene nineisena Tuhan endawimo agaiyekhogo warogo noleti logolik, Allah ninom lambuluogeluk wam sapi ekhe warogo senggelogo fouwageluk inayonggo fesikhesik, lakfisasikhe. Lakfisasikhemo a'nogoat hilingitukwa.

YEHEZKIEL 20:28

An nen it woginarek kweang mondogat wene warisasigiba omanogo wagagi. Mo re, iren punu-punu uan mene inom, e hokho mene wilibikwe inom hilik laga logolik omanogo fogerati logolik, obaget warogo erokwe andoma nolhi lagaukwa. Iren An nanini kwelaknafi lagaukwa andi re i anggur agai inom, kembu endawimo agaiyek hoageluk warogo noletungge inom, omanogo nolhi lagaukwa andiba na'mage lagasigi.

YEHEZKIEL 22:9

Afuni haren mene oma it ekhe nen he ap amu mene nen inoasuageluk wene inane nen lalogo weagerinabi'lagwi. Nen ekhe re kembu anggo warogo fugu mene eino nouwogeluk inamolorogo hilingitu mene weregat. It fenakwe ekhe re helime tugum hesangge hilinginabuogeluk inamolorogo hilingitu mene weregat.

YEHEZKIEL 43:27

Linggene sabiren a'nogo mondogat hilingfuluk, inenggi wurep kobokhogo re it imam en obaget fugungge omanogo mezbah amboloba wam Tuhan agaiyek hoageluk mene inom, lambulogo fisoageluk mene inom, nolhi logogun. Andiba An nen he hit mondogat hinobaget nagaiyek hinoba fikhi logogin. Iluk An Tuhan Lego Mondok welagirek mene a'nogo nane mondogat yagaheti o,” ikhe.

YEHEZKIEL 44:15

Tuhan Lego Mondok welagarek mene a'nogo nen ikhi logolik, ”Unggulenu Israel mene nen An heraknobabagun oba re hun Zadok againafuri mene imam Lewi inap andoma nen An nobaget nawi wuri'mo andoma yabu higithogo hilingiti logogun. Andi faget we yogondak ogo irenat wam warogo asei inom amep inom waluk An nobaget fuluk wo'neti logouwak.

IMAMAT 17:6

Wat fuluk it imam en wam amep a'nogo waganogo mezbah a'nogo esanggokwe kweisal isikhi logogun. kweisal isaluk asei a'nogo nolhunem amben nen Tuhan endawimo agaiyek aga logogin.

ULANGAN 12:2

Hit o andoma arat kwi lagep halok he, afuni inunggulenu lombok o andoma welagaikharek mene nen hunogoat mene faget, Nineisena ebe yi aro, iluk fogeratarek oba obuluk tom uan meneba inom, punuba inom, e hik mene erokwe inom, mondogat andoma wolelenggen tagalogo weagetfisilik lano o.