IMAMAT 17:15 - Allah Wene Fano Wene Hupla Inane

¹⁵ Afuni Israel mene ogo, it pok mene ogo, misik ekhe nen yi mene ti mene amu waregengge a, mene olomene nen senggelek mene a, eino ekhe nunggu halok he, at andi asu sobalaluk ebe inom kume warogo nenangorogo werek kwelek mo ubuk ugunem enek he, ap a'nogo ebe horek mene aga logogin.

IMAMAT 17:15 ပူးပေါင်းရင်းမြစ်များ

ULANGAN 14:21

Hit he At hineisena Tuhan Allah obaget mondok horek mene welagepma re, sue, paik yi mene ti mene amu wa'lagu mene andi re hit ninggi logogun lek, oba nen he it ap pok mene hit hinaggelekwe werek mene noageluk wogisigik, nen it pok mene inoba onggo hunirigik ikhi logogun fano. Wam domba eak halok inom kambing eak halok inom he onggwarek agaisa eilak amusu meneba isati logogun mondok lek,” iluk yagaisasikhe.

IMAMAT 22:8

Hineisena Tuhan Anat ma re, ap andi nen wam amu wa'lagu mene inom, olomene nen senggelhu mene inom andi eino iluk ogo endep ekhe nanogo. Nen, at nagain halok he at ebe emerek mene asigin.

KELUARAN 22:31

Hit hinebe re An nagainafuri horek logolik, hinanggo tati logogun mene andoma mene olomene nen senggelhu halok he ninggi logou fuk, meneat he, senggelek mene andoma hiren mene wogeti logoino,” iluk yagatikhe.

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.

YEHEZKIEL 44:31

Sue, paik, amu mene ogo, amu wa'lagu halok inom, mene olomene nen senggelhu halok inom andoma re it imam en he ninggi logogun lek,” iluk ikhe.

YEHEZKIEL 4:14

A'nogo ikheba nen he an nen onggo yagati logolik, ”Eige, Tuhan Mondok Lego welagen mene neisena! An nebe yenggere'ma nen pikhit yogondak welagi huli nen he nunggu mene saliok weregengge wam warek mene a, mene olomene aigando a, andomaba nen an nebeba weaget fakhigirek mene ekhe werek lego, nen nunggungge saliogengge anggagarek mene andoma an nen ekhe nunggu aplere legaro,” iluk igi.

IMAMAT 15:5

Ap misik ekhe nen ap ariginik mene a'nogo senhugu halok inom, at nogoguba omanogo senhugu halok inom, at hu'laguba omanogo obali'mo hu'lagu halok inom, athe wesi subet hikhe halok inom, ap andi asu sobalogo kume waraluk, at ebe emerek werek kwelek enek mo ubuk ikhi logogin.

BILANGAN 19:21

Wene melalek andire mondok-mondogat andoma logogin. Ap ekhe iba afuni inebene kweterisagain agun andi ogo asu sobalagainat, nen ap i andi mene ekhe fakhikhe halok he at ebe emerek were'ma nen enek mo ubuk ikhi logogin.

BILANGAN 19:19

Aren he i a'nogo linggene henaganek mene inom oba, linggene 7 nen mene inom oba kweisalinafi logogin. Linggene sabiren mene andiba aren ap emerek mene horinafu aple andi arat wurep kobokhogo hilingiti logogin. Ap andi re asu sobalhik, ebene kume watik ikhi logogin. Nen mo ubuk ugu kwelek andem he at ebe mondogat pugunsek mene aga logogin.

BILANGAN 19:8

Ap sapi andi noligin agun andi ogo re asu sobalogo kume warogo hilingisigin. At ogore ebe emerek werek kwelek enek he mo ubuk ikhi logogin.

IMAMAT 15:21

Ap ekhe nen at he a'nogo amep laga logolik hurek welagaba senhikhe halok ogo, nogokhi lagaba senete halok ogo asu iba sobalaluk ebe kume warogo emerek werek kwelek enek mo ubuk ikhi logogin.

IMAMAT 15:10

Ap misik ekhe nen ap a'nogo obali'mo hu'lasigin meneba endep ekhe fakhagain halok he at ebe emerek werek kwelek enek mo ubuk ikhi logogin. Nen, it ekhe nen angge a'nogo legeisogo waluk lagu halok he at asu i sobalogo kume waraluk ebe emerek werek kwelek enek mo ubuk ikhi logogin.

IMAMAT 7:24

Wam amu wa'lagu mene asei ogo, nen mene olomene hak mene nen senggeligin mene asei halok ogo, amu mene faget he hilingisugun fano meneba nen he hit hinebe re na fuk.

IMAMAT 11:40

Ap en warek fili andi waluk lagu halok ogo nen nagain halok ogore asu i sobalagain oba nen he, ebere emerek werek kwelek enek mo ubuk ikhi logogin.

KELUARAN 22:30

nen fena sapi, domba eagwi ai mene attak tasigin mene halok inom An wo'neti logogun. Wam eak attak tasigin mene ai mene andoma re, inenggi 7 nen andi, agaisa inom wela'luk he, inenggi 8 meneba andi nek he An wo'nesi wesugun.

IMAMAT 11:24

Ap misik ekhe nen eluk-elugengge ekhe mene-ekhe mene warek fili misik ekhe fakhagain halok ap a'nogo ebe emerek werek kwelek enek he, mo ubuk ikhi logogin mene re yi: Yi mene ti mene inenggi a'lip wilibik mene inom, it ineisok a'lip aksek oba nen inambe nenggarek mene nekhengge luk hemelogo ninggerek mene inom, yi mene ti mene enggi eisok enggaminogo werek oba nen kelinci enggiagut hak mene inom andoma. Mene athe, ap ekhe nen he yi mene ti mene andi mene warek fili ekhe waluk laluk halok ogo, aren asu sobalikhi logogin oba nen he at ebe nek he emerek werek kwelek enek mo ubuk ikhi logogin.

IMAMAT 11:31

Ap ekhe nen yi mene ti mene andi fakhikhe halok ogo nen warek fili fakhikhe halok ogore at ebe emerek werek kwelek enek mo ubuk ikhi logogin.

IMAMAT 11:32

Nen, yi mene ti mene andi warek fili nen ogo athe amu mene ekhe amboloba pugu halok ogo, amungge andi emeregat logogin. Amungge andi re nena mene faget hilingitungge andi hilingik kwelek, e meneba hilingik mene hea, su karung meneba hea, hilingik kwelek misik mene andi iba kwelagaisogo fikhi logogun, a'nogo fugunem misik mene andi nek emerek werek kwelek mo arat ubuk ikhi logogin.

IMAMAT 11:39

Ap sa nen ekhe yi mene ti mene wesa werek mene andi warek filiba senhagain halok, at andi emerek werek kwelek enek mo ubuk ikhi logogin.