IMAMAT 17:11 - Allah Wene Fano Wene Hupla Inane

¹¹ Yi mene ti mene eluk werek mene oma re amep oba nek eluk welagarek. Andi nen he, Tuhan nen ikhi logolik he amep mondogat he, At againafuri inaweak leget fisouwageluk mezbah amboloba omanogo nek kweisalisikhi logogun. Nen, mep andi re ebe eluk oba Aren inaweak lek hilingisogo fisikhi logogin.

IMAMAT 17:11 ပူးပေါင်းရင်းမြစ်များ

KEJADIAN 9:4

A'nogo meneat he, wam, sue, paik, yi mene ti mene kurik elonggoma mep werek mene andi, meben eluk welagarek andi nen he, elonggoma mep werek mene halok nogoin mondok lego.

IMAMAT 1:5

A'nogo hilingfuluk he sapi a'nogo re, o Sabu solombonma andemen watfuluk amep he at Harun nen tagomangge mene it imam omanogo nen waganogo Tuhan obaget fuluk he, o sabu solombonma omanogo nen Mezbah a'nogo unggut enggaminogo omanogobene kweisal hilik laga logogin.

IMAMAT 16:11

At Harun nen wam sapi ai mene at onggwarek weak hilingite mene faget inom, againafuri weak hilingita mene faget inom, An nen horogo leget fisoageluk warogo nobagambik senggelogo fuluk,

IMAMAT 17:12

Andi faget it afuni Israel mene ogo, nen it pok mene oba nen it Israel mene inanggelekwe werek mene ogo, mep nafuk iluk ane huli palfesikhe andi.

IMAMAT 17:14

Yi mene ti mene mondogat eluk werek mene andi re ebe eluk mondogat he amep oba nek werek. Andiba re, Tuhan nen ikhi logolik it afuni Israel mene halok he mep andi mondagat ninggi logogun mondok lek. Ap sa nen wene hilingisu fuk iluk, ikhe mene yi, ane oak sagalogo hilingite halok he, at andi Allah againafuri mene werek he anggogoin lek.

IMAMAT 4:25

Wat fuluk imam enggi tumen amep a'nogoba yugul haluk, mezbah unggut kwe andimuk nganoksek mene ebene aremnogo yugul fikhi logogun, nen, alinlan he mezbah a'nogo erokwe kweisal isikhi logogun.

IMAMAT 4:26

Andi nen he wam lambulogo ninobagauwageluk warogo nolhi logolik hilingitarek a'nogo hakhogo wam asei abirengge omanogo mezbah amboloba nolhi logogun. It imam en ap inoe ferinarek welagarek mene a'nogo aweak faget warogo nolhuba re, Tuhan nen ap a'nogo aweak lek hilingisogo fikhi logogin.

IMAMAT 8:15

A'nogo yagaisasikhesik, at Musa nen wam a'nogo warogo amep fena wanhikhesik he, amep a'nogo mezbah andimuk nganok se'ma unggut fena-fena omanogo mezbah andi re Allah faget tegelek mene logouwageluk enggi tum oba yugulogo watfesikhe. Nen, mep fenakwe omanogo re mezbah a'nogo erokwe omanogo kweisal isasikhe. Obalik warogo nolhu mene faget andi re mondok horek logouwagiluk a'nogo hilingiti lagaukwa.

MARKUS 14:24

Noageluk sumburisikhi logolik mel yagaisasikhe: ”Yi re An namep aro. Allah nen wene warogo wokhinabigin isikhe a'nogo, afuni hokhorogoat faget namep wulagaisogo noasugun andiba, ebe asigin o.

ROMA 3:25

Attagat, at Allah nen he, nit afuni weak hilingitu kwelek, ninoati'lek afe morogo welagaikhesigen, yogondak at obabut higithogo hilingiterek a'nogo enegat hilinglasuageluk, Yesus lakfei wagaikhe. Wagaikhemo ebe watunem amep pisikhe andiba, nit afuni ninendawinggen at oba himbiret fogo mene halok, at ninom ninambotkwe hunogo ninobagauwageluk lakfei wagaikhe andi. Allah nen nit afuni ninendawinggen Yesus oba himbiret fogo mene halok, wene ninoba mene korogo wokhaluk at ninom ninambotkwe hunogo ninobagakhi logolik he, at higithogoat hilingiterek iluk yogondak obabut enegat hilinglaga andi.

ROMA 5:9

At Kristus amep wulagaisogo wa'lagaikhe andiba, wene ninoba mene korogo wokhaluk Allah ninom hobuk ninambotkwe hunogo ninobagasikhe andi nen he, hobuk Allah a'mage ninoba fugunem telninabigin lek nogo? Telninabigin aro.

EFESUS 1:7

A'nogo wo'nisasikhemo, ebe amep wulagaisogo watukwa andiba, ninonggo palogo telninafik, nit weak hilingiti lagagu mene legetfisigik, isikhe andi. At Allah endawimo kagalek logolik ninebe futninobagasikhesik he, obabut mondok fano a'nogo nen hokhorogo endawitninafikhe andi.

ULANGAN 12:23

A'nogo ninggi logogun meneat he, yi mene ti mene meben eluk welagarek andi nen, wam kurik mep elonggoma werek menere nogoin mondok lego. Ma re, mep labulik mene halok he, mep andi nen eluk welaga mene iluk, ninggi logogun lego.

KOLOSE 1:14

Allah nen a'nogo hele fikhalogo telninafikhe andi, ebe re, at amlogo nenat hele fikhalogo telninafik, yi weak ti weak hilingiti lagagu mene andi, arenat horogo legetfisigik, isikhe andi.

KOLOSE 1:20

Yi mene ti mene kweangma mene inom, pogoroba mene inom, mondogat Allah inom weak agaukwasik, weim palek hangge were'ma, at Allah onggwarek inom lambulogo fisasikhe andi ebere, Yesus eba menfuluk watukwama amep wulagaisogo wa'lagaikhe andiba lambulogo fisasikhe andi.

IBRANI 13:12

A'nogo hilingiti lagaukwa andi nen, at Yesus onggwarek amep oba againafuri weak hilingitarek mene horogo, inebe Allah faget fisageluk leget pa'leget ambe palek abel endakwe wa'lagaikhe andi.

IBRANI 9:22

Allah nen wene komotninafikhe wene andi higithogo hilingiti logolik, yi mene ti mene mondogat mep oba nek hotaresi'mo andi nen he, mep wulafi'lek halok he, afuni weak hilingitarek mene sebelogo legetfisagain elo'lek andi nen he, mep watikhe andi.

1 YOHANES 1:7

A'nogo meneat he, Allah ebe selek oba welagarek andi hak, nit ogo re, selek oba logolik, fano hilingiti lago halok, nit-nit nagailak-hagailak ninom hundik were'ma, nit weak hilingitunem at amlogo Yesus amep oba ho'ninafu mondok welagarego.

1 YOHANES 2:2

At ebe a'nogo logolik, nit yi weak ti weak hilingitorek mene sebelogo legetfisaluk, ho'ninaferek. A'nogo hilingiterek andi re, nit weak hilingitorek mene faget enek fuk. Athe, yi afuni ti afuni kweangma mene mondogat weak hilingitarek mene faget ninomat ho'ninaferego.