IMAMAT 17:10 - Allah Wene Fano Wene Hupla Inane

¹⁰ Nen, afuni Israel mene ogo, it pok meneba nen afuni Israel mene inanggelekwe femhoho werek mene nen ogo wam kurik meberengge nunggu halok he Tuhan nen wene oba fagain, nen at ebe faget An namlogo mene werek he anggagain lek.

IMAMAT 17:10 ပူးပေါင်းရင်းမြစ်များ

KEJADIAN 9:4

A'nogo meneat he, wam, sue, paik, yi mene ti mene kurik elonggoma mep werek mene andi, meben eluk welagarek andi nen he, elonggoma mep werek mene halok nogoin mondok lego.

2 SAMUEL 23:17

A'nogo wogetikhesik aren ikhi logolik he, ”Tuhan neisena, an he i yi nagain lego! Nen an i yi namo nen he, andi re ap inebe ninoasugun iluk wenggele'legengge hilingita mene omanogo inamep na hak andi re nagain lego!” iluk isikhe. Andiba re at Daud en i a'nogo ninggi'lek he, nabit iluk herakfisasikhe. It ap inebe henagan mene mondok enggen tagani andem en hilingitukwa mene re andi.

MAZMUR 34:16

Tuhan nen he, afuni At ane holfuluk higithogo hilingiterek mene re eilenggen inoba werek, nen iren lebetninabuageluk ayonggo fugunem Aren inane esanggo holherek.

KELUARAN 30:33

Amusu andi mene ap ekhe we mene imam mene lek oba nen, amusu andi yugulhu halok ogo, nen andi mene we yugunat hilingitu halok ogo, ap ariginik mene andi re, An nagainafuri iluk anggikhi logogin lek,” iluk yagatikhe.

YEREMIA 21:10

An nen kota yi mondogat wolelenggen isagain iluk nane arat tekhogo igimo re nendawirasigin mondok lego. Kota yi re raja Babel mene inenggimo foumo, aren mondok obalik tamukhogo endu noligin. Iluk An Tuhan nen nane mondogat igi o,” ikhe.

YEREMIA 44:11

Andiba re, An Tuhan Nomame Mondok Hokho mene, Israel mene ineisena Allah a'nogo nen he hit eil hinabimbik he, Yehuda mene mondogat alperelogo fisagain o.

YEHEZKIEL 14:8

An nen at ninom selei higit asimbik, it amu mene andoma inobaget ilirengge re at andi asigin. An nen at ebe afuni inanggele'ma nen litmirogo wulakfisamo re, it An nagainafuri nen he An nebe Tuhan welagi mene a'nogo furogo inelu asugun o.

YEHEZKIEL 15:7

An nen it unggum wogisagain. It endumo nen heiselogo wulibugun oba nen ogore, hobuk endu nenat nolinabigin. Andiba re haren An nebe Tuhan welagirek mene a'nogo furogo helu asigin.

YEHEZKIEL 33:25

Andi faget he Tuhan Lego Mondok welagarek mene a'nogo nen wene yi'nogo ti'nogo iluk an mimingnafi logolik, ”Hit he eino mep weregengge ninggik, tugwi kembu fogeratik, afuni inoatik, ikhi lagep. A'nogo hilingiti logoligen hinambong sisengge kweang yi nit ninanggweang ikhi lagep andi ambi.

YEHEZKIEL 44:7

Iren An nawi wuri'mo emerogo faga, andi re it ap enda'ma mene inagap inenggalimo palek lek mene andoma nen An nawene melalek higithogo hilingiri'lagwi lek mene andoma kuageluk yagaisugunem, amusu inom An nobaget warogo nolhu mene amep inom, waluk kugu mene andiba emerogo faga. Iren ina'meilo mene hilingiri'lagwi andiba re An ninom wene warek welago mene a'nogo taganet fili'lagwi andi.

IMAMAT 17:11

Yi mene ti mene eluk werek mene oma re amep oba nek eluk welagarek. Andi nen he, Tuhan nen ikhi logolik he amep mondogat he, At againafuri inaweak leget fisouwageluk mezbah amboloba omanogo nek kweisalisikhi logogun. Nen, mep andi re ebe eluk oba Aren inaweak lek hilingisogo fisikhi logogin.

IMAMAT 19:26

Mep ninggik, yi hat ti hat elalin hilingitarek mene ekhe hilingitik, ikhi logogun lego.

IMAMAT 26:17

An nen hit wene hinoba foumo, ap hinaselei mene nen hit hinomame leget fuluk it hinabit anggikhi lagep mene nen hit sebelhinarek logogun. Ap mukhinarek wagu mene lek kwelek oba nen hinailo nek a'luk heise wulifi logogun.

IMAMAT 3:17

Afuni Israel mene nen he amep inom asei inom andoma ninggi logogun lek. Wene melalek yire etok mondok were'ma, it Israel mene nen o yi awi ti awi andoma logolik wene yi tiphogo nek hilingiti logogun,” iluk yagatikhe.

AMOS 9:4

Nen, it inebe inaselei mene nen hele warogo woginarek logoin halok, An nen it inebe pinggi inoasuageluk yagaisagain aro. Nen An nen it inebe legetfisageluk welagi andi nen he it inebe mondogat weaget fisagain o. Nen ap misigen iluk ogo it ekhe leberisogoin mondok lek,” iluk ikhe isikhe.

KISAH PARA RASUL 15:20

We, niren he, wene mel iluk lisu palogo inoba lakfouwok. Tugwi kembu harenggen oba himbirik logolik anggo waretarek mene kurik nunggunem inebe weaget fakhagarek mene andi nogoin lek. Pailak fakfisogoin legat. Nen, yi mene ti mene alonggop perelogo warek mene ninggik, mep ninggik, ugun legat, iluk komorogo inoba lakfouwogo.

KISAH PARA RASUL 15:29

Tugwi kembu harenggen oba himbirik logolik anggo waretarek mene andi kurik nogoin lek. Mep nogoin legat. Yi mene ti mene alonggop perelogo warek mene andi nogoin legat. Pailak fakfisogoin legaro, iluk wene palho. A'nogo hilingiti'legat kamo egep halok he, hit fano hilingiti lagep iluk ugun andi. Wene andiba arat yagahisogo. Nerugwi nagaila'lak,” iluk lisu palogo lakfisa wagaukwa.

ULANGAN 12:16

A'nogo higit nogoin meneat he, amep enek he nogoin mondok lego. We, i higit kweangma kweisalogo lakfisikhi logoino.

ULANGAN 12:23

A'nogo ninggi logogun meneat he, yi mene ti mene meben eluk welagarek andi nen, wam kurik mep elonggoma werek menere nogoin mondok lego. Ma re, mep labulik mene halok he, mep andi nen eluk welaga mene iluk, ninggi logogun lego.

ULANGAN 15:23

Amep enek he ninggi logogun lek, oba nen he i hakhogo kweangma kweisal isikhi logogun fano.” iluk yagaisasikhe.

IBRANI 10:29

Andi hak, it afuni nen Allah amlogo meneat he, ineisogen al perelogo herakfisigik, Allah nen nit ninom hunesuogeluk Kristus wa'lagaikhe andiba amep oba fano horinafikhe meneat he, hobuk inendawimo nen sebelfigik, Allah obabut fano mene Areagun a'nogo inane asegen wokhigik, ugu halok he, wene mondok enggin mene inoba fembik weagerinabigin o.

1 SAMUEL 14:32

A'nogo hilinglagaikhemo, yi mene ti mene selei mene inangge hugulengge wanhukwa mene inenggi abisak helikhi logolik inane hokhorogo sagalhukwa. A'nogo sagalhukwasik, wam domba inom, sapi hokhondek mene inom, eagwi mene inom, wanhukwasik o andoma nenat warogo senggelhukwasik he, mep inom mondogat nasukwa.

1 SAMUEL 14:33

A'nogo nasukwama, it ap ekhe nen Saul mel yagatukwa: ”Ap wam senggelek amep werek kwelek nengga andi nineisena Tuhan ane sagalogo weagat hilingita o,” iluk yagatukwa. A'nogo yagatukwama, at Saul en he, ”Nineisena Allah oba lomborogo logou fuk yoma ri!” iluk ane kwe isikhe. A'nogo isikhesik, mel yagaisasikhe, ”Helep hokho mene ari limbilogo ya fei we'ni o,” iluk isikhe.