IMAMAT 16:34 - Allah Wene Fano Wene Hupla Inane

³⁴ A'nogo hilingiti logogun andi re, afuni Israel mene nen weak hilingitarek mene mondogat An nen horinabuageluk tahun ebe lombok he, inenggi misik sambul hilingiti logogun, iluk wene palogo figi mene yi higithogo hologo hilingitu mondok logoino o, iluk yaga'no,” iluk yagatikhe. A'nogo yagatikhemo, at Harun nen he, Tuhan nen, wene melalek Musaba yagatikhe mene a'nogo higithogoat hilingitikhe.

IMAMAT 16:34 ပူးပေါင်းရင်းမြစ်များ

KELUARAN 27:21

At Harun amlogomi inomen he lampu andi hu'mokwe huli nen he, hubet huli andoma iren enek An nebe weinam asi waga logogin oba, Peti Wene warek mene a'nogo elokhoma re, kain kologo pelabek mene endakwe fikhit andoma nen halhi logogun. Wene melalek andire, afuni Israel mene inom, iren tagongge mene inom huli andomaba hilingitu mondok-mondok logogun,” iluk yagatikhe.

KELUARAN 30:10

Tahun misik oba re misigam at Harun nen he mezbah andi fanotninabuageluk wam inaweak legapesuageluk fugu mene omanogo amep oba re andimuk 4 en aremnogobene hoti logogun. A'nogo hilingiti logogun andi re, tahun hundik-handik yi sambul ti sambul andoma a'nogo nek hilingitu mondok logogun. Mezbah andi abirengge mondok hore'ma re, An nobaget enogo logogin,” iluk yagatikhe.

KELUARAN 39:43

Musa nen he iren yabu hilingitukwa mene a'nogo eil hilik lagaikhesigen, Tuhan nen hilingi'no iluk yagatikhe mene aremnogo higithogo nek hilingitukwa. A'nogo hilingitukwama at Musa nen it afuni a'nogo inoba fanoabet fisasikhe.

IMAMAT 16:2

”Hat hoe Harun nen yi'nogo hilingiti logouwagen yaga'no: O An nonggwarek nawi hulu mondok wesama hangge hilingi'mo andoma Peti Wene Warogo wokhinafigi iluk hilingik werek mene a'nogo sebelogo nebe ohena anggele'ma logolik, hinelokhoma menlagirek andi nen he, at Harun nen An Nonggwarek nawi hulu su kain nen hulirogo senggele'ma andoma inenggi ti sambul kwikhi logogun iluk wene palek higithogo andi sambul enek kwikhi logogun en yaga'no o. Aren wene andi herakfisambik amukwe kigin halok, at ebe wa'lasigin o.

IMAMAT 17:1

Tuhan nen wene melalek yi Harun inom at againafuri inom afuni Israel mene mondogat inom inoba yagaisoageluk Musa oba wene fikhi logolik,

IMAMAT 23:28

An hineisena Tuhan nen, hit weak hilingiti lagep mene sagalogo legetfisambik hothinabumo An neilhanem fano logobagaigeluk, o andi lingge hit weak hilingiti lagep mene sagalogo legetfisambik hothinabigin andi nen he, hinenggi ekhe wanugun mondok lego.

IMAMAT 23:31

An nen he, hiren yi'nogo hilingiti logoino, iluk wene yagahisigi andi re, hiren tagomangge mene inebe we o koma, it logogun kwe lombogen logolik hilingiti logogun mene faget inomat yagahisigi o.

IMAMAT 24:23

Yagatikhemo, at Musa nen wene omanogo it afuni Israel mene inoba mondogat yagaisasikhesik, ap Allah homan fesikhe mene a'nogo waluk O Sabu Salek oba nen endakwe fikhit wulibi lagaukwasik, helep huk oba nek watukwama pinggi wa'lagaikhe. A'nogo hilingitikhe andiba Tuhan nen Musa yagatikhe mene a'nogo higithogoat hilingitikhe andi.

IMAMAT 3:17

Afuni Israel mene nen he amep inom asei inom andoma ninggi logogun lek. Wene melalek yire etok mondok were'ma, it Israel mene nen o yi awi ti awi andoma logolik wene yi tiphogo nek hilingiti logogun,” iluk yagatikhe.

BILANGAN 29:7

Tanggal sepuluh tugi sabit meneba re hit hinebe wene kabogesugun iluk hinebe mondogat lambulhi logogun. Linggene andi sambul he hiren hinendawinggen sebel fakhaluk hinambe pok logolik yabu enggin mene ekhe hilingiti'lek weak logogun.

IBRANI 10:14

At Kristus misigam faget wa'laga logolik, ebe Allah wogetikhe andiba, nit afuni ninebe Allah faget fisogorek mene halok katokhogo mondok ho'ninafikhe.

IBRANI 10:3

Afuni weak hilingitarek mene andi wam sapi inom, kambing inom, amep oba horinabigin elo'lek andi nen he, hundik-handik wam warogo Allah wogeti lagaukwa andiba, afuni weak hilingiti lagaukwa mene inendawimo eberisikhi lagaikhe andi.

IBRANI 9:25

It ap Yahudi mene Allah eisewerek inoe kain Allah aiba andi kwikhi logolik he, onggwarek amep waluk kwikhi lagaikhe fuk. Lego. We, wam sapi inom, domba inom, amep waluk o mo lagagik, pigik, ugu kwelek tahun ebe lombok enggi misigam faget kwikhi lagaikhe. A'nogo meneat he, at Kristus enek he, onggwarek amep waluk enggi hobugalep lek. We, enggi misigamat faget kwisikhe andi.

IBRANI 9:7

A'nogo kwikhi lagaukwa meneat he, o senggelek ti'mo mene andi nek he, at Allah eisewerek inoe kain mene andi nek onggwarek weak hilingiti lagaikhe mene faget inom, againafuri Israel mene inobabut hebele'lek nong-hongsek weak hilingiti lagaukwa mene faget inom, inanggo warogo amep waluk, o mo lagagik, pigik, ugu kwelek tahun ebe lombok enggi misik faget kwikhi lagaikhe.