IMAMAT 16:21 - Allah Wene Fano Wene Hupla Inane

²¹ A'nogo waluk he, Harun enggi pirenet kambing andi unggul oba sebel fuluk, afuni Israel mene nen weak hilingitik, kwanirogo hilingitik, nane sagologo hilingitik horog hilingitik, aga mene andi mondogat fakhogo fikhi logouwak. A'nogo hilingisigin andiba afuni Israel mene weak hilingita mene andi mondogat felelenghogo kambing andi ungguloba fagain o. A'nogo fembik, ap ekhe ayonggo fogoin mene nen kambing andi silogo o leimo afuni le'ma andoma waluk lakfisa laga logouwak.

IMAMAT 16:21 ပူးပေါင်းရင်းမြစ်များ

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

YESAYA 53:6

Nit ninebe mondogat he wam domba longgo ikherek andi hak nonghong isugusik welagagu, kwe inanggwe lombok lagaikharek andi hak ninobabut lombogen weak hilingiti logagu. Nit ninebe mondogaren weak hilingiti lagagu mene a'nogo Tuhan nen waganogo at oba fakhasikhe.

MAZMUR 51:3

Neisena Allah hendawitnabin o. Hendawitnafu mondok welagendek andi nen, hokhorogo hendawitnabino o. An weak hilingiti mene, nendawimo eberek mondok logolik, fakhogo figi andi nen he, mondogat weak hilingiti mene andi, sebelogo legetfisambik horogo nobagain o.

EZRA 10:1

Andi iluk at Ezra a'nogo Tuhan Awiba elokhoma aremnogo nen inaweak fakhogo le aga logolik samban ugu kwelek he, it afuni Israel mene a'nogo inebe hokhorogo, ap inom, hemi inom yenggerugwi magendek mene inom, kabogesi wagaukwasik at ebe tulem haningisogo kwelakfesukwasik he inane kwi-kwerogo le agaukwa.

ROMA 10:10

Afuni inendawinggen Allah oba himbiret fugunem he, aren wene inoba mene korogo wokhaluk, hobuk inambotkwe at inom hunogo fisikherek. Nen, inambeba nen, at abok fakhogo ugunem he, telinaferek andi.

AMSAL 28:13

Ap sa nen aweak endawimo hinago werek halok he at hobuk fano mene ekhe helagain mondok lek, nen ap sa nen aweak fakhogo fembik herakfisagain halok he, Tuhan nen endawi hundik hilingiti logogin.

MAZMUR 32:5

Namusu a'nogo palhu were'ma, hobuk nendawimo ebetigisik, an weak hilingiti lagagi mene ekhe sebel figi'lek, fakhogo neisena heilhanen fugunem, an weak hilingiti lagagi mene mondogat Haren sagalogo leget fisasigin.

IMAMAT 26:40

Oba nen he it hinombawi nen inom, nen hiren inom, An nane sagalogo fuluk hilingiti lagep mene andoma hiren inom, nen hiren tagomangge mene nen inom hinaweak fagetu halok,

KELUARAN 29:10

Andi nen sapi ai mene andi waluk An nawi sabumo lelunggulmo wagunem Harun againafuri inom inenggi inunggoloba sebelfuluk were'ma,

IMAMAT 5:5

Yi wene ti wene andi mondogat faget he, ap weak hilingitu agun a'nogo nen aweak fageti logogin.

IMAMAT 1:4

A'nogo fei we'luk he, at a'nogo nen enggi wam a'nogo unggul sebel fugunem, at Tuhan nen he ap andi nen fugu mene andiba aweak legaphogo fugu mene iluk wanhi logogin.

IMAMAT 16:20

At Allah nen a'nogo yagatikhesik ekhe mel yaga'no isikhe: ”At Harun nen, An Nonggarek Nawi Hulu Hore'ma a'nogo arat hotik, o hulu fena kwe mondogat hotik, wam An faget warogo nolnetarek oba andoma hotik, uluk he, wam kambing ekhe eluk logogin mene andi, wanuago.

IMAMAT 16:22

Waluk laluk, kambing andi nen he, afuni Israel mene weak hilingita mene mondogat waluk he, o leimo afuni le'ma andoma logouwakhogo, obogisikhi logouwak.