IMAMAT 15:31 - Allah Wene Fano Wene Hupla Inane

³¹ Tuhan nen Musa mimingiti logolik, afuni inunggulenu Israel mene nen Tuhan Awi Sabu salek mene a'nogo emetfeinogo re, ki huli nen it emerek logogun nen ningginik sambul halok we logogun, iluk futfikhi logouwakhogo yagaisa lan. Nen, iren Tuhan Awi Sabu andi emetfogoin halok he it inebe wa'lasugun.

IMAMAT 15:31 ပူးပေါင်းရင်းမြစ်များ

MAZMUR 66:18

An nen weak hilingitarek awene nek nagaiyek haluk nendawimo wenggelhi logoilema nen he, ibi-eberogo nen At Tuhan nen esanggo holilep lego.

YEHEZKIEL 23:38

Andi nek hilingita fuk. Ekhe re iren An nawi wurik inom inenggi sabat sambul An nen wenagaisogo fesigi mene a'nogo inom, emerogo fagaat.

YEHEZKIEL 36:17

”Afuni wa'lagaikharek mene yi re, afuni Israel mene it inanggweang oba werek mene nen iren weak mene hilingiri'lagwiba emerogo fakhugunem, An nen ebeti logolik, iren hilingiri'lagwi mene andoma re saliogengge hilingiri'lagwi anggikhi lagi, andi re hemi inamep lagarek mene hak hilingik.

YEHEZKIEL 44:23

Ap imam mene nen he afuni An nagainafuri yagaisikhi logolik halok he ki mene An nobaget tegelek werek, nen ki mene lek iluk fanorogo penetik, nen ebe weneba re ki mene horek mene werek, nen ki mene emerek mene werek iluk peneti logouwageluk yagaisikhi logogun.

YEHEZKIEL 5:11

An Tuhan Allah pogot kweang elalhigi mene a'nogo nane ikhi logolik, haren handugwi kembu An nabit anggigirek mene omanogo obaget hilingitu logolik, mondok weak kwanirek mene hilingitik, ina'meilo mene hilingitik ugunem, An nawi wuri'mo hore'ma a'nogo emeti lagen andiba re, An nen nendawi anggigi'legat alperelogo hobagagin o. Iluk An Tuhan neluk mondok welagirek mene a'nogo nen nane mondogat igi.

DANIEL 9:27

Ap raja andi nen he, 7 tahun yi'nogo logogun, iluk afuni inebe hokhorogoat wene hobuk hunogoat u lek mene warisagain. Nen, a'nogo logolik, 3 tahun logombigen, tugi ekhe 6 en logombik he, wam yi mene ti mene Allah faget warogo noletik, wogotik, ikhi logogun mondok lego, iluk igin. A'nogo imbik, hobuk he, mondok inapsiri mene hilingitunem agaiserogo pugulugun mene Allah awi wuri'mo andoma menfoumo logogin. A'nogo were'ma, huli attagat Allah nen he, Yi'nogo hilinglasigin, iluk isikhe higithogoat, at ap inapsiri mene fikhemo werek andi weaget fagain huli inapsiri mene andi leget lasigin o,” iluk yaganete.

IMAMAT 11:47

Hiren he yi mene ti mene andoma weak mene re ki, nen fano mene re ki, iluk elokhe penetik, nenggarek mene re ki, nen nenggarek lek mene re ki, iluk elokhe, penetik ikhi logoino,” iluk yagaisasikhe.

IMAMAT 13:59

A'nogo su labetu mene inom, kain linen oba kwago mene inom, wol oba selebensek mene inom, yi mene ti mene mondogat agap meneba kwago mene inom, oba emerek mene hea, emerek lek mene hea iluk, peneti logogun mene wene lenggal fisasikhe mene re andi.

IMAMAT 15:32

Iluk a'nogo it ap inagap inenggalimo meneba ourek logolik kurele wulibi wagu halok inom, amusu wulibi wagu halok inom,

IMAMAT 19:30

Hineisena Tuhan he, Anat andi nen he, linggene Sabat oba An faget weat welagik, o An fogetnafi logogun oba andoma enekhogo hilingitik, ikhi logoino o.

IMAMAT 20:3

Ap ekhe nen omalik warogo kembu Molokh oba wogosi lagu halok he An Nawi Sabu wurik mene emerogo figik, Nenu fano mondok welagi a'nogo sebelogo figik igin andi nen, An nen ap andi wene oba fembik at ebe An nagainafuri mene werek he anggagain lek.

IMAMAT 21:23

Hineisena Tuhan nebe Anat hilingi'more, ap andi ebeba agap pale'ma aren su kain o senggelek hore'ma hulirogo kologo pelabek mene a'nogo inom mezbah inom era'lu horokhogo andoma laga logoinogo. Nen, yi mene ti mene o elonggoma warogo nolhi logolik hilingitu mene andoma An nen enogo fakhasigimo re, ap andi nen An nangge enogo werek engge andomaba emetfeinogo, ikhe ino,” iluk yagatikhe.

BILANGAN 19:13

Ap warek fakhikhesigen at ebe horigi'lek halok he, at ebe ho'lasuageluk i ebene kweisalhu mene a'nogoba sobaligi'lek andi nen he, at ebe emeregat logogin. Aren o Tuhan Awi sabu a'nogo emerogo fagain andiba re at ebe Allah againafuri mene werek anggogoin lek.

BILANGAN 19:20

Ap ekhe emetlasigin mene nen onggwarek ebe ho'nabuageluk hilingisigin lek halok, ap i horinafi logolik kweisalinafu mene a'nogo oba hosugun le'ma ap andi ebe emerek logogin. Aren Tuhan Awi wurik oba a'nogo emetfagain andi nen he, Allah againafuri mene werek anggikhi logogun lek.

BILANGAN 5:3

An nebe namlogomi ninom welagiba andoma emetlasinogo iluk he, it wulibi loageluk yagaisikhi logogun,” iluk yagaisano yagatikhe.

1 KORINTUS 3:17

Hit hinebe, at Allah awi wurik welagep andi, at meneat welagebo. Halok, hiren Allah awi wurik andi weagetfoumo re, aren hit weagethinabigin aro.

ULANGAN 24:8

Nen, hit ekhe hinoumo henanggo inailo mene hinoba aga halok, it ap Allah eisewerek Lewi mene nen, yi'nogo hilingi'no, ti'nogo hilingi'no, iluk yagahisoagaluk yagaisigi mene iren yagahisugunem mondok higithogoat hilingiti logoino o.

IBRANI 10:29

Andi hak, it afuni nen Allah amlogo meneat he, ineisogen al perelogo herakfisigik, Allah nen nit ninom hunesuogeluk Kristus wa'lagaikhe andiba amep oba fano horinafikhe meneat he, hobuk inendawimo nen sebelfigik, Allah obabut fano mene Areagun a'nogo inane asegen wokhigik, ugu halok he, wene mondok enggin mene inoba fembik weagerinabigin o.

1 SAMUEL 3:14

A'nogo herakfisili'lago andi nen, An nen wene yi'nogo hombuk palogo mondok tekhogo igi. At Eli againafuri nen weak hokhorogo hilingiri'lagwi mene andi faget inanggo warogo nolnesugun halok ogo, at he, yi mene ti mene ekhe wo'nesugun halok ogo, sagalogo legetfisagain mondok lego, iluk hombuk palogo igi o,” iluk yagatikhe.