IMAMAT 14:34 - Allah Wene Fano Wene Hupla Inane

³⁴ it afuni Israel mene o Kanaan Tuhan nen wokhisasikheba omanogo mondogat kwi lambik o wurik oba fili agu halok hilingiti logogun mene iluk wene melalek yi inoba fesikhe.

IMAMAT 14:34 ပူးပေါင်းရင်းမြစ်များ

KEJADIAN 12:7

Andoma wagaikhesik were'ma Tuhan ebe Abram elokhoma menlagaikhesik he, mel yagatikhe: ”An nen afuni haren tagongge mene wogisagain he, o ebe yoma o,” iluk yagatikhemo, at Abram en Tuhan elokhoma menlagaikhe mene a'nogo faget, yi mene ti mene warogo noleti logogun oba obalik halogo fesikhe.

KEJADIAN 13:17

Kweang yoma mondogat hat wokhesigin andi nen he, heilenggen kogolik polikwe, malikwe, elikwe, yikwe mondogat lano o,” iluk yagatikhe.

KEJADIAN 17:8

An nen he, kweang o Kanaan hat hebe ap pok higit welagenma yoma, hat inom, haren tagongge mene inom, wokhesigin o. Mondogat haren tagongge mene eise asimbik mondok werek kwelek, An Allah it ineisenaat asimbik logogin o,” iluk wene waretikhe.

KELUARAN 15:26

A'nogo ikhi logolik, mel yagaisasikhe: ”Hiren eberogoat mondok an nane hologo hilingitik, an nen andi fano iluk anggigirek mene andiat hilingitik, an nen, yi'nogo hilingiti logoino, ti'nogo hilingiti logoino, iluk komorogo yagahisigi mene andiat higithogo hilingiti logoino o. A'nogo hilingiti logogun halok he, an nen yi ou ti ou afuni Mesir mene inoba figi a'nogo hangge ekhe hinoba fagain lego. Hit hinebe se asuageluk hinoba fano hilinghinafirek mene hineisena Tuhan nebere Anaro,” iluk yagaisasikhe.

AMSAL 3:33

Ap weak hilingitarek mene inaiba re Tuhan nen homan ikfisikherek, oba nen, ap At oba lombokhogo welagaikharek mene inaiba re fanot fisikherek.

YESAYA 45:7

An nen mum inom selek inom elalogo fesigi, An nenat enggin- fenggin inoba lakfei wagik, fanoaberinafik igirek, Andoma mondogat he An Tuhan nenat hilingitirek.

IMAMAT 14:33

Tuhan nen Musa inom Harun inom wene melalek yi inoba fikhi logolik,

IMAMAT 14:55

tuk-tugengge faget inom, inagap oba unggul hilingisogo kurele walek mene faget inom, inebeba fit-firengge hilingik mene faget inom, inasuba ogo athe inaiba ogo, fili a'luk kulumage fugu mene faget inom, hilingiti logogun mene faget wene melalek a'nogo yagaisasikhe.

IMAMAT 20:24

An hineisena Tuhan Allah nen yi afuni ti afuni inunggulenu lombok werek oba nen, hit enek he An nagainafuri wenagaisogo hinobagagi mene a'nogo hilingi'mo, kweang ebe mondok heiselek logolik yi mene ti mene enggen hokhorogo were'ma andoma re hit wokhisagain iluk abok yagahisigimo re, hit hinonggwarek hinangge asuageluk wokhisagain.

IMAMAT 25:2

”Afuni Israel mene o An nen wogisagain oba andoma kwi lambik hiren hinobabut yi'nogo Tuhan legeisogo fikhi logogun iluk wene melalek yi'nogo yagaisa lan. Hundik-hundik tahun 7 meneba asi wagu halok he, hiren yi mene ti mene yasugun iluk, yabu wanhi logogun lek.

AMOS 3:6

Afuni o kota welagaikharek mene, Weim werek, iluk inendawinggen wenggelogo pinggong anethugunem ina'manggen lagi'lek logou hak nogo a? Nen, Tuhan nen enggin-fenggin lakfei wagi'lemaat afuni o kota welagaikharek mene andoma weak mene andi inoba asi wesu hak nogo a?

AMOS 6:11

At nineisena Tuhan nen yi'nogo hilinglame igin halok he, o sili hokhondek mene inom magendek mene inom mondogat wolelenggenhogo legasigin aro.

MIKHA 6:9

Tuhan omame werek iluk anggikhi logolik hilingitarek mene andi re, ap mondok hebelek mene nen hilingitarek he andi aro. Nen, Aren afuni o kota ba werek mene inoba yagaisikhi logolik, ”Yago, hit afuni o kota ba welagep mene andoma hinesanggo holini o!

ZAKHARIA 5:4

Tuhan Omame Mondok Hokho welagarek mene a'nogo nen ikhi logolik he, homan inoba asigin mene andi re it afuni yogot wili'lagwi mene inawi wurik lombok ebene inom, nen hesangge hombuk pali'lagwi mene inawi lombok inom andoma lakfei wesigin. Inawi andoma re, homan inoba fugu were'ma nek he o wurik mene omanogo wolelenggen tagalogo kaboksek logogin,” iluk yaganetunem higi.

BILANGAN 32:22

o kweang andi At a'ma sebe umo nek he hit hinambotkwe wesugun o. Nen, hiren Tuhan obaget hilingisuageluk werek mene omanogo inom, hit hinagaila'lak Israel mene inobaget hilingisuageluk werek mene omanogo inom, mondogat hilingisugun andi nen he hinoba seleget lasugun. Nen, Tuhan nen he kweang o mo liabi weri'lago fikhit yoma hit mene asuageluk wogisagain.

BILANGAN 32:32

Nit he Tuhan nen wo'ninarek lagu kwelek o Kanaan kweang oba andoma lambik weim yabi logoin, oba nen he kweang i Yordan fena mo liabi weri'logo fikhit yi re nit ninanggweang mene asigin,” iluk isukwa.

BILANGAN 35:10

hane yi'nogo yi it inunggulenu Israel mene inoba yagaisan, ”Hit i Yordan arat palogo o Kanaan kweang oba asi lambik halok he,

ULANGAN 12:1

A'nogo yagaisasikhesik, wene ekhe mel yagaisasikhe: ”Ninombalak nineisena Tuhan Allah nen o hit wokhisagain oba a'nogo mondok logolik, At ane hologo hilingiti logogun mene ebe yi:

ULANGAN 19:1

At Musa nen a'nogo yagaisasikhesik ekhe yagaisikhi logolik, ”At hineisena Tuhan Allah nen afuni inunggulenu inap andoma mondogat leget fisambik, it inaiba hit wokhisamo, inawi sili inom, inawi wurik inom, hit eise akhambik andoma femhogo logolik he,

ULANGAN 26:1

At Musa nen a'nogo yagaisasikhesik wene ekhe mel yagaisasikhe: ”Hit hinebe nineisena Tuhan Allah nen o wokhisasikheba andoma arat lambik logolik he, yi'nogo hilingiti logoino:

ULANGAN 27:3

A'nogo watfuluk helep andem ebene re wene melalek yi ane misik-misik palfeino. Hit ambi o kweang At hineisena Tuhan Allah nen wokhisagain oba yi mene ti mene mondok werek enek were'ma, kweang muli mondok fanoma andoma kwi lambik halok he,

ULANGAN 32:49

”O kota Yerikho nen wulakfei wagunem, o Moab mene Abarim tom ebene andoma lano o. Lambik he, tom enu Nebo ba lagambik, o Kanaan An nen afuni inunggulenu Israel mene inenggi welagi'legat wogisagain oba andoma heilenggen yethano o.

ULANGAN 7:15

Hit hinebe nineisena Tuhan o Mesir oba logolik fethinarek were'ma Aren ou enggin mene hinoba figik, yi weak ti weak hinoba figik ugunem hit hineilenggen tomok hikhi lagagip andi hangge ekhe hinoba fagain mondok lego. We, it afuni hinaselei mene andi inoba fikhi logogin.

YOSUA 13:1

A'nogo hilingitukwasigen he, at Yosua ebe arat yaman agaikhe. Tuhan nen Yosua oba ikhi logolik he, ”Yosua! Hat hebere mondogat yaman agen, oba nen he o kota fena telugun kwe mene re hokho-pokhorogo werek andi:

1 SAMUEL 2:6

Allah mel yagatikhe: ”Neisena Tuhan nenat, afuni inoatik, inelugerinafik, egendego. Afuni wa'la'luk lagaikharek oba kweang a'ma pelaginaplugen, hobuk andoma nen liakfisa wagendegaro.