IMAMAT 14:3 - Allah Wene Fano Wene Hupla Inane

³ Waluk wagunem it imam omanogo nen o sabu salek oba nen endakwe fikhit wulibi laluk, ap a'nogo mondogat fano aga hea iluk kwelakhikhi logogun. Kwelakhugunemen, ap a'nogo ebe mondogat fano aga halok,

IMAMAT 14:3 ပူးပေါင်းရင်းမြစ်များ

2 RAJA-RAJA 5:14

A'nogo yagatukwama, at Naaman i Yordan ima lagaikhesik he, at Elisa nen yagatikhe hagat ima enggi 7 ba pisikhe. A'nogo pisikhemo, at ebe fano agaikhesik agap ap alage mene inagap hangge hilinglagaikhe.

2 RAJA-RAJA 5:3

A'nogo logolik inenggi ekhe sambul he, agaisa mel yagatikhe: ”Nagaisa. Neisena Naaman ebe ap Allah ane yagasikherek mene o Samaria werek mene yinaga oba lamo nek he, at oba henanggo werek mene ari eberogoat fano hilingisu hago,” iluk yagatikhe.

KELUARAN 15:26

A'nogo ikhi logolik, mel yagaisasikhe: ”Hiren eberogoat mondok an nane hologo hilingitik, an nen andi fano iluk anggigirek mene andiat hilingitik, an nen, yi'nogo hilingiti logoino, ti'nogo hilingiti logoino, iluk komorogo yagahisigi mene andiat higithogo hilingiti logoino o. A'nogo hilingiti logogun halok he, an nen yi ou ti ou afuni Mesir mene inoba figi a'nogo hangge ekhe hinoba fagain lego. Hit hinebe se asuageluk hinoba fano hilinghinafirek mene hineisena Tuhan nebere Anaro,” iluk yagaisasikhe.

IMAMAT 13:2

Ap misik mene ekhe agap oba oumo tuk-tugengge inom, purak inom, hul-hulengge oba agunem oumo hokho asuhak halok he, ap andi weak-weak waluk it Harun ambisangma mene imam omanogo inambit waga logogun.

IMAMAT 13:46

At oba ou andi mene wanhu were'ma andem he, ebe emeregat logolik, o sabu sale'ma nen enda'ma it afuni amu mene were'ma nen eil uanhogoat logogin.

IMAMAT 14:48

Oba nen he, o a'nogo hobat endakwe lilibanetha huli nen it imam omanogo we'luk kumut hugunemen fili a'nogo ekhe inom weinam aga lek halok, fili a'nogo mondogat lek agama iluk aren o yi mondogat fano horek werek ikhi logogin.

MATIUS 10:8

It afuni ou inoba werek halok higirinafik, wa'lagaikha halok inelugerinafik, henanggo hangge inailo mene inoba werek halok higirinafik, munggwarengge obabut weak mene inendawimo kuluk were'ma henegeisogo wulakfisigik, ilik nikhi logoino. An nen onggo lek wokhisigi andi hak he, hiren a'nogoat onggo lek wogisilik lano.

MATIUS 11:5

Ineilenggen mum mene fenggenogo fano agik, inawe wut warek mene kwe lagik, inoba henanggo hangge inailo mene were'ma higirinafunem fano agik, inesanggo tagum mene inesanggo huakhogo holhik, warek mene inelugerinafik, it ekhe inagarek lek mene fano wene yagaisigik, ugunem hineilenggen neegep a'nogo furogo yagasi lan o.

LUKAS 4:27

Nen, ap Elisa nen Allah ane yagaisikhi lagaikhe andem higit he, o afuni Israel mene were'ma andoma ou henanggo hangge a'nogo mene hokhorogo welagaukwa meneat he, ekhe higirinafi lagaikhe mondok lek. We, ap Naaman aiba Siria mene andi amu nek higitikhe o, iluk, eberogoat yagahisigi,” iluk a'nogo yagaisasikhemo,

LUKAS 7:22

Yohanes agoromi wagaukwa mene omanogo mel yagaisasikhe: ”Hiren he, an yi'nogo ti'nogo hilingitunem hineilenggen niigik, wene ugunem hinesanggo holhik, egep mene andi, at Yohanes furogo yagasi lano o. Ineilenggen mum mene fenggenogo fano agik, inawe wut warek mene kwe lagik, inoba henanggo inailo mene higirinafunem fano agik, inesanggo tagum mene huakhogo holhik, warek mene inelugerinafik, it ekhe inagarek lek mene fano wene yagaisigik ugunem hineilenggen neegep a'nogo furogo yagasi lano.