IMAMAT 14:22 - Allah Wene Fano Wene Hupla Inane

²² Ekhe ap andi nen sue merpati a, athe sue abiang a, pire waluk we'luk he, misik ekhere inaweak leget fisoageluk faget, nen ekhere Tuhan endawimo agaiyeget fugu mene faget waluk waga logogin.

IMAMAT 14:22 ပူးပေါင်းရင်းမြစ်များ

MAZMUR 68:13

”It raja-raja omanogo inom, ap sikhe fisogo mene esa logalek omanogo inom he heise wulifarek!” It he sue merpati nen tarogo lagarek higit lagaikharek. Nen, it hemi oloba werek mene omanogo nen he, it a'nogo heise laga logolik inangge herakfisaluk lagaikharek mene emas, perak omanogo sumbut sambathogo helagarek. It inebe hokhorogo weim yabi lagaikharek lek oba nen, Allah againafuri mene omanogo inebikhit inomame agaikharek.

KIDUNG AGUNG 2:14

Hat he an narue pel helep elekwe mene hak hilingik welagen, nen tom eil pulekwe hina'lagaikharek andi hak hilingik welagen, Helokhe re mondok fano heil alili pugunsek welagenma re, An nen hat helokhe kumut hiigik, hane hologo welagik, ugu mene namolo welagi o.

YESAYA 38:14

An nane re mondogat wonghogo pilagarik omame le'lek lagunemen, sue mulugen ane nginuk ane ugunem hangge hilinglagari'mo nen. An neilenggen pogoroba liabek-liabek he neil ou nabi'logo o, Tuhan neisena enggin mene ariba nen fikhalogo nobagain o.

YESAYA 59:11

Nit he ninailo nek a'luk ninendawimo heiselhunem welago o, niren higithogo hilingitarek mene herati lagoba nen were'ma hikhi lago lek, ninagap telhu mene faget eberek welagoba nen we tulemat hilingiti lago.

YEREMIA 48:28

Yago, hit afuni Moab mene re, hinawi kota-kota andoma herakfisaluk he, sue pim en awi wusigiluk helep eil pulerekwe wuterek hangge andoma wurogo logoni.

YEHEZKIEL 7:16

Fena fikhit he ineluk asimbik heise tomkwe andoma lambik logogun, andoma it inebe re sue pel o tonggokwe andoma nen mukhigik wulaginafunem welagarek higit asimbik logogun. Andoma mondogat he it inonggwarek inaweak hilingiti logogun andiba ambisangma heinet wati logogun.

IMAMAT 14:21

Nen, ap andi re enggi lek elagaik mene logolik halok he, obali'mo fagain mene re aren domba eak ai mene misik ekhe Tuhan faget enggi tum wat fugu mene iluk waluk waga logogin fano. Andi inom mangorogore amep lek mene fagain iluk, we satu kilo tepung fano mene zaitun amusu inom munenegengge inom, sepertiga liter zaitun amusu inom seberogo waluk waga logogin fano.

IMAMAT 14:24

Fei wagunem it imam omanogo nen domba eak a'nogo inom, zaitun amusu a'nogo inom, Tuhan obaget enggi tum warogo fugu mene andi it imam inangge aga logogin.

IMAMAT 15:14

Linggene sirek meneba re, ap a'nogo nen sue abiang ket souge mene ogo, athe sue merpati ket souge mene ogo pirerogo waluk it imam inambit o Tuhan Awi Sabumo omanogo wogisa waga logogun.

IMAMAT 5:7

Oba nen he, ap weak hilingisigin mene a'nogo nen aweak leget fouwageluk anggo domba inom, kambing inom, mondogat lek halok he, aren sue muluk agun agwe wuthogo inom, nen sue abiang hak mene eil kuluk mene waluk we'luk he, misik ekhe re aweak leget fugu mene faget, nen misik ekhere warogo nolhuba andoma nolhu mene faget, waluk waga logogun.

BILANGAN 6:10

Inenggi sirek meneba re aren sue muluk hak mene hea, athe yalma hak mene hea, ebe pirerogo waluk he, imam ambit Tuhan Awi solombonma omanogo fei waga logogin.