IMAMAT 14:20 - Allah Wene Fano Wene Hupla Inane

²⁰ Wat fuluk, amep lek mene noluageluk fei wagu mene omanogo inom mezbah amboloba nolhi logogin. A'nogo hilingisigin oba at imam en ap a'nogo ebe fano horek logouwageluk hilingisogo fagain andi.

IMAMAT 14:20 ပူးပေါင်းရင်းမြစ်များ

IMAMAT 14:10

Linggene inenggi 8 meneba re, ap a'nogo nen domba ai mene pire inom nen he mene misik umur satu tahun oba mene ebeba agambut palek lek mene halok waluk wesigin. Andi nen fena re zaitun amusu sepertiga liter inom, tepung zaitun amusu inom munenek engge 3 kilogram inom waluk wesigin.

IMAMAT 14:8

A'nogo hiling fuluk ap a'nogo asu i sobalaluk, esi mondogat palogo kume warikhi logogin. A'nogo hilingitunem at a'nogo ebe mondok pugunsek mene aga iluk o sabu wuri'mo omanogo kwi laga logogin. A'nogo kwi lagain oba nen he, o sabu sale'ma elonggoma a'nogo kwigi'lek enda'ma andoma werek kwelek enek he linggene enggi 7 nen logogin.

IMAMAT 14:9

Linggene enggi 7 nen aremnogoba re, at a'nogo esi inom, omboro inom, eil age inom, ebene omosi wulibik mene mondogat inom, palaluk, asu sobalogo kume fanorogo warugunem halok enek he, at mondogat ebeba pugunsek mene aga logogin.

EFESUS 5:2

Afuni nen yi mene ti mene Allah faget fisaluk, ebe warogo endu noletunem, Allah endawimo fanorogo amben fano mene liageti lagaukwa andi hak, at Kristus nit ninebe endawitninafikhesik he, ”It faget an nebe noasuago,” iluk anggasikheba ebe watukwa andi nen Allah endawimo fano agaikhe andi hak, nit-nit nendawi-hendawirogo hilingiti logouwogo.