IMAMAT 14:12 - Allah Wene Fano Wene Hupla Inane

¹² Fei wagunem it imam omanogo nen domba ai mene aremnogo misik ekhe inom zaitun amusu mene sepertiga liter ekhe inom waganogo obali'mo warogo noligin iluk Tuhan faget enggi tum warogo nolhi logogin.

IMAMAT 14:12 ပူးပေါင်းရင်းမြစ်များ

KELUARAN 29:22

Domba ai mene a'nogo asei inom, ageba asei werek mene a'nogo inom, elonggomanggeba asei huli'lipsek mene a'nogo inom, wam amuanggo oba nen mondok fano fikhit mene halok ogo, amuanggo pire aremnogo asei et engge inom, enggi eisok ebekwe mene inom, wanino.

KELUARAN 29:24

A'nogo waluk he, yi mene ti mene nunggungge a'nogo onggo at Harun againafuri inom inenggimo fugunem iren An nobaget wo'neti logolik nenu warogo fikhi logogun.

KELUARAN 29:26

Domba ai mene a'nogo amik andi re An nenu warek mene iluk wo'ne'no. Nen andi nek he hat hobaget mene asigin.

YESAYA 53:10

Tuhan nen anggikhi logolik, at enggin-fenggin hoak iluk anggasikhe, nen nit ninebe mondogat ninaweak hosuageluk wam warogo nolharek hak At ebeat wasuak anggasikhe. A'nogo hilingite andiba at umur uanhogo logolik at ambisangma nen tago mene eilenggen isagain, at oba nen he Tuhan endawimo anggasikhe mene a'nogo mondogat higit aga.

IMAMAT 14:10

Linggene inenggi 8 meneba re, ap a'nogo nen domba ai mene pire inom nen he mene misik umur satu tahun oba mene ebeba agambut palek lek mene halok waluk wesigin. Andi nen fena re zaitun amusu sepertiga liter inom, tepung zaitun amusu inom munenek engge 3 kilogram inom waluk wesigin.

IMAMAT 14:11

Waluk wagunem it imam en ap ebe inom, angge helaluk wesigin mene omanogo inom, waluk o Tuhan Awi Sabu sale'ma solombonma omanogo fei waga logogin.

IMAMAT 14:19

A'nogo hilingfuluk it imam en ap emerek werek mene a'nogo aweak legaphogo pugunet laga iluk wam warogo wogeti logogin. Woge'luk he, wam Tuhan endawimo agaiyeget fugu mene a'nogo warogo noleti logogin.

IMAMAT 5:15

”Nen, ap misik ekhe nen wenggelek legengge nen Tuhan obaget palfigi'lek hundik-handik fikhi logogin ilugen, figi'legengge hilingitu halok he ap andi nen fei wesigin lek mene andi higithogo fouwageluk obali'mo waluk nolesi wesigin fano. Nolesi wesigin mene andi re domba ogo kambing ogo ai mene halok misiktek higik, agap oba agambut palek lek mene halok o Tuhan Awi Sabu sale'ma onggo werek higithogo fuluk fei waga logogin.