IMAMAT 13:6 - Allah Wene Fano Wene Hupla Inane

⁶ Nen linggene sabit mene a'nogo imam en eilenggen kwelakhugunemen, agap oumo werek fikhit a'nogo mondok sayongorogo hilingla'luk ekhema yagauk walik lagi'legengge werek halok he imam en ikhi logolik, at ebe mondok horek werek ikhi logogun. Nen ebeba oumo ou werek mene andi re mondok hokho mene anggikhi logogun lek. Ap andi mondogat a'nogo hilinglagu halok he aren asu sobalaluk ebe pugunhogo fakhikhi logogin.

IMAMAT 13:6 ပူးပေါင်းရင်းမြစ်များ

1RAJA-RAJA 8:38

inane yagahetunem hesanggo holhi logoino o, neisena. Hagainafuri Israel mene ekhe nen inendawimo weak a'luk, inenggi o Hat faget hilingiti logogun oba yi higit lakfei we'luk kino yagahetu halok,

1RAJA-RAJA 8:45

Hat hebe pogoroba logolik, inane hesanggo holfuluk he, inomame asuagaluk homame wogisikhi logoino o, neisena.

MAZMUR 19:12

Wene andi mondogaren he, an hamingmingengge fut fouwageluk yaganeterek. An nen wene andi higithogo hilingisigin halok he onggo hokho mene nobagaikhemo werek.

AMSAL 20:9

Afuni nen ikhi logolik, ”An he weak oba nen fikhalogo wulibi wagiri'more nendawinggenma mondok horek welagi,” iluk ikherek mene ekhe werek nogo?

PENGKHOTBAH 7:20

Kweangma yoma re ap obabut mondok fano mene ekhe werek lek, fano mene nek hilingiti logolik weak mene ekhe hilingiti'lek welagaikharek mene werek legat.

YESAYA 42:3

Findayo oak kwanirek mene halok Aren sombologo hugisagain lek, esage amulok endebat ibilik werek mene andi nagul figik igin mondok legaro. At obabut fano enago logolik, wene higithogo pilingisikhi logogin.

IMAMAT 11:40

Ap en warek fili andi waluk lagu halok ogo nen nagain halok ogore asu i sobalagain oba nen he, ebere emerek werek kwelek enek mo ubuk ikhi logogin.

IMAMAT 13:2

Ap misik mene ekhe agap oba oumo tuk-tugengge inom, purak inom, hul-hulengge oba agunem oumo hokho asuhak halok he, ap andi weak-weak waluk it Harun ambisangma mene imam omanogo inambit waga logogun.

IMAMAT 13:5

A'nogo foumo were'ma linggene 7 mene a'nogo re it imam en nekhengge kwelakhikhi logogun. Kwelakhugunemen ambi oumo a'nogo ukwalik lagi'lek we nekhema aremnogo nek hilingik were'ma hambik halok he, ap a'nogo nekhengge enggi 7 hari nenat ekhe inom ale'ma logouwageluk yagasugun.

IMAMAT 13:7

Oba nen he imam omanogo nen ap yi ebe pugunet laga ugunemen, ou a'nogo nekhengge yagauk walhugu halok ap a'nogo nen weak-weak imam were'ma inambit yagaisa waga logogin.

IMAMAT 14:8

A'nogo hiling fuluk ap a'nogo asu i sobalaluk, esi mondogat palogo kume warikhi logogin. A'nogo hilingitunem at a'nogo ebe mondok pugunsek mene aga iluk o sabu wuri'mo omanogo kwi laga logogin. A'nogo kwi lagain oba nen he, o sabu sale'ma elonggoma a'nogo kwigi'lek enda'ma andoma werek kwelek enek he linggene enggi 7 nen logogin.

ROMA 14:1

Hinerugwi hinagaila'lak ekhe inendawinggen Allah oba furogo himbiret figi'lek oanat werek mene andi, it inobabut he, ”Yi'nogo hilingisugun, ti'nogo hilingi sugun,” iluk agarek mene andi faget wenagisigi'legat woginafi logoino o.

2 KORINTUS 7:1

Halok he, nerugwi nagaila'lak. Hinebe nendawi e. At Allah nen a'nogo logogun iluk abok yaganisasikhe andi nen, ninebeba nen, ninendawinggen oba nen, weak hilingitorek mene andi, fanorogo horogo herakfisouwogo. A'nogo herakfisambik, Allah ebe ninailo logolik he, ninebe at faget fisaluk logouwogen, ninendawinggen katokhogo wurigerati logouwogo.

ULANGAN 32:5

A'nogo meneat he, hit hinunggulenu yi mene, at oba lombokhogo, logou hinabit welagep, hinebe at againafuri logou hinobabut he, lek. Hinunggulenu yi mene, weagenek hilingiti lagep mene, kwanirogo hilingiti lagep mene.

IBRANI 10:22

At ebe andoma were'ma, nit ninendawimo nen he, ”Nit weak hilingito,” iluk ninendawimo menenei ebetorek mene fano hotninafik, ninagap ebene i elokhonggen fano meneba sobalninafik, isikhe andi nen he, ninendawinggen misigat at oba himbiret fuluk ninailo lekhogo, at oba horokhogo kwikhi logouwogo.

YAKOBUS 3:2

Nit afuni mondogat fano hilingiti lago iluk yi mene ti mene faget, weagat hilingitorek andi. Meneat he, sa nen aneba nen wene weak mene ekhe igi'lek fanorogo nek ikherek halok he, enggi eisok ebe mondogat fanot fikhi logolik endawinggen lambukhogo wurigat werego.