IMAMAT 13:45 - Allah Wene Fano Wene Hupla Inane

⁴⁵ Ap misik ekhe agap oba ou purak henanggo mene hilingik werek halok he, aren asu tilip higik lagu mene laberaluk, esi ogo enggen isuageluk herak fisugunem pi we'luk elokhe sebelogo a'ma fikhit sali pi wagu halok, ”Emerek mene! Emerek mene,” iluk ane kwerik nikhi logogin.

IMAMAT 13:45 ပူးပေါင်းရင်းမြစ်များ

MIKHA 3:7

It ap ekhe wene hobuk hilinglasigin mene iluk yagaisagarek mene andoma inom, nen it ekhe inendawinggen wenggelasuageluk ekhe mene-ekhe mene hiligitarek mene andoma inom he, hobuk Allah nen it inoba ane onggo yagaisagain mondok lek andi nen he, inenggali asimbik inelha pigin o.

IMAMAT 10:6

A'nogo hilingitukwasik at Musa nen Harun inom amlogomi inebe pire inenu Eleazar inom Itamar inom inoba yagaisikhi logolik, ”Hit hinendawi ou en hinesi salogo hinasu pelagi su igisogo fong wasu fuk. Hit a'nogo hilingisugun halok he hit hinomat wa'lasugun, nen it afuni Israel mene mondogat ogo Tuhan nen a'mage inoba fagainat. Oba nen he, it afuni Israel mene fenakwe nek he it andi Tuhan agandou en inoate mene andi faget fong wasuak.

YEHEZKIEL 24:17

Haren heilamusu lilogo pelafunem ekhe holinogo. Hat hebe pelagi logoligen heisok sepatu kwelabek legengge inom, hunggul topi ugu legengge inom he la fuk. Nen ekhe haren ogore helokhe salu fugat, hambe heang logolik roti na fugat,” iluk yaganete.

RATAPAN 4:15

Afuni nen ikhi logolik, ”Hit he hinebe emerek welagep, nit senisugu lek, yoma nen sugulogo lani!” iluk agarek. Ma re it inebe o leil warik it inunggulenu lombok werekwe omanogo nen it inunggulenu ekhe mene werekwe lili'lagwiba nen, ap misigen iluk ekhe yoma femhogo logoni, iluk yagaisili'lagwi lek.

LUKAS 17:12

Pikhi logolik, o sili ekhe kwi lagunem he, ap inebe 10 nen inoumo henanggo inailo mene inebene welagaikhe mene nen ineilenggen Yesus yethasukwasik he, inebe yatma andem menlasi wagaukwasik logolik, mel yagatukwa,

YEHEZKIEL 24:22

Ariginumo re hiren ogo hobuk An nen yogondak higi andi hakhogo hogoin aro. Hit hinelokhe huli'lip esugun lek, nen roti inambe heang logolik nenggarek mene nogoin legat.

IMAMAT 21:10

It Imam Agung inoe lego mene andi re su imam en labetarek mene a'nogo labetfuluk amusu unggulkwe warogo menfoumo re, aren fong warogo hakhogo asu tiliphogo herakfigi'lek esi feisalhi'lek hilingiti logogin lek.

LUKAS 5:8

A'nogo hilinglasigeluk isikhemo, at Simon a'nogo Yesus eilhanem eindep awi yagaisogo soma isikhesik he, ”Noe e! An weak hilingitirek mene yi re, yoma nobagaluk lan o,” iluk yagatikhe.

YESAYA 64:6

Nit afuni ninebe mondogat he emerek mene nek hilinglagosik welago andiba re, niren fano mene hilingiti lago meneba nen ogore mondok weak hilingi'mo elokhe mondok weagat andi. Engga puk agunem sogoien furogo waluk lagarek andi hak, nit ninobabut weak mene nek hilingitorek andiba ninebe mondok lek asugun andi.

YESAYA 6:5

A'nogo hilingigen he an nen ikhi logolik, ”Egi, an nambeba re weak mene nek ikhi lagi, nen nebe ogore afuni ineranen wene nek agarek mene omanogo inanggele'ma welagi hilingi'mo re, weaget nabiginat higi! iluk ebetirigen, ariginik welagiba nen At Tuhan Omame Mondok Hokho logolik, ebe Raja werek a'nogo an neilenggen nen tukhumhogo arat higi omare agwi,” iluk igi.

MAZMUR 51:3

Neisena Allah hendawitnabin o. Hendawitnafu mondok welagendek andi nen, hokhorogo hendawitnabino o. An weak hilingiti mene, nendawimo eberek mondok logolik, fakhogo figi andi nen he, mondogat weak hilingiti mene andi, sebelogo legetfisambik horogo nobagain o.

YOEL 2:13

Hiren he, ”Nit weak hilingito iluk hinasu tilibesu fugo, oba nen he hinendawimo warano,” iluk yagaisasikhe. A'nogo yagaisasikhemo, an nen he, mel yagaisigi: ”Hineisena Tuhan Allah andi re obabut sakhorek logolik endawirinafik, a'mage weak-weak lagagi'lek welagik, wene weak mene inoba figi'lek weak hilingitarek mene sagalogo herakfisigik, ikherek andi nen he, hinendawimo waraluk, hinebe hinelokhe hebelogo At woge'luk logoni o.

YEREMIA 36:24

A'nogo hilingitunem at Elnatan inom, Delaya inom, Gemarya inom he, ineisenaba a'nogo hilingitu lek iluk kini wani agama nen he at raja nen it inane holhi'legat hilingite. At raja ebe inom nen it yabu legoma hilingitarek inaben inomen he buku a'nogoba palek mene inesanggo holha mene omanogo faget inailoratik, nen inendawimo warigik, hilingitarek mene omanogo a'nogo ekhe hilingita lek.

YEREMIA 3:25

Enggere nit hilingito mene andi faget ninenggali agik, inal ngesukum wat ninobagagik, ugun andi re fano aro. Andi re niren inom nit ninombawi lagen inom nineisena Tuhan Allah a'nogoba weak hilingiti logolik, At awene melalek omanogo hologo hilingiti lago lek andiba ikhi lagebo,” Iluk ikhe.

AYUB 42:6

Andi nen he, an nane igi mene mondogat nendawimo ebethaluk he, nenggali ari'lago. An nendawimo nen he, Nane weak igimo, iluk anggigirik he, nebe kweang alolongengge oba inom, wul oba inom hurek welagi o, neisena,” iluk yagatikhe.

AYUB 1:20

A'nogo yagatukwama, ”At Ayub endawimo weak agasik hilingite,” iluk inendawi wenggelasuagaluk, asu laberek mene tilibisigik, esi palisigik, isikhesik he, Allah fogerasigeluk kweangma eindep awi yakfilik, mel isikhe:

2 SAMUEL 13:19

At hele Tamar a'nogo re asu jubah a'nogo tilip-talaphogo lakfisasikhesik he wul unggul oba yugul fesikhesik, enggi pire nen elokhe salogo le mondok weakhogo le arik lagaikhe.

KEJADIAN 37:29

Helaluk lagaukwama, at Ruben pogolema a'nogo eilenggen ha lagaikhe re, Yusuf ebe le'ma hasikhesik, endawi nen he asu libilogo lakfisasikhe.

YESAYA 52:11

Yago, hit Allah awi elonggoma hilingitu mene waluk logoin mene re, o kota Babel andi herakfuluk wulibi lani o! Yi mene ti mene emerek mene andoma re hinenggi fakhagubo, hit lagi'lek logolik hinebe tak tegelogo fakhani.

IMAMAT 13:44

ap andi unggul oba ou henanggo werek, iluk imam en ap yi emerek logouwak, yagati logogun.

2 RAJA-RAJA 7:3

A'nogo isukwa andi sambul he, ap inebe enggaminogo mene inebene inoumo henanggo inailo mene, o kota Samaria leget pa'leget ambe palek abel endakwe andoma welagaukwa. A'nogo logolik, it-it mel isukwa: ”Nit elalinat o yoma hurek-hurek ninebe arat wa'lasugun andi re nenahalok nogo?

BILANGAN 5:2

”Wene melalek yi afuni Israel mene inoba yagaisano: Afuni inebe mondogat andoma ou inagap ebene purak weak mene hikhi logolik halok ogo, athe inagap inenggalimo mene andoma inoumo logolik halok ogo, nen ap warek fakhogoin halok ogo re, it afuni andi mene mondogat he it Israel mene inawi sabu sale'ma omanogo nen enda'ma wulak fisikhi logogun.