IMAMAT 13:4 - Allah Wene Fano Wene Hupla Inane

⁴ Oba nen he, agap ourek fikhit a'nogo kut hilingi'mo nen agap fena fikhit oumo werek oba aremnogo we agap oba hak hilingi'mo, oumo hilingik oba andem omosi ogo kutsek lek halok he, ap andi ebe waganogo ale'ma logouwageluk foumo, enggi 7 hari nen logogin.

IMAMAT 13:4 ပူးပေါင်းရင်းမြစ်များ

YEHEZKIEL 44:10

Tuhan ane an noba ikhi logolik, ”An nen ap Lewi mene unggum wogisagain andi re it ap Israel mene ekhe An heraknobagaluk tugwi kembu fogerari'lagwi mene andoma inomat mangorogo unggum wogisagain.

IMAMAT 13:11

Nen ap andi ou enggin mondok hokho mene oba logogin andi nen he, at imam en ap yi emerek logouwak iluk, yagati logogin. Nen, ap andi ou andi mene oba enegat were'ma re at mondok emerek werek kwelek, hebe hale'ma logoin, iluk yagati logogun lek.

IMAMAT 13:25

it imam en ineilenggen kumuthikhi logogun. Kumut hugunemen agap amu kwe omanogo fanore'ma nen oumo werek oba a'nogo elonggoma nilik kuluk omosi oumo werekwe omanogo inom kuthogo hilingik halok, oumo endu nen nolek mene andi henanggo mene oba asi wagama iluk imam en ap yi emerek logouwak, yagati logogin.

IMAMAT 13:26

Oba nen he esi oumo were'ma andoma kutsek le'ma nen, nen oumo a'nogo elonggoma nilik kwigi'le'ma nen agap fenakwe hilingik hakhogo hilingi'mo nen, we endebengge amulitsek halok, ap andi ale'ma hup enggi 7 nen logouwageluk yagati logogun.

IMAMAT 13:3

Waluk wagunem imam omanogo nen ap a'nogo agap oba oumo werek fikhit a'nogo ineil kwelakhugunemen omosi kuthogo hilingi'mo nen oumo werek oba aremnogo nek he elonggomaat nilik kwikhemo halok he, ap andi ou mondok engginsek anggikhi logogun. A'nogo anggugunem imam en ap yi re yogondak emerek logogin yagati logogun.

IMAMAT 13:31

Nen, imam en kumut hugunemen ou oumo werek mene andi re agap amukwe omanogo higithogo were'ma elonggoma nilik kwigi'lek, oba nen he, esi ogo, omboro ogo fano ket mene wulife lek halok he, ap andi hup enggi 7 nen ale'ma logouwageluk yagasugun.

IMAMAT 13:5

A'nogo foumo were'ma linggene 7 mene a'nogo re it imam en nekhengge kwelakhikhi logogun. Kwelakhugunemen ambi oumo a'nogo ukwalik lagi'lek we nekhema aremnogo nek hilingik were'ma hambik halok he, ap a'nogo nekhengge enggi 7 hari nenat ekhe inom ale'ma logouwageluk yagasugun.

IMAMAT 13:50

Yi mene ti mene omanogo imam en ineil kwelakhaluk he waganogo ale'ma hup inenggi sabiren logouwageluk fikhi logogun.

IMAMAT 14:38

it imam omanogo nen o a'nogo herakfisamo inenggi 7 nen kwe yagarogo logogin.

BILANGAN 12:14

Yagatikhemo Tuhan nen onggo ikhi logolik he, ”Eisena nen elokhonggen oba wesibak sup helep halok he, linggene sabiren andem oba at enggalirogo logoilep lega? At ebe o Sabu salek oba andoma nen ale'ma logouwageluk wulak fisano. Nen andi mondogat hilingfuluk enek he at nekhengge kwi wesigin fano,” iluk yagatikhe.

BILANGAN 12:15

A'nogo isikhemo re, at Miriam a'nogo waganogo enda'ma linggene sabiren logouwageluk wulak fisa lagaukwa. Nen it afuni a'nogo re o omanogo nen waganogo ale'ma lagi'legengge werek kwelek enek, he Miryam a'nogo nekhengge o sabumo omanogo kwi wesu higit agaikhe.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

ULANGAN 13:14

A'nogo ugunem inane nen iluk waluk ugu mene holhaluk he ero mondok fanorogo pilingi'no. Pilingitunemen ambi kwanirek mene andi ebe aga halok,

1 TIMOTIUS 5:24

It ekhe weak hilingitarek mene andi wene inoba figik, kotik, agarek oba oan lagi'le'ma, weinam agarek andi. Nen, it ekhe weak hilingitarek mene sebelek logombigen hobuk weinam asigin mene werego.