IMAMAT 13:3 - Allah Wene Fano Wene Hupla Inane

³ Waluk wagunem imam omanogo nen ap a'nogo agap oba oumo werek fikhit a'nogo ineil kwelakhugunemen omosi kuthogo hilingi'mo nen oumo werek oba aremnogo nek he elonggomaat nilik kwikhemo halok he, ap andi ou mondok engginsek anggikhi logogun. A'nogo anggugunem imam en ap yi re yogondak emerek logogin yagati logogun.

IMAMAT 13:3 ပူးပေါင်းရင်းမြစ်များ

KEJADIAN 13:3

A'nogo waga logolik, o Betel lagaluk, o ekhema nen ekhema kwigik wagaikhe. A'nogo waga lagaikhesik, o Betel honggolek Ai honggolek higit lagaikhesik he, attak o sabu su mene wutikhesik, yi mene ti mene Allah faget warogo endu noleti logogun oba obalik wutikheba a'nogo lagaikhesik, Allah fogeratikhe.

YEHEZKIEL 16:30

Tuhan Lego Mondok welagarek mene a'nogo ane ikhi logolik, ”Haren hilingiti lagen mene andoma mondogat he, hemi yanani hilingitarek mene nen inenggali lek hilingirik nikharek andi hangge hilingiti lagen o.

YEHEZKIEL 44:23

Ap imam mene nen he afuni An nagainafuri yagaisikhi logolik halok he ki mene An nobaget tegelek werek, nen ki mene lek iluk fanorogo penetik, nen ebe weneba re ki mene horek mene werek, nen ki mene emerek mene werek iluk peneti logouwageluk yagaisikhi logogun.

HOSEA 7:9

Iren unggulenu amu mene inom seberi'lagwi andiba re it inomame lek ari'logo mene a'nogo futfili'lagwi lek. It ineluk logogun mene faget mondogat ambisangma asi weri'lagoba nen, it he inonggorengge wonghogo werek.

IMAMAT 10:10

Nen, hiren Allah faget enekhogo werek mene inom, hesangge werek mene inom, weak mene inom, fano mene inom, andi furogo penhaluk hilingiti logogun.

IMAMAT 13:10

Waluk wagunem imam omanogo nen kwelakhugunemen, ap a'nogo agap oba kurele walogo firi'mo nen, oumo purakhogo omosi kut sek halok he, ap andi ou henanggo mene oba werek iluk anggikhi logogun.

IMAMAT 13:2

Ap misik mene ekhe agap oba oumo tuk-tugengge inom, purak inom, hul-hulengge oba agunem oumo hokho asuhak halok he, ap andi weak-weak waluk it Harun ambisangma mene imam omanogo inambit waga logogun.

IMAMAT 13:20

It imam en kwelakhugunemen, ap a'nogo agap ebene fano werek kwelek, oumo werek oba aremnogo elonggoma nilik kugunem omosibene kut-kurengge hilingik halok, pot a'nogo ero re oumo purak henanggo mene hilingite iluk, ap yi emerek logouwak, yagati logogun.

IMAMAT 13:4

Oba nen he, agap ourek fikhit a'nogo kut hilingi'mo nen agap fena fikhit oumo werek oba aremnogo we agap oba hak hilingi'mo, oumo hilingik oba andem omosi ogo kutsek lek halok he, ap andi ebe waganogo ale'ma logouwageluk foumo, enggi 7 hari nen logogin.

IMAMAT 13:8

A'nogo yagaisa wagunem, imam en ineil kumut hugunemen he eberogo ou a'nogo ebemarek halok he, ap yi ou enggin hokho mene hilingik iluk, ap ebe a'nogoba at ebe emerek logouwak ikhi logogun.

IMAMAT 14:37

Oba nen it ap imam omanogo nen kwelakhugunemen elokhe hal-hali warogo mep sagalogo hilingi'mo nen o hobat elonggoma waluk ku hak obabut hilingik halok,

IMAMAT 14:54

Afuni inagap oba inoumo purak henanggo faget inom,

IMAMAT 5:3

Ap ekhe nen wenggelek legengge nen, afuni inoba mene enggi senhalugen, hobuk endawimo wenggelogo wagunem an weak hilingiti higi iluk eberogo wagu halok.

HAGAI 2:11

Aren yagaisikhi logolik, ”Wene andi faget he it imam en sikhiphogo paluakhogo yagaisan o:

MALEAKHI 2:7

It imam andi re An Tuhan Lego Mondok welagirek mene a'nogo nobaget wene eberogo mene nek yagaisikhi logouwageluk werek. It andi re, An nen lakfisa waga lagi mene hilingi'mo re, it afuni holhu mene nen he An nendawimo anggigirek mene a'nogo inelu asuageluk he it imam andi inoba heinok woginabi loageluk werek.

MATIUS 16:19

O Allah awe a'ma hinobagagin oba mene a'nogo kwe hutu mene enggen hat wokhesigin o. Haren kweangma yoma mene faget hilingisigin lek, iluk wene palhen halok he, pogoroba mene nen wene palhe hagat igin o. Nen, haren kweangma yoma fano hilingisigin iluk egen halok he, pogoroba mene nen ogo fano ikhe hagat igin o,” iluk Petrus yagatikhe.

YOHANES 20:23

Nen, hiren afuni weak hilingitarek mene sebelogo legetfisegep halok he, at Allah nen sebelogo legetfisagain aro. Nen, it afuni ekhe weak hilingitarek mene, hiren sebelogo legetfisegep lek halok he, at Allah nen sebelogo legetfisagain legaro,” iluk yagaisasikhe.

KISAH PARA RASUL 20:28

Wam domba wam kwalogo welagaikharek andi hak, hiren Allah againafuri kwelaginarek logouwageluk, at Areagun en hinayonggo fesikhemo, kwelaginarek logolik he, hinonggwarek hinebe hebelogo logoino o. A'nogo hinebe hebelogo logolik he, Allah againafuri yoma, at onggwarek amlogo amep oba woginafikhemo inebe at onggwarek againafuri werek, iluk fanorogo kwelaginarek logoino o.

ROMA 7:7

Andi halok he, niren ninggi'nogo ugun. Wene Allah nen komotninafikhe wene andi weak ugun nogo? Mondok lego. Mene re, wene a'nogo komotninafi'lek logoilepma re, weak hilingitarek andi ninggi'nogo heat, nonggorat logoile o. Allah nen wene komotninafikhe wene andiba ikhi logolik he, ”Afuni ekhe inagarek mene, Namolo e, iluk hinendawimo anggagubo,” iluk igi'lek logoilepma re, afuni ekhe inagarek mene, namolo e, anggigirek andi nonggorat logoile o.

1 TIMOTIUS 1:20

It weak a'nogo hilingitarek andi, inebe ekhe re, Himeneus Aleksander emberegen Allah abok weak palhi lagaikhama, hobuk inobabut hebelasimbik weak hilingiti'lek kamo uageluk inebe Iblis wogetimo werek andi.

2 TIMOTIUS 3:13

Weagetninafu kwelegat, it ekhe weak hilingiti logolik lalinabi'lagwi mene andi, it ekhe nen lalinafunem, iren onggo-onggo lalinafigat ikhi logolik, weak arik-arigat hokhorogo weak asugun andi.

IBRANI 13:7

Hinogogwi attak kwelakhinarek welagaukwa mene nen, Allah ane yagahisasukwa mene andi, inoba eberek logoino o. It inendawinggen Allah oba himbiret fuluk, inebe ineluk logolik inom, wa'lasuogeluk inom, hilingiti lagaukwa mene andi futfuluk, hit it inobabut waganogo hinendawinggen Allah oba himbiret fikhi logoino o.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.