IMAMAT 12:6 - Allah Wene Fano Wene Hupla Inane

⁶ Nen, he andi aren omalik abengge ogo helengge ogo takhagain halok ogo at emerek logogin mene a'nogo re mondogat lek asi lagu halogen, he a'nogo nen Tuhan faget wogetungge waluk it imam inambit o Tuhan Awi solombonma omanogo waga logogin. Nen aren Tuhan faget waluk waga logogin mene andi re nolengge noletu mene iluk domba eak tahun misik oba mene inom, nen aweak leget fisoageluk he sue merpati ket souge mene ogo, abiang ogo waluk waga logogin.

IMAMAT 12:6 ပူးပေါင်းရင်းမြစ်များ

KEJADIAN 15:9

A'nogo heinok wokhasikhemo re, At Tuhan nen he, onggo yi'nogo yagatikhe: ”Haren An faget he, wam sapi holou mene ekhe, kambing holou mene ekhe, domba ai mene ekhe, ebe lombok he, ebe umur 3 tahun mene halok wanhi logolik he, sue abiang hangge ekhe inom, nen pel eak hangge ekhe inom, wendeberogo wanin o,” iluk yagatikhe.

IMAMAT 12:2

Afuni inunggulenu Israel mene nen halok, he misik ekhe nen omalik abengge takhugu halok he, linggene 7 nen andi re he andi amep lagunem werek higithogoat at ebe emerek logogin.

IMAMAT 12:5

Nen, he ekhe nen at omalik helengge takhagain halok he at enggi 14 harinen at amep laga logolik logogin andem enggi higithogo logogin.

IMAMAT 12:7

Waluk wagunem it imam en he a'nogo ebe emerek werek mene a'nogo faget enggi sabul horogo iluk Tuhan wogetunem at ebe horek mene aga logogin. It hemi nen ineagwi takhaluk halok hilingiti logogun menere andi.

IMAMAT 14:22

Ekhe ap andi nen sue merpati a, athe sue abiang a, pire waluk we'luk he, misik ekhere inaweak leget fisoageluk faget, nen ekhere Tuhan endawimo agaiyeget fugu mene faget waluk waga logogin.

IMAMAT 15:14

Linggene sirek meneba re, ap a'nogo nen sue abiang ket souge mene ogo, athe sue merpati ket souge mene ogo pirerogo waluk it imam inambit o Tuhan Awi Sabumo omanogo wogisa waga logogun.

IMAMAT 15:29

Wela'lugen enggi 8 meneba halok enek he aren sue abiang ket souge mene ogo, athe sue merpati ket souge mene ogo pirerogo waluk o Tuhan Awi Sabumo solombonma omanogo it Allah elokhoma hilingitu mene wogisa waga logogun.

BILANGAN 6:10

Inenggi sirek meneba re aren sue muluk hak mene hea, athe yalma hak mene hea, ebe pirerogo waluk he, imam ambit Tuhan Awi solombonma omanogo fei waga logogin.

LUKAS 2:22

Enu arat salhukwasik he, Allah nen attagat Musa yagatikhemo, aren ikhi logolik he, ”Hemi ineagwi taginapluk he, nogo inenggi a'nogo ilugen kwe wulibugun o,” iluk isikhe mene higithogoat, nogo a'nogo iluk he, omalik ketago a'nogo nineisena Tuhan Allah wogosuogeluk waluk o Yerusalem wagaukwa.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

IBRANI 7:26

Nit ninendawimo nen he, ”Ap ekhe Allah eisewerek nit faget fano katokhogo yi'nogo kain logolik hilingiti logoilebe,” iluk anggogorek mene, Allah nen ninoe Yesus andiat menfesikhemo werego. At obabut he, weak ekhe hilingiti'lek, fano tegelek mondok were'ma, afuni weak hilingitarek mene inendawimo nen tegelogo pogot abel ponggwe po'lima liakfesikhemo nit faget werego.