IMAMAT 11:8 - Allah Wene Fano Wene Hupla Inane

⁸ Wam andi re saliogengge mene hilingi'mo eino inom na fuk nen ebe warek mene ogo sen ha fugat.

IMAMAT 11:8 ပူးပေါင်းရင်းမြစ်များ

YESAYA 52:11

Yago, hit Allah awi elonggoma hilingitu mene waluk logoin mene re, o kota Babel andi herakfuluk wulibi lani o! Yi mene ti mene emerek mene andoma re hinenggi fakhagubo, hit lagi'lek logolik hinebe tak tegelogo fakhani.

HOSEA 9:3

Yago, hit afuni Israel mene re kweang hineisena Tuhan nen wokhisasikheba andoma femhogo logogun lek. Hit mene fena re nekhengge sugulogo o Mesir logoin, nen fena re o Asyur oba andoma nen nunggunggere saliogengge mene omanogo ninggi logogun.

IMAMAT 11:7

Wam he na fugat. Wam he eisok segelet aksek oba nen at amburu naluk nekhengge luk hemelogo hobuk ninggerek le'mare, wam andi re saliogengge mene werek.

IMAMAT 11:9

Hit he yi ikan ti ikan amurul wilibik mene inom afunggu werek mene inom yinik hunik mene andoma ninggi logogun fano.

IMAMAT 5:2

Ap ekhe nen wenggelek legengge nen wesa mene ekhe paik fili hea, athe wam fili hea, ekhe senhikhe halok he ap a'nogo ebe alomarogo fakhalugen at hobuk endawimo wenggelogo waga halok.

MATIUS 15:11

”Wene igin yi hit futfobagaigen he, hinesanggo fanorogo holini o. Yi mene ti mene inambe nenggarek mene andi nen inebe weagerinaferek lego. Mene re, inambeba nen wene agarek andibaat weagerinaferego,” iluk yagaisasikhe.

MATIUS 15:20

Wene inendawimo nen kagalogo lagai wagarek andi nen inebe weagerinaferek. Mene re, inenggibene sobalhi'lek sumburu nenggarek andi nen weagerinaferek lego,” iluk yagaisasikhe.

MARKUS 7:15

Afuni re, yi mene ti mene inambeba nen inalabutmo pelafarek mene andi nen, weagerinaferek he lego. Wene inendawimo nen kagalogo lagai wagunem agarek mene andi nek he, weagerinaferego.

MARKUS 7:18

Heinok wanhukwama re, aren he, mel yagaisasikhe: ”Hit ogo re, it hinom higirat wene andi futfigi'lek welageba? Yi mene ti mene inambema kwelafu halok inalabutmo pelafunem weagerinabigin lego, iluk futfigi'legat welagep higi.

MARKUS 7:2

Lagai wagaukwasik logolik, it Yesus agoromi ane wanhi lagaukwa mene omanogo ekhe, afuni inenggibene sobalharek andi hak sobalhi'lek sumburu hesanggeat nunggunem he, ineilenggen isasukwa.

KISAH PARA RASUL 10:28

Eilenggen isasikhesik, mel yagaisasikhe: ”Nit afuni Yahudi mene nen hit afuni endakwe mene ninom hunetik, nit hinoba kwigik, ugun lek iluk wene palek welagarek andi hinelu o. A'nogo meneat he at Allah nen, afuni ekhe mene andi hinom mangosu fuk, it andi wesa mene iluk ugun lego, iluk yaganetemo re,

KISAH PARA RASUL 15:29

Tugwi kembu harenggen oba himbirik logolik anggo waretarek mene andi kurik nogoin lek. Mep nogoin legat. Yi mene ti mene alonggop perelogo warek mene andi nogoin legat. Pailak fakfisogoin legaro, iluk wene palho. A'nogo hilingiti'legat kamo egep halok he, hit fano hilingiti lagep iluk ugun andi. Wene andiba arat yagahisogo. Nerugwi nagaila'lak,” iluk lisu palogo lakfisa wagaukwa.

ROMA 14:21

Haren he, wam kurik ninggik, enggen amusu ninggik, yi mene ti mene hilingitik, ugunem he, herei hagailak ekhe weak asigin andi nen he, ninggi'lek herakfisikhi logoumo fano.

1 KORINTUS 8:8

Yi mene ti mene nenggarek mene andi nen Allah oba wo'ninarek lagain lego. Nit ninggi'lek kamo ugun halok he, nongasugun lek. Nen, nogoin halok he, ekhe saburogoin legat.

2 KORINTUS 6:17

Nineisena Enupogot a'nogo nenat, ekhe mel isikhe: ”Hit hinebe it afuni ekhe inanggelekwe, welagep andi herakfisaluk he, andogorogo wulibi we'ni o. Wulibi wagunem he, an nen wokhinabumo, hobuk weak mene andi hinenggi fakha lagubo.

EFESUS 5:11

It o mum oba logolik he, fanorinabigin lek mene weak hilingiri'lagwi mene andi re, hinom lambukhogo hilingiti logogun lek. Athe, a'nogo hilingitunem fakhogo wenagisikhi logoino.

EFESUS 5:7

Halok he, hit it andi hinom misik lambulogo logogun lek.

KOLOSE 2:16

Andi nenat, it afuni ekhe nen he: ”Sumburu, i, yi mene nenggarek mene ti mene nenggarek lek mene,” igik, ”Mo yiba pugu halok, tiba lagagu halok, yi'nogo hilingisu mene,” igik, ”Tugi folelhu halok, yi'nogo hilingisu mene,” igik, ”Inenggi Allah faget weat logolik, yi'nogo hilingisu mene,” igik, ugu kwelek, hit hesangge hilingitunem wene andi mene faget wene hinoba fogoin lek.