IMAMAT 11:47 - Allah Wene Fano Wene Hupla Inane

⁴⁷ Hiren he yi mene ti mene andoma weak mene re ki, nen fano mene re ki, iluk elokhe penetik, nenggarek mene re ki, nen nenggarek lek mene re ki, iluk elokhe, penetik ikhi logoino,” iluk yagaisasikhe.

IMAMAT 11:47 ပူးပေါင်းရင်းမြစ်များ

KEJADIAN 7:2

A'nogo kwi laga logolik he, wam, sue yi mene ti mene unggulenu lomboget higik, nenggarek mene agun agwe inom wurethigik, inebe 7 nen kwelakfisikhi logolik he, nenggarek lek mene ogo unggulenu lombok agun agwe inom wurethigik ebe misiktek higik,

YEHEZKIEL 22:26

It imam Israel mene nen An nawene melalek omanogo sebelogo figik, nen yi mene ti mene An nobaget hilingitungge iluk enogo werek mene omanogo emerogo figik aga. Iren ti re fenago mene, nen ti re saliok wanu mene iluk mel peneri'lagwi lek. Iren afuni yanggulinafi logolik, yoma re saliok wanu mene, nen yoma re fenagongge mene, iluk Allah weneba melalek werek mene omanogo afuni yagaisili'lagwi legat. Iren linggene sabat sambul a'nogo sebelogo herakfuluk hilingiri'lagwi andiba re An a'nogo it ap inunggulenu Israel mene andi nen weagerogo nobagali'lagwi andi.

YEHEZKIEL 44:23

Ap imam mene nen he afuni An nagainafuri yagaisikhi logolik halok he ki mene An nobaget tegelek werek, nen ki mene lek iluk fanorogo penetik, nen ebe weneba re ki mene horek mene werek, nen ki mene emerek mene werek iluk peneti logouwageluk yagaisikhi logogun.

DANIEL 1:8

Inenu a'nogo salinafikhemo were'ma, Allah nen he, ap Aspenas a'nogo nen at Daniel ebe endawirasimbik endawi hundik hilingiti logouwageluk hilingisogo fesikhe. A'nogo hilingisogo fesikhemo were'ma, at Daniel endawimo nen he, ”An nen raja aiba mene amburu inom, agai anggur amusu ninggerek mene inom nunggunem, nebe weaget fakhigi hanogo,” iluk endawimo anggasikhesik he, ap enupogot agoromi inoe a'nogoba yagati logolik, an namburu inom, nagai inom nunggu mene re we amu mene wo'neti logogun o,” iluk yagatikhe.

IMAMAT 10:10

Nen, hiren Allah faget enekhogo werek mene inom, hesangge werek mene inom, weak mene inom, fano mene inom, andi furogo penhaluk hilingiti logogun.

IMAMAT 11:46

Eluk-elugengge yi mene ti mene sue, paik, wam, ima eluk welagarek mene inom, kweanggwe lebeterek mene inom, faget inawene melalek fesikhe mene re andi.

IMAMAT 12:1

Tuhan nen wene melalek Musa oba fesikhe mene re yi.

MALEAKHI 3:18

It An nagainafuri mene nen he it afuni inobabut fano hilingitarek mene inom, weak hilingitarek mene inom, nen An nobaget kabogetarek mene inom, kabogetarek lek mene inom, inoba agamsek logogin mene andi re hobuk neilenggen hogoin aro,” iluk yagaisasikhe.