IMAMAT 11:44 - Allah Wene Fano Wene Hupla Inane

⁴⁴ An hineisena Tuhan Allah nebe An namuat welagimo, An nebe mondok horek welagi andi hakhogo hirogo mondok horek meneat logoni.

IMAMAT 11:44 ပူးပေါင်းရင်းမြစ်များ

MAZMUR 99:5

Nit nineisena Tuhan Allah andi nek legeisogo fikhi logoni, At ebe hurek welagarek oba andoma hineindep awi yagaisogo fogerati logoni. At ebere horek mene werek!

MAZMUR 99:9

Nit nineisena Tuhan Allah ebe horek mondok werek andi nen he, At enek legeisogo fikhi logoni! Nen At andom horek meneba andoma nen hineindep awi yagaisogo fogerati logoni.

KELUARAN 16:12

”Afuni Israel mene nen wene pali'lagwi andi an arat nesanggo holhi o. An nen wogisugunem, hu'mokwe re sue ninggik, ohealekwe re sumburu roti hangge mene ninggik, inalabut ninghogo ninggi logogun o. A'nogo wogisugunem, An it ineisena Tuhan Allah nebe futnobagagun o,” iluk yagatikhe.

KELUARAN 19:10

Hat yogondak he, it inoba pin o. Pimbik he, it An fogetnabuogeluk o yogondak inom, ohealek inom, tegelogo fakhambik logouwagen yagaisano. Tegelogo filik logolik, inasu fanorogo sobalogo fakhambik logouwak.

KELUARAN 19:6

hinebe an nonggwarek faget eisewerek logolik an faget hilingiti logogun o. Wene mondogat yagaheti mene andi afuni Israel mene yagaisano o,” iluk yagatikhe.

KELUARAN 22:30

nen fena sapi, domba eagwi ai mene attak tasigin mene halok inom An wo'neti logogun. Wam eak attak tasigin mene ai mene andoma re, inenggi 7 nen andi, agaisa inom wela'luk he, inenggi 8 meneba andi nek he An wo'nesi wesugun.

KELUARAN 22:31

Hit hinebe re An nagainafuri horek logolik, hinanggo tati logogun mene andoma mene olomene nen senggelhu halok he ninggi logou fuk, meneat he, senggelek mene andoma hiren mene wogeti logoino,” iluk yagatikhe.

KELUARAN 23:25

Hiren An Hineisena Tuhan Allah fogetnafi logogun halok he, An nen hit ninggi logogun mene wokhisigik, hinagai wokhisigik, hilinghinafi logolik, Ou ero hit hinoba mene yatma hugisa laga logogin.

KELUARAN 6:7

An nen he, o Abraham inom, Ishak inom, Yakub inom, hit wokhisagain, iluk hombuk palogo wene warisasigiba andoma wokhinarek lagain o. Lambik o andoma, hit hinonggwarek faget eise mondok logobagaigeluk wokhisagain o. Hineisena Tuhan he, Anaro,” iluk yagaisasikhe.

YESAYA 51:15

An he hit hineisena Tuhan Allah at hilingik welagimo re, An nenat i laut enden-fenden isugunem esinggen founyak lenggak hikherek, An nenu re Nomame Mondok hokho mene andi aro.

IMAMAT 10:3

Wa'lagaukwama at Musa nen Harun yagati logolik, ”Tuhan nen Afuni An nobaget hilingiti logogun mene halok he, An Nebe horek welagi mene a'nogo legeisogo nobagakhi logolik fogetnafi logogun, nen An nebe nanggiluk welagi mene a'nogo afuni An nagainafuri inunggulenu mene inoba inugisikhi logogin, iluk, Tuhan nen ikhe,” iluk Harun yagatikheba nen he, at ane igi'lek wamborek welagaikhe.

IMAMAT 11:43

Hit hinonggwaregen eluk-elugengge andi mene nogoin oba emetfakhogoin andi wesa.

IMAMAT 19:10

Andi hagat, hineisena Tuhan Allah Anat andi nen, hineabu anggur yabumo, enggen attak palimbigen, fena herakfogoin mene paluogeluk hobuk hinambotkwe logoin mondok lego. Nen, enggen amu palogo pigin mene wanugun mondok legaro. We, andi mondogat afuni ap pok mene inom, inangge lek mene inom, heloagaluk herakfisano o.

IMAMAT 19:2

”Afuni Israel mene Allah nen mel ikhe, iluk yagaisano: An hineisena Tuhan Allah nebe horek welagirek andi hak, hirogo An nobaget horegat logoni o.

IMAMAT 19:3

Hineisena Tuhan Allah, An Nebeat welagimo re, An nen, yi'nogo hilingiti logoino, iluk yagahisasigi andi hak, hinebe lombok hineisugwi hinagaisawi agaugwerinafi logolik, linggene Sabat oba re, An nobaget weat logoino o.

IMAMAT 19:4

Hineisena Tuhan Allah re, Anat andi nen he, An heraknobagaluk hinendawinggen tugwi kembu oba himbiret fouwogeluk wulibugun mondok lego. Emas mene inom, perak mene inom, posie mene inom, tugwi kembu wurogo fuluk fogerati logou fuk.

IMAMAT 20:26

Hineisena Tuhan Allah re An nebeat hilingi'mo, An nebe fano horek welagi hak hirogo An nobaget fano horegat logogun. Hit he afuni inunggulenu amu meneba nen An nonggwarek nangge mene logobagaigeluk enogo hinobagasigi.

IMAMAT 20:7

An hineisena Tuhan Allah nobabut fano horek welagi hak, hirogo a'nogo logobagaigen he, hinonggwaregen ogal fakhikhi logoni o.

IMAMAT 21:8

Hineisena Tuhan nebe Anat hilingi'mo An nebe horek welagi hak An nagainafuri inom horegat logoubagaigeluk enogo fakhasigimo, it afuni Israel mene nen he imam andi re An nobaget nunggu mene warogo nolnetunem At onggwarek faget enogo fakhikhe mene iluk fageti logogun fano.

AMOS 3:3

A'nogo isikhesik, ekhe mel isikhe: ”Afuni inebe pire mene nen, Nit o andoma louwok, iluk emberek wene wati'legengge lamo re higit nogo a?

BILANGAN 15:40

Yo lalek kelhi logogun mene andi nen he, hiren An nawene melalek omanogo hologo mondok hilingiti logouwageluk ebethisikhi logogin. Ma re, hit he ibi-eberogo An nonggwarek nanggge mene asugun.

MATIUS 5:48

Halok he, nineisena Allah pogoroba mene obabut fano mondok higithogo logolik endawirinaferek hak, hit a'nogoat hinendawirinafi logoino o,” iluk yagaisasikhe.

ULANGAN 14:2

Hit he hineisena Tuhan Allah onggwarek angge mene hilingik welagep. Nen afuni inunggulenu lombok o kweangma welagaikharek mene oma nen he At Allah nen hit enek he, At againafuri asuageluk penogo hinobagaikhe o.” iluk yagaisasikhe.

1 TESALONIKA 4:7

Allah nen, nit weak hilingiti logouwageluk ninayonggo fesikhe lego. We, ninebe at onggwarek faget fisaluk, horek logolik, higithogo hilingiti logouwageluk ninayonggo fesikhe andi.

YOSUA 24:19

A'nogo isukwama, at Yosua nen he mel yagaisasikhe: ”A'nogo meneat he, Nineisena Tuhan Allah ebe horek logolik, Ami-amuat welagarek andi nen he, hiren At obaget enek hilingitu aple hilingisu elo'lek hak anggegeba? At Allah re, afuni at amingmingengge logolik, hunogoat mene amingmingengge hilinglasugun abit mondok welagarek. Hiren At kofologo herakfisaluk allah hunogoat mene ekhe amingmingengge hilinglasugun halok, Aren hit weak hilingisugun mene andi sagalogo legetfisagain mondok lego. At Allah attagat he, hit fano hilinghinafi lagaikhe meneat he, hit a'nogo hilingiti logogun halok, At ebe hit hinaselei mene hangge asimbik he, wene hinoba fuluk, hinebe mondok leget hinabigin o,” iluk yagaisasikhe.

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.

WAHYU 22:11

Yagaisugunem sa nen obabut weak enek hilingiti logogin anggikhe halok he, weak enek hilingirikhi logouwago. Nen, sa nen weak inabit mene nek hilingiti logogin anggikhe halok he, andi meneat hilingirikhi logouwago. Nen, sa nen Allah endawimo anggikherek mene nek hilingiti logogin anggikhe halok he, andiat hilingiti logouwago. Nen, sa nen ebe Allah faget fisaluk logogin anggikhe halok he, ebe Allah fagerat tegelogo fisaluk logouwago,” iluk yaganete.

1 SAMUEL 2:2

Neisena Tuhan hat hebe tegelek mandok welagen andi hak mene ekhe werek lego. We Hat hami-hamuaren hawe a'ma ninobagaluk fetninarek welagen o, neisena,” iluk yagatikhesik,

1 SAMUEL 6:20

It afuni Bet-Semes mene fong a'nogo watukwasik, mel isukwa: ”Tuhan Allah Mondok Horek logolik tegelek welagarek mene a'nogo elokhoma ap sa hagen elok mendek logogun anggegep? Nen Peti Wene Warek mene yi re nit welagoba yoma nen eil uanhogo logouwageluk koma waganogo fei louwok anggegep?” iluk isukwa.