IMAMAT 11:39 - Allah Wene Fano Wene Hupla Inane

³⁹ Ap sa nen ekhe yi mene ti mene wesa werek mene andi warek filiba senhagain halok, at andi emerek werek kwelek enek mo ubuk ikhi logogin.

IMAMAT 11:39 ပူးပေါင်းရင်းမြစ်များ

YEHEZKIEL 4:14

A'nogo ikheba nen he an nen onggo yagati logolik, ”Eige, Tuhan Mondok Lego welagen mene neisena! An nebe yenggere'ma nen pikhit yogondak welagi huli nen he nunggu mene saliok weregengge wam warek mene a, mene olomene aigando a, andomaba nen an nebeba weaget fakhigirek mene ekhe werek lego, nen nunggungge saliogengge anggagarek mene andoma an nen ekhe nunggu aplere legaro,” iluk igi.

IMAMAT 11:24

Ap misik ekhe nen eluk-elugengge ekhe mene-ekhe mene warek fili misik ekhe fakhagain halok ap a'nogo ebe emerek werek kwelek enek he, mo ubuk ikhi logogin mene re yi: Yi mene ti mene inenggi a'lip wilibik mene inom, it ineisok a'lip aksek oba nen inambe nenggarek mene nekhengge luk hemelogo ninggerek mene inom, yi mene ti mene enggi eisok enggaminogo werek oba nen kelinci enggiagut hak mene inom andoma. Mene athe, ap ekhe nen he yi mene ti mene andi mene warek fili ekhe waluk laluk halok ogo, aren asu sobalikhi logogin oba nen he at ebe nek he emerek werek kwelek enek mo ubuk ikhi logogin.

IMAMAT 11:31

Ap ekhe nen yi mene ti mene andi fakhikhe halok ogo nen warek fili fakhikhe halok ogore at ebe emerek werek kwelek enek mo ubuk ikhi logogin.

IMAMAT 11:38

Oba nen he enggen andi re i elema salfuluk were'ma nen warek fili a'nogo oba pugu halok he andi mondogat emetlasigin.

IMAMAT 11:40

Ap en warek fili andi waluk lagu halok ogo nen nagain halok ogore asu i sobalagain oba nen he, ebere emerek werek kwelek enek mo ubuk ikhi logogin.

IMAMAT 14:46

A'nogo hilingisugun lek halok he, ap misik ekhe o andi elonggoma kwi lagu halok, ap andi ebe emerek were'ma mo arat ubuk ikhi logogin.

IMAMAT 15:15

Wogisa wagunem it imam omanogo nen sue misik ekhere at aweak lek hilingisogo fouwageluk, nen ekhere aren nolengge nolhu mene iluk wogeti logogun. A'nogo hilingiti logogun oba ap a'nogo ebe pugunsek logouwageluk it imam en Tuhan elokhoma fanoet fikhi logogun andi.

IMAMAT 15:5

Ap misik ekhe nen ap ariginik mene a'nogo senhugu halok inom, at nogoguba omanogo senhugu halok inom, at hu'laguba omanogo obali'mo hu'lagu halok inom, athe wesi subet hikhe halok inom, ap andi asu sobalogo kume waraluk, at ebe emerek werek kwelek enek mo ubuk ikhi logogin.

IMAMAT 16:26

At ap wam kambing Azazel faget hele fikhalogo o leimo afuni le'ma fuluk wesigin mene andi, ambotkwe at ebe aiba o sabu su mene wuri'mo oan wagi'lek logolik, asu sobaligik, ebe kume watik, ikhi logouwago.

IMAMAT 17:15

Afuni Israel mene ogo, it pok mene ogo, misik ekhe nen yi mene ti mene amu waregengge a, mene olomene nen senggelek mene a, eino ekhe nunggu halok he, at andi asu sobalaluk ebe inom kume warogo nenangorogo werek kwelek mo ubuk ugunem enek he, ap a'nogo ebe horek mene aga logogin.

IMAMAT 22:4

It Harun ambisangma mene ekhe ou agap oba purak hangge inoba were'ma halok ogo, agap enggalimo mene ou logolik kurele wulibi wagu halok ogore, at ebe oan pugunsek yagati'lek werek kwelek aren yi mene ti mene An nobaget fei wagu mene andoma ekhe nanogo. Ap imam misik ekhe nen ap warek meneba fakhikhe halok inom, agap enggalimo meneba nen kurele wulibi wagu halok inom,

IMAMAT 22:6

Ap imam misik ekhe ero kiba nen at emerek werek halok, hilingik kwelek at emerek were'ma nen enek mo ubuk ikhi logogin. Nen, mo mondogat ubuk ugunemen at ebe kume warek lek halok he, aren wam An nobaget fugu mene andoma nagain mondok lek.

IMAMAT 22:8

Hineisena Tuhan Anat ma re, ap andi nen wam amu wa'lagu mene inom, olomene nen senggelhu mene inom andi eino iluk ogo endep ekhe nanogo. Nen, at nagain halok he at ebe emerek mene asigin.

BILANGAN 19:11

Ap ekhe nen ap warek mene ekhe enggi fakhagain halok he, ap andi ebe emerek werek kwelek enek he linggene 7 huli nen logogin.

BILANGAN 19:16

Ap ogo hemi ogo afuni nen pinggi inoatunem warek halok ogo, amu yabumo nen wa'lasigin halok ogo, andomaba fagisogoin halok he at ebe emerek werek kwelek enek linggene 7 nen logogin. Andi hak he ap wa'lagu mene inoak fagisogoin mene ogo, warek salegoba fagisogoin mene ogore emerek enek logogun.

BILANGAN 19:7

Andi hilingfuluk he imam a'nogo asu sobalhik kume watik, ikhi logogin. A'nogo hilingfuluk enek he aren o sabumo andoma kwikhi logogin, oba nen he at ebe emerek were'ma nen enek he mo ubuk ikhi logogin.