IMAMAT 11:29 - Allah Wene Fano Wene Hupla Inane

^29-30 Kweang ombaik mene inom, hokho ombaik inom, endep ombaik inom, parisok inom, yagaise ekhe mene-ekhe mene mondogat inom, Tabi hak mene enu landak inom, yibukhe inom, ilo peruk inom, sioplo inom, sogobenggen inom, mondogat andi re wesa mene.

IMAMAT 11:29 ပူးပေါင်းရင်းမြစ်များ

KEJADIAN 1:20

Hobuk Allah nen he, mel isikhe: ”Yi mene ti mene ima ineluk logogun mene inom, yirue-tirue inesi yinik-hunik kweang honggolek pogot honggolek tulemkwe tarogo nikhi logogun mene inom mondok hokhorogo hilinglasuago,” iluk isikhe.

MAZMUR 10:3

It ap weak hilingitarek mene nen he iren weak hilingisugun iluk anggagarek mene omanogo nek legeisogo fakhagarek, ap an enek anggagarek mene andoma nen he inane hombuk palogo Tuhan ninabit iluk herakhobagali'lagwi.

AMSAL 30:28

Peruk andi re afuni inenggi nen senetarek engge, oba nen ap raja ailoba andoma kwikheregat.

YESAYA 66:17

Tuhan nen ikhi logolik, ”Afuni yabu tugwi kembu obaget wurik oba omanogo logogun iluk enogo fakhaluk hilingiri'lagwi mene inom, nen it inaiba yi'nogo ti'nogo hilingiri'lagwi mene inom, nen afuni wam nenggarek mene inom, paik nenggarek mene inom, nen fena wesa mene nenggarek mene inom andoma mondogat he felelenghogo legasugun.

HAGAI 2:6

We eil misik wela'luk he An nen pogot inom, kweang inom, kweang ambuema inom ima inom mondogat erak-kwerak isagain o.

LUKAS 12:15

afuni hokhorogo omanogo mel yagaisasikhe: ”Afuni inagarek hokhorogo welagarek andiba ineluk welagaikharek lego. Yi mene ti mene an mene nek logoilep, iluk inendawimo anggikhi logoinogo iluk hinebe hebelogo logoino o,” iluk a'nogo yagaisasikhesik he,

LUKAS 16:14

A'nogo yagaisasikhemo re, it ap Farisi mene omanogo uang mondok inendawinggen hundik welagaukwasi'mo andi nen he, Yesus nen wene a'nogo ugunem inesanggo holhukwasik he, inane asegen wokhikhi logolik endo yatukwa.

YOHANES 6:26

Aren he, mel iluk yagaisasikhe, ”An nebe futnobagauwageluk elalin mene hilingitunem hineilnggen neegep a'nogo nen hera'nabik wagep fuk. Lego. Sumburu roti mene sumburogo wokhisigimo hinalabut ninghogo nenggep a'nogo nenat hera'nabik wagep hisigi o, iluk eberogoat yagahisigi.

YOHANES 6:66

Wene a'nogo ikhi lagaikhemo, at agoromi ane wanhi lagaukwa mene omanogo, inebe hokhorogoat ekhe Yesus herakfisaluk pugulhukwasik he, hobuk ombo'ne nikhi logouwogeluk, oba wagi'lek kamo isukwa.

EFESUS 4:14

A'nogo hilingiti logolik, ninobabut yenggerugwi inobabut sogoien i ha'labu funhogo lagik-wagik hilingitarek andi hak, nit a'nogo hilingiti logouwagen iluk, it afuni ekhe inobabut lagoksek mene nen ineranen meneat he, eberogoat hangge lalninabuogeluk, wene hunogo wene hobugalep yaganisa weri'lagwi andi inane holugun lek.

FILIPI 3:19

It andi inendawinggen Allahba himbirik logou meneat he, inoba agasabu agunem hilingitarek andi meneba himbirik logolik, inenggali ha meneat he, fano heaba andi fagerat inenggali lek fogerakhili'lagwi andi. A'nogo hilingiti logolik he, inendawimo nen yi namolo ti namolo, wene kweangma mene oba eberi'lagwi andi, wurep oba arat nong asuguno.

KOLOSE 3:5

Andi nen he, hinobabut hinetogat logolik, hinendawimo nen yi namolo ti namolo anggikhi lagep mene andi mondogat watfisikhi logoino o. Hinobabut andi re, pailak hilingitarek mene andi inom, inendawimo nen namolo iluk anggagarek mene andi inom, inendawinggen nenggaresik inoba aigage lagaikherek andi inom, ineilenggen yerisaluk inendawimo nen namolo e anggagarek andi inom, tugwi kembuba himbirik hak, inendawimo nen: ”Yi mene ti mene an mene nek logoilep,” iluk anggagarek andi inom, hinobabut andi mene mondogat warogo herakfisikhi logoino o.

IBRANI 13:5

Allah nen ninebe lombok faget ikhi logolik: ”An nen hat nenggi kobokhogo herakhobagagik, hebe hale'ma hobagagik igin lego,” iluk isikhe andi nen he, hit uang hinendawinggen tulemetfuluk logogubo. We, endebat werek andi, hit hinendawimo nen he, ”Yi elok werek,” iluk anggogoin o.