IMAMAT 11:24 - Allah Wene Fano Wene Hupla Inane

^24-28 Ap misik ekhe nen eluk-elugengge ekhe mene-ekhe mene warek fili misik ekhe fakhagain halok ap a'nogo ebe emerek werek kwelek enek he, mo ubuk ikhi logogin mene re yi: Yi mene ti mene inenggi a'lip wilibik mene inom, it ineisok a'lip aksek oba nen inambe nenggarek mene nekhengge luk hemelogo ninggerek mene inom, yi mene ti mene enggi eisok enggaminogo werek oba nen kelinci enggiagut hak mene inom andoma. Mene athe, ap ekhe nen he yi mene ti mene andi mene warek fili ekhe waluk laluk halok ogo, aren asu sobalikhi logogin oba nen he at ebe nek he emerek werek kwelek enek mo ubuk ikhi logogin.

IMAMAT 11:24 ပူးပေါင်းရင်းမြစ်များ

YESAYA 22:14

Tuhan Lego Mondok logolik Omame Mondok Hokho mene a'nogo nen an nelokhoma weinam agasik ane yi'nogo ikhe, ”Eberogo nen iren weak hilingiri'lagwi mene andi re An nen sagalogo leget fisigi'lek werek kwelek enek he it inebe wa'lasugun, iluk An Tuhan nen nane mondogat igi o” iluk yaganete.

IMAMAT 11:23

Oba nen he eluk-elugengge agerabul wilibik mene inom kweang kwe pililoterek mene inom enek he saliogengge mene.

IMAMAT 11:31

Ap ekhe nen yi mene ti mene andi fakhikhe halok ogo nen warek fili fakhikhe halok ogore at ebe emerek werek kwelek enek mo ubuk ikhi logogin.

IMAMAT 11:8

Wam andi re saliogengge mene hilingi'mo eino inom na fuk nen ebe warek mene ogo sen ha fugat.

IMAMAT 14:46

A'nogo hilingisugun lek halok he, ap misik ekhe o andi elonggoma kwi lagu halok, ap andi ebe emerek were'ma mo arat ubuk ikhi logogin.

IMAMAT 15:10

Ap misik ekhe nen ap a'nogo obali'mo hu'lasigin meneba endep ekhe fakhagain halok he at ebe emerek werek kwelek enek mo ubuk ikhi logogin. Nen, it ekhe nen angge a'nogo legeisogo waluk lagu halok he at asu i sobalogo kume waraluk ebe emerek werek kwelek enek mo ubuk ikhi logogin.

IMAMAT 15:11

Nen, ap agap enggalimo mene kurele wulibi waga logogin mene a'nogo nen at attak enggi sobalhigi'legengge nen ap amu mene senisugu halok he, ap aren senisugu mene a'nogo asu iba sobalaluk kume warogo werek kwelek enek mo ubuk ikhi logogin.

IMAMAT 15:15

Wogisa wagunem it imam omanogo nen sue misik ekhere at aweak lek hilingisogo fouwageluk, nen ekhere aren nolengge nolhu mene iluk wogeti logogun. A'nogo hilingiti logogun oba ap a'nogo ebe pugunsek logouwageluk it imam en Tuhan elokhoma fanoet fikhi logogun andi.

IMAMAT 15:21

Ap ekhe nen at he a'nogo amep laga logolik hurek welagaba senhikhe halok ogo, nogokhi lagaba senete halok ogo asu iba sobalaluk ebe kume warogo emerek werek kwelek enek mo ubuk ikhi logogin.

IMAMAT 15:27

Ap sa nen at obalik andiba senhugu halok he, at ebe emerek logogin. At asu iba sobalaluk ebe kume warogo emerek werek kwelek enek mo ubuk ikhi logogin.

IMAMAT 15:5

Ap misik ekhe nen ap ariginik mene a'nogo senhugu halok inom, at nogoguba omanogo senhugu halok inom, at hu'laguba omanogo obali'mo hu'lagu halok inom, athe wesi subet hikhe halok inom, ap andi asu sobalogo kume waraluk, at ebe emerek werek kwelek enek mo ubuk ikhi logogin.

IMAMAT 16:26

At ap wam kambing Azazel faget hele fikhalogo o leimo afuni le'ma fuluk wesigin mene andi, ambotkwe at ebe aiba o sabu su mene wuri'mo oan wagi'lek logolik, asu sobaligik, ebe kume watik, ikhi logouwago.

IMAMAT 16:28

It ap a'nogo nolugun mene andi, inebe inambotkwe inawi su mene wuri'mo oan wagi'lek logolik, inasu sobaligik, inebe kume watik, ikhi logouwak iluk ikhe yaga'no,” iluk yagatikhe.

IMAMAT 22:4

It Harun ambisangma mene ekhe ou agap oba purak hangge inoba were'ma halok ogo, agap enggalimo mene ou logolik kurele wulibi wagu halok ogore, at ebe oan pugunsek yagati'lek werek kwelek aren yi mene ti mene An nobaget fei wagu mene andoma ekhe nanogo. Ap imam misik ekhe nen ap warek meneba fakhikhe halok inom, agap enggalimo meneba nen kurele wulibi wagu halok inom,

IMAMAT 22:5

wam ogo ap ogo emerek werek kwelek fakhugu halok he, at ebe emerek logogin.

IMAMAT 22:6

Ap imam misik ekhe ero kiba nen at emerek werek halok, hilingik kwelek at emerek were'ma nen enek mo ubuk ikhi logogin. Nen, mo mondogat ubuk ugunemen at ebe kume warek lek halok he, aren wam An nobaget fugu mene andoma nagain mondok lek.

IMAMAT 5:2

Ap ekhe nen wenggelek legengge nen wesa mene ekhe paik fili hea, athe wam fili hea, ekhe senhikhe halok he ap a'nogo ebe alomarogo fakhalugen at hobuk endawimo wenggelogo waga halok.

IMAMAT 7:21

Nen, ap misik ekhe nen wam warogo nolhu mene a'nogo ap oba nen ogo, wam sue, paik, yi mene ti mene ogo, emere'ma senhagain mene nunggu halok he, ap andi ogo Allah amlogo mene werek he anggogoin legat,” iluk yagaisasikhe.

BILANGAN 19:7

Andi hilingfuluk he imam a'nogo asu sobalhik kume watik, ikhi logogin. A'nogo hilingfuluk enek he aren o sabumo andoma kwikhi logogin, oba nen he at ebe emerek were'ma nen enek he mo ubuk ikhi logogin.

1 KORINTUS 15:33

Afuni nen ikhi logolik: ”It ekhe inobabut weak mene hinom hunisugun halok he, hit hinobabut fano mene weak asigin o,” iluk agarek andi eberogoat iluk, hinonggwaregen hinebe lalagubo.

2 KORINTUS 6:17

Nineisena Enupogot a'nogo nenat, ekhe mel isikhe: ”Hit hinebe it afuni ekhe inanggelekwe, welagep andi herakfisaluk he, andogorogo wulibi we'ni o. Wulibi wagunem he, an nen wokhinabumo, hobuk weak mene andi hinenggi fakha lagubo.

EFESUS 5:11

It o mum oba logolik he, fanorinabigin lek mene weak hilingiri'lagwi mene andi re, hinom lambukhogo hilingiti logogun lek. Athe, a'nogo hilingitunem fakhogo wenagisikhi logoino.

KOLOSE 2:20

Hit Kristus hinom hundik logolik wa'lagagip andi nen, munggwarengge obabut weak mene kweangma yoma enggi fisogo welagarek mene a'nogo nen hinebe hele warogo fethinarek were'ma, Allah nen hele fikhalhinafikhe andi. Meneat he, hit hinobabut it ekhe kweangma inobabut inetogat logolik hilingitarek hagat hilingiti lagep andi nenahalok? It andi nen he, ”Yi mene ti mene ekhe hinenggi ninghogo fakfigik, uphogo fakhigik, ekhe enduk mikhigik, ugubo,” iluk komorinafunem nenahalok hologo hilingiti lagep?

IBRANI 9:26

Aren he, it attak hilingiti lagaukwa andi hak hilingi'lepma re, kweang elalhikhe huli nen pikhit yogondak huli, enggi hobugalep yi enggin ti enggin hikhi logolik wa'laga logoilep. A'nogo meneat he, o wurep oba nit weak hilingitorek mene legetfisageluk enggi misigam fagerat wam Allah faget waresu hak, onggwarek ebe wa'lasi wagaikhe andi.

1 YOHANES 1:7

A'nogo meneat he, Allah ebe selek oba welagarek andi hak, nit ogo re, selek oba logolik, fano hilingiti lago halok, nit-nit nagailak-hagailak ninom hundik were'ma, nit weak hilingitunem at amlogo Yesus amep oba ho'ninafu mondok welagarego.