IMAMAT 11:13 - Allah Wene Fano Wene Hupla Inane

^13-19 Yi rue ti rue andoma inanggele'ma nen saliogengge hilingi'mo ninggi logogun lek mene re yi: Sue fogonoe inom, sumu-sumu hak mene inom, sue findi-findi hak mene enu amu-amu arue inom, sue nasar inom, sue gagak inom, sue siomayo hak mene inom, sue walu hak mene amu-amu arue inom, sue kasa inom, kundik inom andoma ninggi logogun mondok lek.

IMAMAT 11:13 ပူးပေါင်းရင်းမြစ်များ

AYUB 28:7

Sue findi-findi ogore andoma kwe lare onggot, nen sue iwesagap oba nen ogore obalik andem ambolkwe ekhe tarogo lagarek legat.

AYUB 38:41

Sue pim hangge mene enu gagak andi amburu nele nen, at ninggerek mene herarik yugunat lagik, wagik ugunem, sa nen lebethikherek nogo? At eagwi amburu wogosuagaluk inane hokhorogo kino yaganetunem sa nen wogisikherek nogo?

YEREMIA 4:13

Yethani, ninaselei mene re ohena hakhogo weinam agaikha a'li. It inangge kereta weim yabuogeluk lagunem he sogoi sielu nen hilingiterek hangge, nen inangge kuda ba lagunem he sue ikwesahop he aninurogo tarogo lagarek oba nen mondok furungwarogo lagarek. Ariginik hilingi'mo re, eigei, nit he alomat ninabugun higi! Nit leget ninabuogeluk werego!

YEREMIA 4:22

Tuhan nen ikhi logolik, ”An nagainafuri andoma re mondogat kemburego, iren An fut nobagali'lagwi lek. It he omalik kembu mene hak hilingik logolik, wenggelhu mene endebat iluk ogo werek lek, inaniniba hilingisugun mene a'nogo faget enek he hibil-hebelhogo hilingiti logolik, fanorogo hilingisu mene omanogore mondogat nonghong sego,” iluk ikhe o, isikhe.

YEREMIA 48:40

Tuhan nen ikhi logolik, ”Sue kuri nen ogolabi langhogo sebeli wagarek hak, unggulenu misik ekhe nen Moab sebeligiluk wesigin.

RATAPAN 4:19

Sue rajawali nen pogotkwe tarogo lagarek andi re aninurek hak oba nen nit mu'ninarek weri'lagwi mene re mondok ferekhogo weri'lagwi. Iren he tomkwe omanogo nit mu'ninarek laluk, o leikwe omanogo nen he nit ninanggwe pali'lagwi.

HOSEA 8:1

Tuhan nen ikhi logolik, ”Ap inaselei mene re sue kuri nen senggelherek engge senggeligiluk sebeli wagarek hak, An naiba omanogo it selei mene nen weim yabi weri'lagwingge re, weim waga iluk enek engge re trompet ane fu'ni o! An nagainafuri nen he An ninom wene watugu mene a'nogo taganhogo hilingitik, An nen yagaisikhi lagi mene omanogo sagalogo hilingitik, ili'lagwi andi.

HABAKUK 1:8

It inangge kuda uarek lagunem he no posi hangge enu macam tutul andi eisok lek oba nen he mondok furung warogo lagarek. Nen anini re mene olomene ambe nele nen hubanggo wagarek andi obabut endebat fano hangge meneat he, it inanggo kuda andoma re obabut mondogat weak. It ap andi inaiba yatma nen kuda amboroba lagaluk uarek wagunem he sue pim en at nunggu mene hikheresik indu-wandunggwe sebeli pikherek andi hak, inoasi kwi wesugun o.

ZAKHARIA 5:9

A'nogo hilingfikhemo an neilenggen liakhugunemen he hemi inebe pire an nebe pikhit tarogo wagunem yerisigi. It inagerabul he sue kuri agerabul omamerek andi hak hilingik welaga. Nen, iren he si ugu a'nogo waluk he nekhengge tarogo laga lagaikha.

MATIUS 24:28

”Sue warek werek halok he, sue warek ninggerek meneat andi andoma andogosi lagarego,” iluk yagaisasikhe.

TITUS 3:3

It a'nogo hilingiti logogun andi re, nit attak ninendawinggen lek ninobabut kembu hak, komore'legat nong-honghogo hilingiti logolik he, afuni inogogwi kaindek inawe a'ma welagaikharek hak, inoba aigage lagagik, inendawimo nen yi mene ti mene ninamolo anggigik, agarek andi mene awe a'ma hak welagagu. A'nogo logolik, it ekhe weagerinafik, wene palhik, it ekhe nit inabiretninobagagik, niren it ninabiret fisigik, ikhi lagagu.