IMAMAT 10:6 - Allah Wene Fano Wene Hupla Inane

⁶ A'nogo hilingitukwasik at Musa nen Harun inom amlogomi inebe pire inenu Eleazar inom Itamar inom inoba yagaisikhi logolik, ”Hit hinendawi ou en hinesi salogo hinasu pelagi su igisogo fong wasu fuk. Hit a'nogo hilingisugun halok he hit hinomat wa'lasugun, nen it afuni Israel mene mondogat ogo Tuhan nen a'mage inoba fagainat. Oba nen he, it afuni Israel mene fenakwe nek he it andi Tuhan agandou en inoate mene andi faget fong wasuak.

IMAMAT 10:6 ပူးပေါင်းရင်းမြစ်များ

2 SAMUEL 24:1

Tuhan nen it afuni Israel mene inoba a'mage lagakhi lagaikhesik, it inunggulenu andi mene inoba enggin mene lakfei wesigiluk at Daud a'nogo konogo hakhogo hilingitikhesik, At Tuhan nen wene at Daud oba yagati logolik he, ”It afuni Israel mene were'ma inom, Yehuda mene were'ma inom, inenu lisu palogo wenaginabin o,” iluk yagatikhe.

EZRA 7:5

Abisua re, Pinehas amlogo. Pinehas re, Eleazar amlogo. Eleazar he, Harun amlogo. Nen at Harun andi re, Imam Agung welagaikhe mene a'nogo.

KELUARAN 6:23

Korah againafuri abengge inebe henagan welagaukwa. Inenu re: Asir, Elkanah, Abiasaf andem. It andem he afuni inunggulenu Korah mene inambu-inombalak welagaukwa.

YEREMIA 7:29

Tuhan nen ikhi logolik, ”Yago, hit afuni Yerusalem mene yi sani! An Tuhan nen nanini arat hinoba figirik, hit mondogat obokhogo lakhinobagagi andi nen he, fong watu logolik, hinesi palogo hugisigik, o tom-tom alonggopkwe andoma nen le wuni wulagaisogo watu welagik ikhi logobagaigen he andogosi we'ni o!

IMAMAT 13:45

Ap misik ekhe agap oba ou purak henanggo mene hilingik werek halok he, aren asu tilip higik lagu mene laberaluk, esi ogo enggen isuageluk herak fisugunem pi we'luk elokhe sebelogo a'ma fikhit sali pi wagu halok, ”Emerek mene! Emerek mene,” iluk ane kwerik nikhi logogin.

MIKHA 1:16

Hit afuni Yehuda mene yi, hinagainafuri hinendawinggen hundik mene hele warinarek logoin enggere, hit fong warogo enegenggerogo logobagaigeluk he, sue yi mene ti mene warek fili ninggerek mene unggul asili waganek andi hak, hinesi hinunggul oba mondogat hogolfilik lano o.

BILANGAN 1:53

Oba nen he, it ap Lewi mene re An Nawi Sabu era'lukwe huli'liphogo wusugun. It andi nen he afuni ekhe horokhogo asi wagunem, An nanini a'luk it Israel mene andoma pinggi inoati hanogo re, iren kagalek logogun,” iluk yagaisasikhe.

BILANGAN 14:6

A'nogo hilingitukwama, it afuni ineil penesi lagaukwa omanogo mene inebe pire, ap Nun amlogo Yosua inom, Yefune amlogo Kaleb inom, emberek it afuni nen he, ”Inendawimo weak agasigen hilingita,” iluk futfouwageluk inasu ugu mene tiliphogo lakfisasukwa.

BILANGAN 16:22

A'nogo isikheba nen, Musa Harun emberek inelokhe kweangma sagaumeti logolik mel isukwa, ”Allah nineisena, Haren enek ineluk welagaikharek mene andoma eluk logouwageluk wogisikhi lagen. Ap misigen weak hilingituba re Haren afuni mondogat inoba ha'mage fisa hak nogo?” isukwa.

BILANGAN 18:5

An nen afuni Israel mene inoba ekhe na'mage figi hanogo re yabu O Senggelek Hore'ma a'nogo inom, nen mezbah oba andoma inom he, we hat Harun inom, it hagainafuri inomen nek hilingiti logogun.

BILANGAN 20:25

Hat Musa nen he, Harun amlogo Eleazar emberek woginarek tom Hot oba lagain o.

BILANGAN 5:18

A'nogo hilingfuluk at imam a'nogo nen he, he andi esi pilingiti logolik tepung endawi menenei faget fei wagu mene a'nogo waganogo he a'nogo enggimo yinggil fikhi logogin, nen at imam a'nogo nek he i arik weak mene homan ugu agai hilingfei wagu mene andi fisogo logogin.

ULANGAN 33:9

inobabut Hat hoba lomborogo logolik, inesugwi inagaisawi faget inom, inogogwi, ina'logomi faget inom, inagainafuri faget inom, abelmatfisaluk, Hat hobaget enek he, esinetfesukwa andi. Haren, yi'nogo hilingiti logoino, ti'nogo hilingiti logoino, iluk yaganisasigin wene andi, iren hologo higithogo hilingitik, nen, haren he, An nen wene warogo wokhinafi, iluk isiginmo, iren, Nit At againafuri, iluk isukwa andi.

YOSUA 22:18

Yogondak he hiren Tuhan hinambot wogosuogeluk hilingiti lagep ari ri! Hiren yogondak yiba Tuhan ane sagalogo hilingisugun halok he, hobit he Aren afuni Israel mene mondogat inoba wene fagain o.

YOSUA 22:20

Akhan hun Zerah amlogo yi mene ti mene mondok legaphogo fugu mene a'nogo faget Tuhan nen wene melalogo yagaisasikhe mene holfuluk hilingitikhe lek oba ambisangma ninggi'nogo hilinglagaikhe nogo? Iluk wenggel hano! Afuni Israel mene mondogat wene inoba agaikhe! Andi hilinglagaikhe a'nogo re, we at Akhan amu weak hilingitikhe oba nen, wa'lagaukwa mene re at amu nek wa'lagaikhe nogo!” iluk yagaisasukwa.

YOSUA 7:1

Tuhan nen afuni Israel mene inoba komorinafi logolik yi mene ti mene o Yerikhoba nen mondogat hugul kugun mene andoma re, we misik iluk ogo ekhe wanugun lek iluk yagaisasikhe. Yagaisasikheba nen he wene melalek a'nogo tiphogo hilingitukwa lek. Ap misik ekhe enu re Akhan andi nen wene melalek andi sagalogo hilingitikheba Tuhan anini afuni Israel mene inoba fesikhe. (Hun Akhan andi eisena enure Karmi nen omba re hun Zabdi inunggulenu Yehuda meneba nen he unggulenu agaukhogo re Zerah mene welagaikhe.)

YOSUA 7:11

Afuni Israel mene weak hilingitama o. An nen wene melalfisikhi logolik, wene warek An inom it inom wat-wat agagu mene andi tiphogo hilingiti logouwageluk yagaisasigi, oba nen he, wene andi sagal faga! Nen yi mene ti mene wolelenggen tagalogo feino iluk igi mene omanogo iren he helaga. Helagasik weinam asinogo iluk he, it inasungge anggele'ma andoma hinagaisogo fakhaga o.