IMAMAT 10:4 - Allah Wene Fano Wene Hupla Inane

⁴ A'nogo yagatikhemo, at Musa nen Harun eisena agot it hun Uziel againafuri Misael inom Elsafan inom aremnogo wolinafikhesik yagaisikhi logolik he, ”Ya we'ni, hit hemberek hinebe hinombalo misik mene nen tago mene welagepma re, hinombalo ebe warek he yoma werek enggere, o Tuhan Awi Sabu sale'ma yoma nen waluk wulibi lambik he o abel endakwe fikhit fei lani o,” iluk yagaisasikhe.

IMAMAT 10:4 ပူးပေါင်းရင်းမြစ်များ

1 TAWARIKH 6:2

Nen at Kehat en he amlogomi ap inebe enggaminogo taginafikhe mene inenu re: Amram inom, Yizhar inom, Hebron inom, Uziel inom andem.

KELUARAN 33:7

A'nogo hilingitukwasik, at Musa nen nineisena Tuhan awi wusigiluk he, it afuni Israel mene inawi sabu tenda andomaba nen endakwe ale'ma pa'nakhogo wuthikhesik he, enu o andogoti logogun oba iluk salhikhe. Andi nen he, it ekhe nineisena Tuhan nen komo wene ikherek mene holu inamolo mene halok he, wulibi laluk o andi laga lagaukwa.

KELUARAN 6:18

Merari amlogomi inebe pire tago welagaukwa. Inenu re Mahli inom, Musi inom, ap inunggulenu Lewi mene a'nogoba inunggulenu lombok it inambisangma ta'laga lagaukwa mene inom a'nogo welagaukwa.

KELUARAN 6:22

At Harun he agwe hun Aminadab a'logo hele Eliseba a'nogo helasikhe; he Eliseba ebere Nahason erei. At Eliseba nen he Nadab inom, Abihu inom, Eliazar inom, Itamar inom taginafikhe.

LUKAS 7:12

Laga lagaukwasik, leget pa'leget kwe ambe palek oba asi lagaukwa hak he, yenggerek ekhe ebe alegat tago mene agaisa sogwe were'ma wa'lagaikhemo re, afuni o sili a'nogo mene inebe hokhorogoat yenggerek warek e yerogo waluk agaisa inom wulibi wagunem eilenggen yerisasikhe.

KISAH PARA RASUL 5:6

A'nogo wa'lagaikhemo, it ap alage mene kwisukwasik he, ebe warek a'nogo su yinggilogo waluk wulifukwasik, kweang habulogo sali lagaukwa.

KISAH PARA RASUL 8:2

A'nogo wulakfisasukwama, it afuni Allah ane hologo hilingiti lagaukwa mene ekhe nen he, Stefanus a'nogo ebe warek kweangma salhukwasik he, obaget le hokhorogo aga lagaukwa.