IMAMAT 10:2 - Allah Wene Fano Wene Hupla Inane

² A'nogo hilingitukwama Tuhan nen ferekhogo it inebe noageluk lakfei wagaikhemo it aremnogo o Tuhan Awi Sabu sale'ma aremnogo nen wa'lagaukwa.

IMAMAT 10:2 ပူးပေါင်းရင်းမြစ်များ

2 SAMUEL 6:7

A'nogo fakfesikheba nen aremnogo sambul at Uza nen hilingitikhe mene andi re Tuhan enu sebelogo fou hakhogo hilingitikhemo re, At Tuhan Allah a'mage Uzaba fesikhesik, at ebe e Peti Wene Warek a'nogo era'lu aremnogo nen ebe pinggi warogo fesikhe.

1RAJA-RAJA 13:28

At ebe lagunem en he nabi Yahuda mene a'nogo warek he ebekhalem aremnogo warek were'ma keledai inom singa inom ogo era'lu aremnogo welagaukwaat. Singa andi nen he, keledai a'nogo ogo ap warek a'nogo ogo senggelinafikhesik nasikhe lek.

1RAJA-RAJA 18:38

A'nogo yagatikhemo, At nineisena Tuhan pogoroba nen endu pelakfei wagaikhemo, wam At faget e nolek amboloba fesikhe mene omanogo inom mondok felelenghogo nasikhe. A'nogo ninggi logolik, endu a'nogo amulogen helep inom, kweang inom, i kalok elema welagaikhe mene omanogo inom wani pigik mondok felelenghogo nasikheat.

2 RAJA-RAJA 1:10

Andi yagatikhemo, at Elia nen ikhi logolik he, ”An nebe Allah amingmingengge halok he, endu pogoroba nen pi waga logolik hat hebe inom, hagoromi inom, hinebe mondogat endu nen nagain o,” iluk yagaisasikhe. Andi isikhemo re, aremnogoat endu pi waga logolik he at perwira a'nogo inom agoromi 50 nen aremnogo inom endu nen inoatikhe.

2 RAJA-RAJA 1:12

Andi yagatukwama, at Elia nen he, ”An nebe eberogo Allah amingmingengge halok he, endu pogoroba nen pi waga logolik hat hebe inom, it hagoromi inebe mondogat inom endu nen hinoasigin o!” iluk yagaisasikhe. Andi yagaisasikhemo re, aremnogoat endu Allah nen pelabi wagaikhemo at perwira a'nogo inom, it agoromi inebe 50 nen aremnogo inom mondogat inoatikhe.

1 TAWARIKH 13:10

Fak fesikhemo nen aremnogoat he at Uza nen hilingitikhe mene andi re Tuhan enu sebelogo fou hakhogo hilingitemo re Tuhan a'mage hun Uza ba fesikhe. A'nogo a'mage fesikhesik aremnogoat ebe pinggi watikhe. A'nogo hilinglagaikhemo re obalik andem faget he enu ”Peres-Uza” ikhi lagaukwa. At Uza a'nogo Tuhan nen watikhe mene andi faget he Daud a'mage lagasikhe.

1 TAWARIKH 15:13

Attak he Peti andi waluk wesugun iluk hilingitugu sambul a'nogo re fanorogo hambuget haluk waluk wesu mene re hit hinebe lek welagep. Andiba re, nit Nineisena Tuhan Allah a'nogo nen he, niren At endawimo anggikhe lek mene higithogo fogeratugu lek andiba re unggum wo'nisikhe andi,” iluk yagaisasikhe.

AYUB 1:16

A'nogo oan yagatu were'ma, Ayub amingmingengge ekhe pirenek mene wagaikhesik he, mel yagatikhe: ”Noe, eilabut endu hangge pogoroba nen yegekhogo pi wagasik wam domba inom, kambing inom, hamingmingengge konhu welagaikharek mene inebe inom, felelenghogo mondok inoatemo an hamingmingengge namu nek neluk wulifirik wene hilinglaga mene andi yagahesi wagi o, noe,” iluk yagatikhe.

MAZMUR 50:3

Nit nineisena Allah andi ebe waga logolik he At ane legengge wagarek lek, At waga logolik elokhoma re endu amulok kulung-kulung wagarek, nen sogoi sielu hokho mene re At ebe huli'liphogo wagarek.

KELUARAN 24:1

Hobuk he, At Tuhan nen Musa mel yagatikhe: ”An noba lagai we'nogen he, hat inom, Harun inom, Natap inom, Abihu inom, afuni Israel mene inogogwi inebe 70 nen inom, hinom lagai wesimbik, it inebe yatmaat andem logolik ineindep awi yagaisogo An fogetnabino.

YESAYA 30:33

O attagenat raja Asyur mene ebe noligin oba re foukhogo fesikhemo werek. Obalik andi re eil uanhogo ma'limaba hilingi'mo elonggo wogole'ma re noligin mene eilem warogo liagaisogo fikhemo werek. Tuhan nen At onggwarek set meneba futhamo re i eil mep mene enu belerang meneba fisagaisogo kwelakfoumo re amulok kulunghogo uan-horok lagagin.

IMAMAT 10:5

A'nogo yagaisasikhe higithogo, it aremnogo wagaukwasik inombalo warek a'nogo asu laberek mene inenggi nen fagaisogo waluk o Sabu sale'ma nen abel endakwe fikhit fei lagaukwa.

IMAMAT 16:1

Ap Harun amlogomi inebe pire nen he, endu nineisena Tuhan wogosu lek mene wogoti lagaukwama, inebe wa'lagaukwasik oba nen hobuk At Tuhan nen Musa mel yagatikhe:

IMAMAT 9:24

A'nogo hasukwama nen ferekhogo aremnogo At Tuhan nen endu pelabi wagaikhemo, nolengge warogo nolhukwa mene inom fenakwe asei werek mene mezbah amboloba welagaikhe mene omanogo inom mondok endu nunggunem hasukwa. A'nogo nunggunem it afuni Israel mene omanogo nen hasukwasik iren inagaiyek mondok hokhorogo hilingiti logolik ineindep awi yagaisogo fogeratukwa.

BILANGAN 16:35

A'nogo hilingitukwasik it ap inebe 250 nen a'nogo amben engge dupa nolhi lagaukwa mene omanogo Tuhan nen endu lakfei wagaikhemo endu nen nasikhe.

BILANGAN 16:49

Andi sambul afuni wa'lagaukwa mene wenagaisogo re 14.700 nen wa'lagaukwa, andem he it hun Korah agoromi inom wene sagalogo fesukwama wa'lagaukwa mene aremnogo inom he lek.

BILANGAN 26:61

Nadab inom. Abihu inom he iren fugungge endu nolhuba omanogo Tuhan endawimo anggasikhe lek oba noletukwama wa'lagaukwa.

KISAH PARA RASUL 5:10

A'nogo yagatu kwelek aremnogoat Safira a'nogo abisagat Petrus era'lu talorogo lagaikhesik ebe wa'lagaikhe. Wa'lagaikhesik were'ma, it ap alage omanogo kwisukwasik, ineilenggen hasukwasik he, ebe warek waluk agun warek sali lagaukwaba era'lu sali lagaukwa.

KISAH PARA RASUL 5:5

A'nogo yagatunem, wene andi, at Ananias esanggo holhikhesik he, erabisak talorogo hulambetikhesik ebe arat wa'lagaikhe. Wa'lagaikhemo re, it afuni inebe hokhorogoat wene hilinglagaikhe mene andi, inesanggo holhukwasik inailo hokhorogo agaukwa.

1 KORINTUS 10:11

It a'nogo hilinginafikhemo inoba hilinglagaikhe andi mondogat he, it afuni ekhe futfikhi logouwagelugat hilinglagaikhe. A'nogo hilinginafikhe iluk lisu palogo fesukwa andi, nit yogondak o wurep oba asi wago mene yi, komorikhi logouwagelugat lisu palogo fesukwa.

1 SAMUEL 6:19

A'nogo meneat he, afuni o Bet-Semes mene ekhe Peti Wene Warogo nineisena Tuhan nen wo'ninafikhe iluk hilingik mene a'nogo elema ineilenggen sorogo kwelakhasukwa mene re, Tuhan nen it inanggele'ma andoma mene inebe 70 nen inoatikhe. A'nogo inoatikhe andiba Tuhan nen enggin hokho mene ninoba lakfei wagama iluk fong wati logolik welagaukwa.