IMAMAT 10:16 - Allah Wene Fano Wene Hupla Inane

¹⁶ Andi nen at Musa nen kambing inaweak legaphogo fouwageluk mene a'nogo faget heinok wogisasikhemo iren yagati logolik, ”Kambing a'nogo re mondogat warogo nolha o,” iluk yagatukwama, at Musa a'mage lagasikhesik it Eliazar inom Itamar inom inoba wenagisikhi logolik,

IMAMAT 10:16 ပူးပေါင်းရင်းမြစ်များ

EZRA 7:5

Abisua re, Pinehas amlogo. Pinehas re, Eleazar amlogo. Eleazar he, Harun amlogo. Nen at Harun andi re, Imam Agung welagaikhe mene a'nogo.

IMAMAT 6:26

Nen, at imam en warogo fei kugu mene andi re obalik tegele'ma o Sabumo ohulumo kwi laguba andoma nen ninggi logogin.

IMAMAT 6:30

Wam inaweak legaphogo iluk hilingitu sambul faget warogo fei wagu mene andi it ninggi'legengge nol fuluk abirengge amep fena re Senggelek Hore'ma andoma waluk kugu mene faget fikhi logogun,” iluk yagatikhe.

IMAMAT 9:15

A'nogo mondogat woge'luk aren kambing ekhe afuni inaweak faget warogo wogetikhe. Nen, kambing andi re at onggwarek aweak faget warogo wogetu mene a'nogo inom seberogo wogetikhe.

IMAMAT 9:3

Nen, it afuni Israel mene nen he kambing ai mene misik ekhe re inaweak legaphogo fouwageluk nen sapi eak ekhe inom, domba eak ekhe inom he wam ebe pirenet umur tahun misik oba mene halok, ebene agambut palek lek mene warogo nolesuageluk yagaisano.

BILANGAN 12:3

At Musa andi obabut he, afuni kweangma yoma welagaikharek mene mondogat inom higitsek lek. It ekhe inobabut fetaksek hangge meneat he, arenek he obabut mondok sebelek agun welagaikhe.

MATIUS 5:22

Mene re, an nen wene ekhe yi yagahisak. Hat sa nen hagailak faget ha'mage lagagu halok he, wene ekhe hoba fagain werego. Nen, hat sa nen hagailak ekhe yagati logolik he: Hat he, hebe kembu yi re! iluk ugu halok he, it ap wene ero pilingitare'ma andoma wokharek laluk, wene hoba fogoin aro. Nen, hat sa nen: Hat he, hendawinggen mondok lek yi ri! Iluk ugu halok he, wene hoba fuluk endu amuilo'ma andoma lakhobagagin o.

MARKUS 10:14

A'nogo wenagisugunem, at Yesus eilenggen isasikhesik a'mage lagasikhesik he, mel yagaisasikhe: ”Afuni inobabut it yenggerugwi ari inobabut andi hangge hilinglasugun halok he, Allah nen awe a'ma fisikhere'ma andoma eisewerek asugun andi nen he, yenggerugwi magendek andoma an noba wesuago. Wene palu fugo.

MARKUS 3:5

Kamo isukwama re, at Yesus eilenggen isilik lagaikhesik he, endawimo nen he: ”Inobabut lagi-lagorek yi ri!” iluk endawimo weak agaikhesik a'mage lagasikhe. A'mage lagasikhesik inoba uarogo re, ap a'nogo mel yagatikhe: ”Henggi pisat han o,” iluk yagatikhemo re, enggi pisat hasikhemo arat fano agaikhe.

EFESUS 4:26

Hina'mage lagaikhe halok, weak hilingitup. Hina'mage lagaluk were'ma, Iblis nen hinendawimo kagalinogo iluk, o mo eil oan ubukhogo kwigi'lek werek kwelek, sagalogo leget feino o.