IMAMAT 10:12 - Allah Wene Fano Wene Hupla Inane

¹² A'nogo yagatikhemo, at Musa nen Harun inom amlogomi inebe pire Eleazar inom Itamar inom yagaisikhi logolik, ”Nunggu mene Tuhan faget fugu mene gandum andoma waluk he, tepung andi mene oba nen he roti fiterek lek meneba wera'luk, werago fugu mene andi re ebe mondok horek mene hilingi'mo mezbah era'lu horokhogo andemen nano.

IMAMAT 10:12 ပူးပေါင်းရင်းမြစ်များ

2 TAWARIKH 31:14

It afuni nen waluk Tuhan obaget fei waga lagaukwa mene omanogo waluk sumburinafi logouwageluk he, Kore, hun Yimna amlogo awi Lewi agun a'nogo o Tuhan Awi wuri'mo Kwe Ambe Hokho mene timur fikhit a'nogoba kagalek werek mene faget kepala welagaikhe agun a'nogo fesikhe.

EZRA 7:5

Abisua re, Pinehas amlogo. Pinehas re, Eleazar amlogo. Eleazar he, Harun amlogo. Nen at Harun andi re, Imam Agung welagaikhe mene a'nogo.

KELUARAN 29:2

tepung terigu mondok fano mene fiterek lek meneba inom mulelino. Mulelek engge omanogoba re roti zaitun amusuba wera'no, nen fena re amusu legengge wera'no, nen tindelasigin mene re kue amusu yugulhigik wera'no.

KELUARAN 29:33

Nen, it inebe menogo inunggul sebelinafik nen inaweak lek hilingisogo ninobagauwagiluk wam domba eino inom, roti inom fogoin mene andi mondogat ninggi logogun. Meneat he, Allah faget fogoin mene andi horek mene hilingi'mo re, it afuni we mene nogoin mondok lek.

KELUARAN 6:23

Korah againafuri abengge inebe henagan welagaukwa. Inenu re: Asir, Elkanah, Abiasaf andem. It andem he afuni inunggulenu Korah mene inambu-inombalak welagaukwa.

YEHEZKIEL 44:29

It andi re An nobaget gandum inom wam inaweak horogo leget fisoageluk warogo fugu mene inom, afuni inangge obali'mo fugu mene inom andomaba ineluk logogun, nen yi mene ti mene An nobaget iluk enogo nobagakhi logogun engge andoma re it enek wogisikhi logogun.

IMAMAT 10:13

Roti andi Tuhan obaget fugu mene hilingi'more nunggu mene ogore obalik hore'ma nen nano. Tuhan nen an noba wene melalnobagakhi logolik he roti andi re hat inom hat hamlogomi inom hinobaget mene iluk yaganete.

IMAMAT 21:22

Andiba nen he, iren nunggu mene mondok hihorek mene inom, we horek mene enogo fugu mene inom, An nobaget waganogo fei wagu mene andoma ninggi logogun fano.

IMAMAT 24:9

Roti andoma re naiba fei wagu mene it imam mene inobaget oba nen Tuhan wogosi wagu mene mondok horek mene hilingi'more roti andi re at Harun eisok erokwe mene faget, iren obalik mondok horek oba omanogo nen ninggi logogun,” iluk isikhe.

IMAMAT 7:9

Amep werek lek mene nolhunem noli waga logogun mene inom, kuali ba isago mene inom, kethigik werago mene inom he, it imam waluk fei wagunem Tuhan wogeti logogun mene andi angge aga logogin

BILANGAN 3:2

Harun againafuri ap inebe 4 en welagaukwa mene inenu re yi: inoe manggusa mene enu re Nadab, nen ombo'ne re Abihu inom, Eleazar inom, Itamar inom welagaukwa.