IMAMAT 1:5 - Allah Wene Fano Wene Hupla Inane

⁵ A'nogo hilingfuluk he sapi a'nogo re, o Sabu solombonma andemen watfuluk amep he at Harun nen tagomangge mene it imam omanogo nen waganogo Tuhan obaget fuluk he, o sabu solombonma omanogo nen Mezbah a'nogo unggut enggaminogo omanogobene kweisal hilik laga logogin.

IMAMAT 1:5 ပူးပေါင်းရင်းမြစ်များ

2 TAWARIKH 35:11

A'nogo hilingfuluk he, iren wam Paskah faget hilingiti logolik isatu mene omanogo warik lagaukwama re it ap Lewi inaben he wam omanogo agap nonggolik lagu kwelek he it imam omanogo re, amep omanogo wokhigik he mezbah a'nogo bene kweisalik lagaukwa.

KELUARAN 29:11

sapi ai mene andi An neilhanem o sabu lelunggulmo andoma nen wat feino.

KELUARAN 29:16

domba andi warogo amep waganogo re mezbah unggut higithogo andoma kweisal feino.

KELUARAN 40:6

Nen mezbah obalik warogo nolhuba andi re O Sabu andi solombonma kwe kuguba andem feino.

YESAYA 52:15

Meneba nen aren hilingitunem afuni inunggulenu mondogaren foktiati logogun, raja-raja omanogore inoba fogimbik he inambe sop-sophogo logogun. Attak inonggothogo welagaukwa mene omanogore, iren ineilenggen hambik he futfogoin o.” isikhe.

YEHEZKIEL 36:25

Andi mondogat hilingfuluk hit hinebe hinanggembu oba nen inom nen yi weak ti weak hilingutunem hinebe emethinobagaikhe mene andiba nen inom An nen i eil wurik meneba sobalhinabigin.

YEHEZKIEL 43:18

Tuhan Lego Mondok welagarek mene a'nogo nen an noba yaganeti logolik, ”Afuni wa'lagaikharek mene yi re, An nen hat hoba yagaheti lagi mene andoma re hesanggo fanorogo holin o. Mezbah andi mondogat wut fuluk he, haren wam warogo amboloba fei laluk wam amep ebene kweisal fuluk endu nolino o.

IMAMAT 1:11

Fei we'luk ap a'nogo nen wam a'nogo mezbah abel poikwe fikhit andoma nen watfuluk he, it imam omanogo nen amep waganogo mezbah unggut higithogo omanogo ebene kweisalhi logogun.

IMAMAT 1:15

Fei wagunem it imam en sue a'nogo waluk mezbah were'ma wagunem he, alonggobak perelogo watfuluk unggul enek mezbah amboloba nol fikhi logogun. Nen, sue a'nogo amep he mezbah a'nogo era'lukwe andoma kweterisikhi logogun.

IMAMAT 16:15

A'nogo arat hilingfuluk he, afuni Israel mene mondogat weak hilingita mene An nen horogo legetfisoagaluk kambing warogo senggelino o. Senggelimbik, amep he, An nonggwarek nawi hulu hore'ma a'nogo waluk kwimbik, wam sapi ai mene amep waluk kwimbik hilingisigin andi higithogoat, peti An nen wene warogo wokhinafigi iluk hilingik werek andi ambe sa'lip ebene kwetet higik, watfuluk he, elokhekwe figit kwetet higik, watfikhi logouwago.

IMAMAT 17:11

Yi mene ti mene eluk werek mene oma re amep oba nek eluk welagarek. Andi nen he, Tuhan nen ikhi logolik he amep mondogat he, At againafuri inaweak leget fisouwageluk mezbah amboloba omanogo nek kweisalisikhi logogun. Nen, mep andi re ebe eluk oba Aren inaweak lek hilingisogo fisikhi logogin.

IMAMAT 3:13

Waluk we'luk aremnogo nen he ap a'nogo kambing a'nogo enggi nen unggul sebelek werek kwelek he, O Sabu sale'ma solombonma aremnogo nen kambing a'nogo wasugun. Wat foumo it ap imam en he amep a'nogo waluk mezbah unggut 4 en aremnogobene kweisalhi logogun.

IMAMAT 3:2

Fei we'luk ap waluk wagu mene a'nogo enggi wam a'nogo ungguloba sebel fugunem Tuhan Awi Sabu wurik oba solombonma aremnogo nen wati logogun. Nen, it imam at Harun ambisangma mene omanogo nen he sapi amep omanogo waluk mezbah unggut enggaminogo abel higithogo kweterisilik laga logogun.

IMAMAT 3:8

Andem waluk we'luk he ap a'nogo nen enggi domba a'nogo ungguloba sebel fuluk o Sabu solombonma andoma nen wa'no. Wat fuluk at imam en he amep waluk mezbah a'nogo unggut 4 aremnogo ebene kweterisilik laga logogin.

IMAMAT 4:29

Aren he wam a'nogo unggul oba enggi nen sebelek logolik, wam watfuluk noluogeluk senggelhuba mezbah werek mene a'nogo abel ambol fikhit andoma nen wati logogun.

IMAMAT 4:33

Aren he enggi wam a'nogo unggul oba sebel fuluk, wam warogo noluogeluk ebe senggelharek oba mezbah welagarek higithogo abel utara fikhit andoma nen wati logogun.

IMAMAT 4:7

Mep a'nogo nen fena fikhit he o Sabu elonggoma nen amben fano mene enu duba noli kuguba obalik mezbah a'nogo andimuk nganoksek mene ebene watfuluk, fena abirengge re mezbah warogo nolhu men o Sabu elokhoma werek mene a'nogo eisok erokwe andoma kweisal isikhi logogin.

MIKHA 6:6

Niren nineindep awi yagaisogo nineisena Tuhan Allah pogoroba mene a'nogo obaget hilingisuogeluk he, nena mene wogosi waga logogun nogo? Niren At obaget endawimo agaiyek hoageluk wam warogo noleti logolik he, wam sapi ket kotorek mene warogo nolesu hak anggegep?

BILANGAN 18:17

Oba nen he sapi, domba, kambing attak tatu mene halok he onggo palu fuk. Wam andoma re An nobaget mene hilingi'mo re warogo fikhi logogun. Amep he mezbah a'nogo ebene kweisal isaluk he aseire warogo nolhu mene iluk nolhi logogun. Andi amben nen he An nendawimo healhi logogin.

IBRANI 10:11

It ap Allah eisewerek inebe lombogen afuni faget hilingiti logolik he, hundik-handik hobugalep wam wareti lagaukwa andi mene nek warogo Allah wogeti lagaukwa andi nen, Allah nen it weak hilingiti lagaukwa mene korogo wokhagain he, mondok elo'lek agaikhe andi o.

IBRANI 12:24

Yogondak Allah nen nit ninom hunesuogeluk wene ket mene warogo wo'ninafikhesik, Yesus ebe wo'nisasikhemo hulisanem werek andi inom were'ma wagebo. Andi re, Habel oe nen watikhemo amep wene weak mene hilinglagaikhe mene andi oba wagep fuk. We, Yesus ebe watukwama amep oba legeisogo figik warogo fano wene hilinglagaikhe mene oba wagebo.

1 SAMUEL 1:25

A'nogo waluk wagaukwasik, wam sapi a'nogo warogo senggelhukwasik he, Samuel ebe Eli oba waluk kwisukwa.